¹ Daikayyi ta larr MORI, ta mi ata katengna! Lawiti rat na dahai tabarana radda ata ka dahha. ² bapalangini MORI waina jugga, kawulan MORI waina katabbo kabul kalarri. ³ Lawitin tabara-Na waina Lawiti dahha, malengo dahhani jugga lar kaauwka! ⁴ Tabollo, linai MORI nat tautakage, monno tangkahadi haraiulla-Na narayidi ka egeate. ⁵ Na baiyidi katautakana monno kaadil. Pannu tana nabannuge oro maringinai MORI. ⁶ oronage Linai MORI, langta nadadiwe, monno oronage ngahu banna-Na, tagkahadi ana-Na. ⁷ Na pakahawe we bannu kanna mera wu, Na ijjalawe samudra raya ta koro perbendaharaan. ⁸ Nyamaddi tagkahana pannu tana madautani nadai MORI, nyamaddi tagkahada ata ta pannu tana na kedoni. ⁹ Na hanewe, monno nadadi takawe, Na takwe, monno tagkahana na dede diddara. ¹⁰ MORI na tipkawe harayida rada bangsa-bangsa, Na pattuyi hanganana tangkahdi kabihhu. ¹¹ Habai atenai MORI engage bataudage, habaiate-Na wal rade ana genasi. ¹² Namaringidi ata rade ka ALLA ni MORI, rade ata kahapedena kahayina ahli waris-Nya. MORI natorro walta surga, Na torroyi tagkahadi lakawa ata. ¹⁴ Walta hadau ngodona, Na torroyi tagkahana rada ata ta panutana. ¹⁵ Nyi ka kataudi ate yidda tangakahana, monno natorroyi tagkaha harayina yidda. ¹⁶ Raja walle hatulmai taoroge namadakai rade atana; na ata kamadaka walle nyammamdi taoroge hakulhana nama dakkawe. ¹⁷ jarra nyiyo hatena hakawohana ta manamenang, taumoge na hakulhana bada madakkahiwe, na walle na tulhiongmage. ¹⁸ Torro, mata MORI namattaradi rade ata ka ma dautani -Nyiyo. Rade ata ka manneni oro dita koko-Na, ¹⁹ Tutge kanna tulludi rade tauna yidda wall tamate, monno na naremadi morrhana yidda wal takareba. ²⁰ Tauda da remani MORI. Nyi ka tulda monno karamboda. ²¹ Tabollo, ate da yitta na egewe ta barana Nyi, oro nage yitta bada hatenai nage ngara-Na ka kategna. ²² Nyammamoge ate dahha-Mu, oh MORI, ba dage ta bara ma, ba oronage nami himma mannegu Yauw.