Hatujja Bebbe Kabunga ¹ Tangada ka kahhha walu katakku mono ata ka doku da daheka tabrai Yesus bada rangeyi-Nyi. ² Bege ata Farisi mono tangada ahli Taurat kapudage kanguruka, "Ata nadde hibayi ata doku mono lohho dummo na yayo dangadi yidda." ³ Bege Yesus na takkiyi hatujja nada tabarada yidda, linage-Nyi, ⁴ "Iyayi ta jongami nyi ba daka ngahu bebbena, mono bana bungaka wuyo, aika tanadi ka bani kabulu bani dihhana wadeka ta maradda? Nyi walena kakokna mayegani kajalora nada kahha bana jammuyi? ⁵ Mono kole nyi jammuyi, nyi na lairuyi bebbe nadda ta balena mono hadda lagaharayi. ⁶ Kole bana dikki ta umma, nyi enga kakona dikidi olena mono bara ummana lohho ba linna tabarada yidda, 'Lagahara dangaga oro nauwa ug jammu beyi bebbegu kabunga.' ⁷ Nauwa luguge tabaramu, tauda da dagela enga dage enge ate kahadda madakka ta surga ta barana wuyo ata jala ka jarra wali tabarada ka bani dihha kabulu bani dihhana ata katena ai kabaige jarra. Hatujja Amaha Kaka Kabunga ⁸ Waleka aga lawaiyiyi kamangu kabuluna amaha kakana, nyi bana bungaka wu amahana, aina harewoka latti weyo mono habowe ummana, bana mayegani amahana nada kabunga kahha bana jammuyi? ⁹ Mono, nyi bana tabo kayi, nyi naka maikadi olena mono bara ummana mono linage tabarada yidda, 'Lagahara danga kiga oroge nauwa bagu taboka beyi amaha gu wu kabunga nadda.' ¹⁰ Nauwa luguge tabarami, yauda dummogela enga dage ege ate tajongada tangada malaikat Allah oro wu ata doku kajarra." Hatujja Duda Ana Kabani Ana Kamurri Tanani Amana ¹¹ Bege Yesus linage, "Dani wu ata kadudana ana kabanina. ¹² Ana kamurri linage tabara amana, ' Ama, yigadi tabaragu ngawu hadaugu.' Nyiwe, ama dumona na baweyi hapotena ta kadudana ana kabanina ¹³ Walena moja hoge, ana kamurrina na kahhayi tangadi hadauna, lohho na kako ta wu hadau kama rau mono neda bali nyi na wala waidi hadauna radda waige bana morha wala waidi. ¹⁴ Kole nyi bana beyi tangadi, na dadiwe kareba aika anana taha dau nedda, mono nyi dummo kapunage dabbowe halina. ¹⁵ Nyiwe, kako nagege nyi mono ullana ta wu ata taha dau nedda, naha lewayi ta oma yidi ha yada wayina. ¹⁶ Nyi na kab u atege ha ngihge tina waige karha kadodo ha yada wayi radda, tabolo wale lakma wuak ata ka yini tabarana. (Lakawa kamurri nada hagga ta amana) ¹⁷ Kole ana kamurri nadda padage, nyi linage,' Hada butayi ha ulla ta amagu dadi hayayo kama jabola, tabolo nauwa taha dau inne hodo mowe mate kalabagu. ¹⁸ Nauwa kadeguge mono hagawa tabara amagu. Nauwa enga luguwa tabarana: Ama, nauwa ug jala bewa ta surga mono ta aromu. ¹⁹ Nauwa walegu hilu marakkak mawa ba ana muga, hadak kaga nauwa ba ata halewa muga.' ²⁰ Nyiwe, dede nage nyi mono kako nage ta amana. Ta nyiduwe, kole anana nadda bana marauho, amana na etayi nyi mono na marabehawe atena, amana nadda malai nage lohho na yapuyi mono na ngak hayi. ²¹ Bege, anana nadda linagr tabara amana, 'Ama, nauwa ug jala bewage ta surga mono tabaramu. Nauwa waleg hilu marakkak mawa bamu anaga.' ²² Tabolo, amana nada linage ta ata paha lewana, ' Gehami! Ngidi nadi kalabbena kahadda dahha lohho kamu tau nadi tabarana. Tau jala nani tawurru ta kalaraku limmana mono kopa leduna ta leduna. ²³ Ngidiyi nimmi ana hapi ka mugla mono rpoyila. Mai yitta kada yayo mono lagahara, ²⁴ oro anagu nadde na matebe, tabolo batauge morha haga nage! Nyi na bungab,e, tabolo batauge ug tabo ka beyi!' Yiwe yidda dummo kapudage lagahara." (Ana b'odi bani nage tabara amana) ²⁵ "Mahoggo inna ana b'odi tamra ta omayi, mono kole nyi bana dikki dahekawe ummana, nyi na rangeyi li jugga mono kanego. ²⁶ Nyiwe, nyi na kamaikani wu ata paha lewada nada mono naka nukkayi tutu agawe kadadi. ²⁷ Balehawe ata paha lewa nasdda tabarana, 'Alimu hagga nage mono amamu na roponi ana hapi ka mugla, oro nyi bana hagga waina hoila.' ²⁸ Tabolo, ana bodi nadda bani nage mono wale na auma tama dajalage amana huna mono na rainoni. ²⁹ Ta nyiduwe, nyi linage tabara amana, ' Bi dauge nauwa bagu ulla bena hanukkuwu mono waleg kalik mawe tana guge parehamu, tabolo yau lohho walem kali yik maga nauwa wu aka kameme bodi dajalage nauwa dadiwe yayo ole dangadi olegu. ³⁰ Ta nyiduwe, kole anamu nadda hagga kole bana beyi ngawumu oledi lawai popara, ama um roponi ana hapi ka mugla tutuna.' ³¹ Nyiwe, amana belehawe tabarana, 'Anagu, yau um ole hangataga nauwa, mono tangadi kadana yidda hadaum. ³² Tabolo, laddo nehhe yidda da rai ulla dahho mono lagahara oro alimu nadda na matebe, tabolo batauge nyi na morha hagga; nyi na bungabe, tabolo batauge tabboka beyi."'