¹ Tabarada kakodoge lawiti, kekera koko Daud, ledu limmanai MORI malaida ata kabokala na takwe ta larr atena, walle ladahigmage madauta ta ALLA ta bara matana. ² Tabollo, ta mata-Na, na kadanawe, ta jalana walle na tamomaiyi ka muhhu. ³ Rada hatakda tabada hanwa kabokalay monno kamma tipuyi. nyiyo na ngahu inne kamma yanna kina monno rayige kadahha. ⁴ Nyiyi na nahakannage kajapata na dura ta pinyana dau durana. Nyi mehahena dede ta lara aika dahha; nyi wallena tullerage kajappata. ⁵ Oh MORI,kadahhaMu dikwe ta langta,manawaraMu dikwe ta karaba. ⁶ HatenaMu natujjawe na letena ka hadda madesta, ukku pataMu na tujjawe ban kahada lura. Oh MORI, Yau ka tolka manemara umattum ata monno ranga. ⁷ Bitta lawe hige milla ate manawara-Mu,O ALLA! rada ana ata mayega dage panyu ta mawo kapa-Mu. ⁸ Yidda da puas waige habana ta umma-Mu,monno yau him yidi yidda haenu wali ta lay we lagaraha-Mu. ⁹ Tabolo, baole-Gu dage ege ate dita koko; ta larr kamagakahana ta bara-Mu, himma etawe magakaha. ¹⁰ Halarage milla ate manawara-Mu tabara ata ka tada-Wu,monno matija-Mu tabara ka lurha atena. ¹¹ Iyam pahaikad ledu ata ka sombong mai tabara-Gu,lohho limma ata bokala kagoyaka-Ga. ¹² Inna bali, rada ata ka rayige bokala da monube,yidda hangerabeddi monno walledahil makka mana kade.