Yitta Wale Na Dadik Mawe Hanukkuyi Duda Morida ¹ Yesus linage tabara ana hakodo-Na, "Gani weu ata pote kadayo pa ama kaha nukkuyi. Mono, tabarana ata pote nadda da hadikkige nadda pa ama kaha nukuyi na wala wai bedi ngawuna. ² Oro inna, ata pote nada kamai kanai pa ama kaha nukuyi mono linage,' Agawe nauwa harangegu tutumu inna? Yiwe taguna balehamu ta tangage ha ullamu oroge yau wale na hilu daduik mawe ba yau kanarrona amahagu.' ³ P ama kahanukkuyi nadda dummo ha ngadage,' Agawe inna harayigu oro batauge morigu na pahubega wali taha ullagu? Nauwa walena tutuk mawe kulhagu tutu tabeka monno ug makkewa tutu karaiyo. ⁴ Nauwa ug tadawe aga dahpwe harayigu dajalahge kole nauwa ba pahuga ba nauwa kanarrona amaha, ata enga hibadaga ta ummada yidda.' ⁵ Bege, nyi dummo naka maikadi tangada ata ka rai wutta tabara morina. Tabara ata kadihhana nyi linage, ' pirrayi wuttamu tabara morigu?' ⁶ Ata nadda balehawe, 'Ngahu kadogiyi we Zaitun.' Lohho,pa ama kaha nukuyi nada linage tabarana, 'Ngalawe jurata wuttamu, gehawuge ngodo monom tolhayi limma kabulu kadogi.' ⁷ Bege pa ama kaha nukuyi nadda na kanukkayi tabarada ata wadeka,'Pirayi butadi wuttamu?' Ata nadda balehawe,' Ngahu raddiyi gandum.' Nyiwe kanarrona amaha nada linage tabarana, 'Ngalawege jurata wuttamu mono tolhayi wuttamu podo pata kabulu ditayi.' ⁸ Bege, ata pote nadda na daikayi pa ama ka hanukkuyi aika lurha nadda oro nyi bana rayina akala pa winni. Oro, anana panu tana inne rehi angta tutu orhayi ole atada wali ta ana magakaha. ⁹ Nauwa luguhge tabaramu, rayi dagela kaha ole atena waina amaha aika tena dajalage kole amaha rada dukkadi, miyo enga mai ngalami ta umma aika dukkana. ¹⁰ Iya hing kayi ka mikku lari ta hada kamarraha, nyi na mikku lari ta hada kama dakka. Mono, iya hing kayi aika lurha lari ta hada ka marraha, nyi dummo wale na lurhakma ta hada kamadakka. ¹¹ Nyiwe, nyi miyo ai hatenami hanukkuyi ngawu panu tana, iya hoyi kaha tenami ta ngawu katau takka na tabarami? ¹² Mono, nyi miyo aina dadi kawe hatenami lari bamu waidi dau ata wadeka, iya dahoyi ka yigimi agayi katau takkana ka dadi ba daumuni? ¹³ Wale lakma kaha nukuwe ka dadi hanukkuyi duda morina oro nyi enga butu nani ate morina nada wuyo mono na baini nada morina wu wali. Waleka, nyi enga na dokuni tabarana morina nada wuyo mono na tau taipayi nada wuwali. Miyo wale na dadik mawe ha nukkuyi Allah mono amaha." Ha Namu Tutuda Ata Farisi ¹⁴ Ata Farisi, kabainadi amaha, rangewe hada inna mono da terekayi Yesus. ¹⁵ Yesus linage tabarada yidda, "Miyo ata kaha tena dauwe tau daumi ta aro ole atami, taboloi Allah tadawe ngihi atemu katau takkana oro ha ha keketa dudummo ta jonga kadadi ata wuwe hada kama jigla ta aronai Allah. ¹⁶ Ukku P areha Taurat mono jurata tangada Nabi yidda paha nua kaha tai Yohanes; wali tai Yohanes, Liyo ege ate tutu kalingora nai Allah pa talara bewe mono tangana ata ha karuhhuyi tama neda lari. ¹⁷ Ta nyiduwe katau takkana, rehi lewara hoge tuba langta mono tana kana bungawe wali ta wuyo hodiki lari ta ukku Taurat ba padekawe. Tutu Pahewa ¹⁸ "Tangana ata kapa hewa dangani ole ummana mono ngala wali lawai heka, nyi rayi nage jala atana. Mono, ata ka ngalayi lawai kapa heswa danga beni laina, rayi jala nage jala atana." Ata Pote Monoi Lazarus ¹⁹ "Dani wu ata pote kawai duwana kalabbe kaba linen, mono dahhawe ha ngatawe halina bana majabola. ²⁰ Ta binna kalla umma ata pote nadda, na baika wu ata milla ka ngaranai lazarus, tauna banuge kara. ²¹ Nyi na mannege yini ha yayo aga hingkayi ka monu wali ta meja dau yana ata pote nadda; lohho bagga amidi mono jalli nadi karana. ²² Diha wu hadakka, ata milla nadda mate mono da ngidiyi malaikat ta baba nai Abraham. Ata pote nadda dummo mate jala lohho tanini. ²³ Ta hadau ata mate, ba hama yillayi, ata pote nadda nata ngara mono na eta marau wuyi Abraham oleni lazaraus ta babana. ²⁴ Mono, ata pote nada na kawula, 'Ama Abraham, manawara kiga nauwa mono halewa gani lazarus kana yak la gani layi karaku limmana ta weyo mono kana joja gage lammagu oro nauwa ojawa lari ta rewo latti inne.' ²⁵ Ta nyiduwe Abraham linage, 'Ana, apewela yau bamu morha howu, yau um hibba bewe tan hgage kadahha, taboloi lazarus na hibawe tangage hada aika kadahha; batauge, innei lazarus da aguyi, tabolo yau um mayillawu. ²⁶ Lohho dummo tangage inna, dage lirra kalla kaha watteda yitta dajalage ata kabaige pala wali inne taha daumu walena dadik mawe pala, mono ata taha daumu dummomu walena dadi jalak mawe pala taha dauma nami.' ²⁷ Nyiwe, ata pote nadda linage, 'Batau dage, nauwa ug raino gugu tabaramu Ama, halewak gani lazarus ta umma amagu, ²⁸ oro nauwa dadi limma angu wugu kabani. Pahai kani Lazarus kana hanamu dage yidda dajalage nimmi yidda ilda tama taha dau kama yilla inne.' ²⁹ Ta nyiduwe, Abraham linage, 'Yidda da daudi Ukku nai Musa mono jurata Nabi, pahai kadi yidda kada tadawe wali ta tangage inna.' ³⁰ Linage ata pote nadda wali, 'Walekma, Ama Abraham. Nyi wu ata wali ta jonga ata mate ammini tabarada yidda ubbu da jarra.' ³¹ Balehawei Abraham tabara ata pote nadda, 'Nyi angu wumu aina rangeyi Ukkunai Musa mono jurata nabi, yidda wale na dadik mawe baha tada dage, langka wu ata ka kadde hingu kayi wali ta ata mate."'