Yesus Pu Anggur ¹ Yesus limage, "Nauwak na pu anggur katenguna mono AmaGu yikna kadauni. ² Tangadi kahangadi tabaraGu aika ka Wuyo, na baitaDi mono tangadi ka wuyo, naha murahaDi, dajaladi kahangadi rada kana rehi bojorayi. ³ Miyo um muraha bemi oro liGu ha tak begu tabarami. ⁴ Engana neda lari ta Nauwa mono Nauwa lari ta miyo. Katauna kahangana aika dadi wuyo wali ta tau dauna, likege nyi baa engana ta pu anggur, katau da jala nage mi wale na dadik mawe bamu wuyo, like ge bamu engana lari taNauwa. ⁵ Nauwak nala pu anggur mono mi nala kahangana. Taangana ata kaengana lari ta Nauwa, mono Nauwalari ta nyi, nyi enga bojoradi wuna oro hawatte wikna tabaraGu, mi walena dadik mawe dadik mawe bamu pahadawe aga hingkawe. ⁶ Nyi wu ata aina engana lar ta Nauwa, nyi enga baitani katujana karagana mono matebe; mono ata enga kaha dadi mono tubadi ta latti, mono tunuyi. ⁷ Nyi mi ba engam tabaraGu mono ha takkiGu engage tabarami, karaiwe aga hingkawe hakabu atemu, mono inna enga nayiguge tubamu. ⁸ AmaGu enga hama nadai waige hada inna, haluguna nyi mi bamu wuyo habutakna mono waige katauda dana, mi na ana hakodoGu." Parehai Yesus Tutu Hamanawara Wikina ⁹ "Kataunai Ama manawaraga Nauwa, tauda jala nage Nauwa ug manawara gimi; kam engana ta ManawaraGu ¹⁰ Nyi mi bamu doku dudi tangadi harehaGu, mi enga engami lar tamanawaraGu, Katuna Nauwa bagu dokudi parehai Ama mono engana lar tamanawaraNa. ¹¹ Hada rade Nauwa luguge tabarami dajalage lagaharaGu kadage tabarami, dajalage lagaharami kana dadiwe banuge. ¹² Inne nyiwe parehaGu: mi um hama nawara wiki homi, katujana Nauwa bagu manawara gimi. ¹³ Lakma manawara karehi madaka wali tama manawara wu ata kayiwe ngahuna tutu ole atena. ¹⁴ Mikna ole ateGu nyi mi bamu rayi duge agawe hareha gu tabarami. ¹⁵ Nauwa wale gu tak kik mami mi ata halewa oro ate halewa nada walena tadak mawe agawe haratina marabba na. Ta nyiduwe, Nauwa ug tak dami mi ole ate oro tangage nauwa harangegu wali tai Ama, Nauwa ug tak bemige tabrami. ¹⁶ Wale mimak kapedewa Nauwa, tabolo Nauwa kapedem miyo mono kaha didara bemi dajalage mi kam kako mono kam wuyo, mono wumi kana engadi dajalage aga hingkayi harayimi wali atai Ama lar tangaraGu, Nyi enga yida gimi tabarami. ¹⁷ Inne parehaGu:Mi um hamanawara wikhomi!" Yesus Na Ha Apedage Ana Hakodona ¹⁸ "Nyi panu tana but gimi ate, miyom tadawe inna panutana but ga ate Nauwa aina butu hogimi ate. ¹⁹ Nyi wali tapanu tana mi, inna panu tana enga manawara nage hadauna; tabolo oro mi ai walimi tapanutana, tabolo Nauwa kapedimi wali tapanau tana, oro nage inna la panu tana butu gimi ate mi. ²⁰ Apewela inna hanewe ha tak begu tabarami:'Wu ata halewa walena rehi madakak ma wali ta marabana'. Nyi yida bada hama yillawa Nauwa, yida dumo enga hama yilla dagimi. Nyi yida da dokuge liGu, yida dumo enga doku dage hatak kimi. ²¹ Ta nyiduwe, tangadi radaenga rayi dage yida tabarami, oro ngaraGu. Oro, yida aida radai nyi kaha lewawa Nauwa. ²² Nyidawe Nauwa walegu maimawa mono takiwe tangage inna tabrada yida, yida wale lakma jalada. Tanyiduwe batauge, yida wale lakma winida tutu jala yida. ²³ Tangana ata kabutga ate Nauwa, nyi dumo na butuni ate Amagu. ²⁴ Nyi Nauwa ai rayi kage tajongada yida haulla ai kali rayida ata wadeka, yida enga wale lakma jalada. Ta nyiduwe batauge, yida da etabewe tabolo engage butga ate Nauwa mono AmaGu. ²⁵ Tabolo, li kama tolha lari ta jurata Tauratda yida enga panu howe:'Yida butuga ate Nauwa ai kamangu kapena. ' ²⁶ Kole kama tullu nada amini, paha lewaGu Nauwa wali tai Ama, haluguna Wadi Katena ka wali tai Ama, Nyi enga natakiwe tutugu Nauwa. ²⁷ Mono mi dumo enga tak mige oro mi bamo ole beGa wali ulluge."