¹ Tabarada kakodoge lawitti: Ege atei Daud, Atana nai MORI, katakwe tabakai MORI linna nade lawitti, nedo talado bana hatolkani MORI walli tagngada limma muhna monno wali talimmana Saul. Nauwa manawaragu, Oh MORI, kulha gu. ² MORI Nyi lete watugu, koro kopa gu monno manemaragu, ALLA gu, lete watu gu, ta barana Nyi nauwa mayegage tolka toda gu, kadu tailogu, hadau hailagu kama desta. ³ Nauwa gu kawula-kawulani MORI, kama rakka pahadi daika, nyiwe nauwa maha tolkaga wali ta muhhu-muhhu gu ⁴ Kalarri- kalarri mate, nakojala ga, monno kako baiitage kajapata, na ngidiwa nauwa. ⁵ kalar-kalarri pantana ata mate na kajelaga, hirra-hirra hamate dangaga nadabbo ka ⁶ Katil kapitogu, nauwag kawulan MORI, nauwag marainowa karai matulli tabarana ALLA gu wali ta umma -Na Nyiyo na rangega ligu, monno maraino gu karai matulli tabara-Na dikiwe taka til-Na ⁷ Tamurge, pantana na yoyoge monno gedoge. Monno, rada pudi letena nadadarayi monno nagedoyi, oro Nyi bana baani. ⁸ Ham nahuge wal ta karna-Na, latti walta baa-Na na yage, malaga namuttuy walta bara-Na. ⁹ Nyi nahabukkuge langta loho nabuur, kapagta takab lekna-Ge. ¹⁰ Nyi nakaletey kerub monno wurna, nyi nawurna ta pan kapa rereha. ¹¹ Nyi narayige kapagtana rada hadau kabunyi-Na, ta umma-Na kakilora-Ni, ta wee kapagtana monno karabba kama kabla ta langta. ¹² Walta magakaha ta aro-Na, nabungayi rada karabba-Na kama kabla, urra es monno malaga lat. ¹³ MORO nakaburawe ta langta, waina urra es monno malaga lat. ¹⁴ Nyi napahalai ana pana-Na monno nahabaradi, kamilaka nawatara monno naha gela gaggad yidda. ¹⁵ Bege, nadedoyi ora bannu, monno puge pan tana nama kuaray, oro hanamu-Mu, o MORI, oro tingwe ngahna wal ta karru-Mu. ¹⁶ Nyi nahalewai waL tahadau kama deta, Nyi na ngalawa nauwa, Nyi natingwa, walta mirage wee. ¹⁷ Nyi nahamanemarawa walta muhhug kakulha, walta yidda kabutga ate nauwa. Oro, yidda alkulhada tubagu. ¹⁸ Yidda da hadawa ta lado mayillagu, taboloi MORI nyi karukkawa. ¹⁹ Nyi na ngidawa huna, ta hadau ka midara, Nyi nahamane marawa, oro Nyi marakka tabaragu. ²⁰ MORI nahagabawe doukge tenagu, Nyi napalwa. ²¹ Oro, nauwa nakarawa beyi rada laranai Mori, monno walna kal rayigmage bokala tabara Allagu. ²² Oro, tangad uk pareha-Na dad ta arogu, monno nauwa waleg jallorakmawa wal pahadidarabe-Na. ²³ Nauwag banna ta aro-Na, monno najawagage taugu wal kajalora, ²⁴ Oro bataudage, MORI nahagabagage doukge tenagu, doukge langud limmag ta aro mata-Na. ²⁵ Tabarada kadahha, Yau hatingoge nna yau yauum hatigngo gage oroge Yau dau dahha, tabara kabanna, Yau hatingngoge nna yau dau banna. ²⁶ Tabara ata kalangna, Yau hatingngoge nna Yau dau langna, tabaolo tabara kajalora, Yau manikiu. ²⁷ Oro, Yau hamanemarai rada ata kamayilla, tabolo mata ata baibo Yauhali bawad ²⁸ Oro, Yau kaharewugage lat wegu. MORI Allagu, nahamagakahagage kapagtagu. ²⁹ Oro, waIG Yau, nauwa dakwe malai ta jonga kangoyi ata, monno waig allagu, nauwa dakwe talahokage gal watu. ³⁰ Nadai Alla, lara-Na banna, hataknai nadai Mori pakirahabewe. Nyi nyikna toda tuba tangngana ata kamayegana hamawona tabara-Na. ³¹ Oro, iyai Alla, ai nyikai MORI? Iyai lete watna, ai nyikai Allada? ³² Alla, kakatgage baggeg waige kakkulha, Nyi narayigani larag kabanna. ³³ Nyi narayigadi ledugu tujai ledu ruha, kadede ta pan ana letena. ³⁴ Nyi nahanuawagad limmagu hatau, dajalage kaigu dakwe hakalegon wudda taburaka. ³⁵ Yau yibega toda manemara-Mu, limma kawana-Mu dullawa nauwa. Monno, mawu ate-Mu, pahadawa dak madakka. ³⁶ Yau haluragad rada orog nna ta kabugu, monno kmik ledug walna talarakmayi. ³⁷ Nauwag rotiyi muhug monno yapay yidda, nauwa waleg hil haggakmaa kahha yidda dukana. Nauwag hamauhad yidda, dajalage yidda aida hil mukkana kadde. Yidda bukka, ta kab ledugu. ³⁹ Oro, Yau kat gad bageg waige kulha tut hatau, Yau rayid yidda kakadde gabaga nauwa takkod kuddoda. ⁴⁰ Yau harakagad kokoda muhug. monno Yau pudahi yidda, kabutga ate. ⁴¹ Yidda dakawula, tabolo wale lakma kahamanemarai, tabarai MORI, tabolo Nyi walna balehakma. ⁴² Nauwa halonyi wetaradi yidda, tujai kabka pahawurna rereha, nauwa hamukkad yidda tujai karijaka ta lara. ⁴³ Yau pahilpaga nauwa, wal kahataya ana pahareha . Yau keketawa dak kapala ta bangsa-bangsa, ana pahareha aiha tadam ka ngakka tabaragu. ⁴⁴ Rada katilda bada rangewe tutugu, yidda hadouk tabarag. Rada ata palaka, ka ngakka tabarag. ⁴⁵ Rada ata lipalakadak malel. monno hu waina kayikka wal kalibboda. ⁴⁶ Morhai MORI! madaikau yau ate watu gu, monno hama destani ALLA kaha tolka mane maraga. ⁴⁷ ALLA na taugage gabbage, Nyi naha newe tabarada bangsa-bangsa tanam kadakagka tabaragu ⁴⁸ Nyiyo kahatolkaga wali ta tagngada muhhugu, tautakanage, Yauwu bamu deketawa nauwa, ta ta dada yidda ka ahawikna kagabbaga nauwa, Yauw katulga mane maraga, wali tabarada ata kam rapka ate. ⁴⁹ Oro nage, magu deketawe wai bawgu- gu ta bara-Mu ta tillu bangsa-bangsa Oh MORI. Nauwag sadi daika guge ngara-Mu. ⁵⁰ Nyi yo nayi dage tolka madakka tabara Raja-Na, monno naha dede ge manara-Na, tabasrada ata hapede-Na tabaranai Daud monno tabarada walla wuna kahha lado murri-lado murri.