¹ Wallge Daud, walina bada hawohoge hapangadana ta baranai Abimelekh, ta nyige ba wuggai, manna kako. Nauwa higgu daikai MORI, tangage laddo; ra lawiti ta bara-Na engage bata bagudi. ² Tauwugu na manadage ta baranai MORI, ata ka habawage atena na range monno na ege. ³ Deketai MORI naolega, monno mai yitta kadda madehtanage ngara-Na tagkahada. ⁴ Nauwa higgu mayegani MORI, na Nyi na balehawa, monno na nyammaga walli tangakahadi hamadautagu. ⁵ Rade ata ka torro-Yi na magaha, monno mata na wallena makemai. ⁶ Rade ata ka kadoku na kamaikadi, monno MORI na rangei; na begge na tulludi walta tanggkahadi mayilla. ⁷ Malaikat MORI na rabo ta kamalinggora tabarada rade ata ka madauta tabarana-Nyi, monno nakahallai yidda. ⁸ Kamage monno torroi nadda MORI na dahha! namaringidi rade ata ka mayegage hadaudau ta barana-Nyi! ⁹ Madautani MORI, ta miyo ata kadahha, taoro ata ka madauta tabara-Na walle na karebama. ¹⁰ Singa-singa lakawa mayilla monno kareba, tabollo rade ata ka mayegani MORI, walle mayillma ka dahha. ¹¹ Maige, rade lakawa, rangewa nauwa, nauwa higgu takkamige anga linnawe madautani MORI. ¹² Iyai ata ka mannege morrha, monno kabaige etawe morha dihha dau? ¹³ Torro lammamu walka aika dahha, loppo rowimu walge hanewe ka kawohhoka. ¹⁴ Mahinggau walka aika dahha monno ullage ka dahha, mayegage kaege ate monno rotwe nut. ^{15 5} Watmatana MORI, na torroi rade ata ka dahha, monno katillu-Na na rangei nage kawulana yidda tulldi. ¹⁶ Matana MORI na kaduredi yidda ka karaina aika dahha, oroge nahopiyi karayina yidda ta panutana. ¹⁷ Yidda na kawula, MRI na rangeiyi, monno na nyamadi yidda walta mayillana. ¹⁸ MORI na baradi rade kapaha atena, monno natulludi yidda ka maropo larr roh. ¹⁹ Butalai mayillna ata ka dahha, tabollo MORI na kahalai yidda waltangadi. ²⁰ Nyi na tulludi tagkahadi ridna, walle lama higmana wuyo ka bata. ²¹ Mayilla na wunnuyi ata kawohhoka. monno nameyegaddi ata ka dahha na kattidi. ²² MORI na kahalai tauna rade anana-Nyi, monno tagkahana ka mayegani na mawo ta barana-Nyi ka aika na jalana.