¹ Rangewe manada, oh MORI. Hamatarage marainogu, rangewe habayagu, wale kawalmawe lamma kapaleka. ² Tanyidawe rakage amge walta aro-Mu engage matam etawe katena. ³ Yau dum kabage atem, Yauge kamu dikga bana gagge. Yau kamurrahaga monno Yau walem padda magage agawe nim. Nauwa bada harai oro baggu aika malai. ⁴ Tut harai kadadi ata, dokge kawal ta rowimu nauwa hamataraga ta lara kama yilla. ⁵ Nyagagu engage bagu patetig oro ledumu walna magaramai. ⁸ Ilam hatujaga tawiha mata-Mu kabunga ta kabu kapa-Mu. ⁹ Kawali ta ata liloko, Kaha yillawe nauwa walta muh-muhugu, kawole taga nauwa. ¹⁰ Marhana na toniwe, waige bda yida, yida datakwe waige ka wohoka. ¹¹ Batauge, yida dabokadi nyanga-nyagagu, yida daha arod matada, tut baitaga ta tana. ¹² Nyi katauna nak wuu singa, naka mag takan hirrai. Monno katauna singa bad, kaengana taha dau kabun. ¹³ Hakadewa, O MORI! Aron nyi, monno naka wojo nyi kam hatolkaga wal taata bokala. Rada ata-ata wain lima-Mu Oh MORI, ¹⁴ wal rade ata ta pantana kadauge morha kadana batauge, Yau pandad tidda yida waige daum, yida kada bokta monno anada, monno yida datana wolo waidi monno rada anada yida. ¹⁵ Tanyidawe, nauwa engage bag oro matagu nna lak katena, nyi bag kadewa, tanam dugu kag lagahara oro hadamu.