¹ Hamawoge nauwa, O ALLA, oro tatillu Yauwu, magu hamawona. ² Nauwa hanewewa ta bara-Mu MORI, Yauwu oro MORI gugu. Walelama karehi daha." ³ Ata-ata tiyana kadana tapanu tana yida oro ata-ata katengu nadi, tatillu taggahage habaiguge. ⁴ Mayilla lawe ata-ata kahiyo wale aumana ladadeka mataba butayi. Bana majokoyi rada nauwa walle aumawa hokudi, monno nauwa Nauwa waleg aumawa taki dadi ngarada ta rowigu. ⁵ MORI na daukage dauwugu monno ngihi ummagu Yauwu naro gage haligu. ⁶ Kalari morha na monubewe tabaragu tana dauwu hamado. Tabollo nauwa hibbawa dauwugu ka dahha. ⁷ Nauwa higgu kahadewu MORI, oroge bamu manawaraga ta gadni malauwu, ategu naha newewe tabaragu. ⁸ Nauwa hadauwuwu MORI tabara arogu. Oro nyiwe badani tabara kawanagu, nauwa walegu gedo mawa. ⁹ Oro bataudage ate na egewe monno tauwugu engge dahhawe. ¹⁰ Oro, Yauwu walle na engana dewagu, ta barana ate mate, Yauwu walemmayaumadi ata kahadiwu etayi kaliloko. ¹¹ Yauwu takigage tabaragu talima kawana-Mu dage kanyuru kataukalana mojana.