¹ "Tangage inna Nauwa ug taki bewe tabarami dajalage mi ilam gedomi. ² Yida enga da wugami wali ta Sinagoge. Lohhola, enga dikige rahige inna tangana ata kaha matemi enga hangada dage inna yida tamra ka ngak kada tabarai Allah. ³ Mono, hada rada enga rayi dage oro yida ai datadayi Ama wale dumo Nauwa. ⁴ Tanyidawe, tangadi rada Nauwa ug tak begimidi tabarami dajalage ba nyi diki kage rahige ba amige, kam apewe Nauwa bagu takki bemige tabarami. Mono, hada inna Nauwa tak kiwe tabarami ta kapuge oro Nauwa bagu ole hogimi. Haulla Wadi Biha ⁵ Ta nyiduwe, batauge Nauwa engs kakogu tabaraNa Nyi kaha lewaWa Nauwa, mono wale wu hing mana la wali ta mi ka nukawa Nauwa, 'Gi yau dau kakoMu?' ⁶ Tabolo, oro Nauwa ug tak bewe inna tabarami, mana marabehawe atemi. ⁷ Ta nyi duwe, Nauwa ug takiwe katena tabarami: rehi na daha hoge tutumi Nauwa ug kakowa oro nyi Nauwa aigu kakkowa, kama tulllu nada enga wale na maikma tabarami;tabolo Nauwa bagu kakowa, Nauwa enga halewa guni tabarami. ⁸ Mono, kole kama tullu nada amini, Nyi enga hawala nadi ateda panu tana tuba jala, katena, mono hokuna; ⁹ tuba jala, oro yida aida hatena tabaraGu; ¹⁰ tuba katena, oro Nauwa ug kako tai Ama mono mi walem etak mawa Nauwa lage, ¹¹ mono tuba hokuna, oro hareha panu tana inne hoku bege. ¹² Buta jala hoyi kama hada hakabu ateGu Nauwa tak gimidi tabarami, tabolo mi wale nadadik mawe tagudi batauge. ¹³ Tabolo, kole Nyi, Waddi katena nada amini, Nyi enga iru nagimi lari katena tangage. Oro, Nyi walena hanewek ma wali ha kabu ate wiki dauNa, tabolo tangage kama hada parangena yida duyi Ny hatakkina;mono Nyi enga na tak gimidi tangadi hada kadadibe. ¹⁴ Nyi nah manadawa Nauwa oro Nyi enga hiba nage inna pahibagu Nauwa, mono enga na tak kiwe tabarami. ¹⁵ Tangadi hadaunai Ama yidakna dauGu. Oro batauda gege, Nauwa luguge nada wadi katena enga taka nagimige tabarami agawe pahibaNa wali tabaraGu." Mayilla Ate Dadiwe Lagahara ¹⁶ "Hodi mowege, mono mi walem etak mawa Nauwa lage;mono hadaka kal guge, hodi mowege, mono mi enga eta miga Nauwa." ¹⁷ Kapirana ana hakodonai Yesus da kanuka wikida, "Agawe hakabu atenNa Nyi ma lina tabarada yitta, 'Hodi mowege, mono mi enga walem etak mawa lage, hodi mowege, mono mi ega eta miga Nauwa?' mono'oro Nauwa enga kakogu ta AmaGu?" ¹⁸ Nyiwe, yida da kanuka, "Agawe hakabu atena waige, 'hodi mowege?Yitta wale da tadak mawe haneweNa Nyi." ¹⁹ Yesus natadawe rada ana ha kodoNa da kabu ategee kanukawe tabaraNa, nyiwe Nyi linage tabarada yida, "Aha mamu kanuka wikimi tajongami dauyo tutu inna hatakkiGu, 'Hodi mowela mono mi walem hilu etak mawa lage; mono hadaka piwal nage, hodi mowege, mono mi enga et miga Nauwala? ²⁰ Waige katau takana, Nauwa luguge tabarami, mi enga homi mono kalallumi, tabolo panu tana enga algeborage; mi enga mayilla atemi, tabolo mayilla atemi enga hajeluge dadi lagahara. ²¹ Kole wu lawai bana ha anaka, nyi walena apek mawe mayillana oro rahina bana ha ana na diki bewe; tabolo bana be ha dadi anana, nyi na dangage mayillana kabikta oro laga harana nada wu kadadi ata bana dadibe ta panu tana. ²² Tau dajalage mi dumo um padage mayilla batauge, tabolo Nauwa enga diki gimi la mono atemi enga laga hara, mono wale lakma wu ak ata karama mige laga harami wali tabarami. ²³ Ta lado neda, mi walem kanukak mawe aga hingkai TabaraGu. Waige katau takka na, Nauwa ug takki gimige tabarami, aga hing kawe mi harayimi tabara AmaGu lar tangaraGu, Nyi enga yina gimige tabarami. ²⁴ Kaha batauge, mi walem kal karai mahomi aga hing kayi lar tangaraGu. Karaimge, mono mi enga hiba mige daja lage lagaharami kana dadi banuge." Tailoge Inna Panu Tana ²⁵ "Nauwa ug tak bewe hada inne tabarami waige liha tuja; rahige enga dikige kole Nauwa aig hilu hanewewa tabarami waige liha tuja, tabolo enga haneweg tabarami waige kahira tutui Ama. ²⁶ Ta lado neda, mi enga karai mi lar tangaraGu, mono Nauwa waleg tak kik mawe tabarami inna Nauwa bagu Sembayang ta AmaGu tuba mi. ²⁷ Oro, Ama dauGu manawara gimi mi oro mi bamu manawaraga Nauwa mono hatenawa inna Nauwa wali tai Ama. ²⁸ Nauwa waligu tai Ama mono mai bewa ta panu tana; batauge, Nauwa enga tana guge panu tana mono haga ta AmaGu." ²⁹ Ana hakodoNa lidage, "Inna, bataugege Yau um takkiwe kahira mono walem hilu wai mana hatujala. ³⁰ Batauge, nami ma tadawe Yau bamu tada kahawe tangage mono wale wu dakma ata kanukawe tabaramu. Oro inna, nami maha tenawe inna Yau mai wali tai Aallah." ³¹ Yesus na balehayi yida, "Hatenak dumi mi batauge? ³² Etawege! Rahige amnage, loho am bge tubami tutu ba hai-hai dagimi, diha-diha haga taha dau wal dauna mono enga tana miga meha miga Nauwa. Tanyiduwe, nauwa walegu mehak mawa oro Ama na oleGa. ³³ Tangage inna ug taki gimige tabarami dajalage neda lar ta Nauwa, mi kamu dauge moli kamaringina. Ta panu tana, mi enga pada mige bad hamayillami, tabolo kulhage atemi!Nauwa ug ha bake bewe panu tana!"