¹ Lawitinai Daud, Gabbagadi oh MORI, radde yidda kakadde gabbaga nauwa, gabbadi yidda kagabbaga. ² Kulha toda monno toda maraha, lohho kam ha kadeyi tutge bam tulga. ³ batge nabum monno monno lembing tutge bamgabaga lohho kamrotwa. klum dagahi tabara uragu.'' nauwa mom morhawu.'' ⁴ Yamani kaha makeiyi loho kakulrayi, yidda ka makgage lolo ngahugu. nyamdi yidda kadda kahadawe aika dahha kana hananagawe kada erna kaha bada make. ⁵ Nyamad yidda kada kabalna nguta ta bara rereha, kada oled malaikat MORI, loho kada wurna. ⁶ Nyamad lara yidda kana kabagta loho kana tamelha kada oleni malaikat MORI kada rotiyi. ⁷ Oroge aika manu kappena yidda naka munyini hira walta rate tutge karogogu. ⁸ Nyamad yidda kada mai tutge baha wauhodi, loho kada meha loho kana yanaiyi hirra hedod kaha munyidi. Nyamad yidda kada malorta monno mauha. ⁹ Monno, dewagu hadadiwe bana egewe ta inne ta MORI na ege atewe tutge morhana-Nyi. ¹⁰ Tangkahadi rigu nahaneweyi, '' iyai ka hatujja Yauw, oh MORI, lohho kahalai rade ata kaha kitage wal yidda rehi kulha. Tutge rade ata kama yilla akta walta yidda karamage?'' ¹¹ Katakgi eta kajapata dakade, yidda na kapatai aihatadagu. ¹² Yidda na gabage tabaragu kajapata walta dahagu, dewagu namayilla. ¹³ Tabollo na paddanage kalawara, dawakota waina higngi bada bakna, loho na bawana dewagu kaha batauge. Sembayangugu nahagawe takurugu. ¹⁴ Nauwa ge higkakowa hayawuna inne tabarana ole baigu kakalawara. Nauwa higgu torwa ta egeate katujja mayilla orona inyagu. ¹⁵ Tabollo, nauwa bagu widdawa, yidda nauwka monno namakahha, makahha tagkahada rada kahatau ka walle hatadagu, ka kamaropo walena kanada. ¹⁶ Rade ata aika dahha na terewa inna tapesta, yidda nagagta waiyidi nguduna yidda. ¹⁷ Piraho madiyo Yauwu bam torrowa MORI? deke tangani dewagu walta muhhugu yidda, dauwugu rade kawukina, walta singa lakawa. ¹⁸ Nauwa higgu dokge ategu tabara-Mu walta kamakahha buta, nauwa higgu ege atewa ta bara-Mu ta oroge kabuta bangsa. ¹⁹ Iyam nyamad rat ata, loho rat muh-muh kabakala wallema kapege bada kabakga mata. ²⁰ Tabolo yidda walda takimawe mol, tutge bada hawuna bada taki awawe tabarana yida kaha wuna walta diha negeri. ²¹ Yida dabugerage bada bada gabawe loho bada hanewe,kampanyege''radapada gamadi matama nami bama ete dawuy!'' ²² Yauw him etawa, oh MORI, aim kadannakawu ta tawugu. Oh MORI,aim maraukaw wal ta tawugu. ²³ Kade monno kam dedewu tutge ta adillugu monno tutge kadadigu, o ALLA monno MORIgu. ²⁴ Hakimga nauwa MORI, ALLAgu,dokuge tena-MU, iyam kahaikad yidda bada egai ateda oro nauwa. ²⁵ Nyamad yidda bada takiwe lar ta atena,''hamakge dewama!'' iyam yamadi yidda bada takiyi hamakge karogona,''nauwa higu kabalobige!.'' ²⁶ nyamad yidda kada hamakei monno kada make,tang kahada ege ate walta mayilla. Nyamad yidda tau kalabe kadda make monna cela, yidda kamadakage tauda ta baragu. ²⁷ 27 Yamad yidda senag monno ege ate,yidda kamadige hatena.Yamad yidda hangatana hanewe,''madakay MORI,a ka dahha ate banna dahhawe morhada umatNa. ²⁸ Ta nyiduwege lamagu mana talarage katenaMu,monno nalawiti tara laddo.