Yesus Na Aguyi Ana Hakodona ¹ "Ilna mayillawe atem; hatena tabaranai Allah, hatena dumo tabaraGu. ² Ta uma AmaGu butayi hadau; nyi ai taudage, Nauwa enga tak gimige tabarami oro Nauwa kako guge hagana gimi hadauwu tutumi. ³ Mono, nyi nauwa bagu kakowa mono hagana gimi wu hadau tutumi, Nauwa enga mai hagaGu mono ngidimi tabaraGu dajalage giga Nauwa dau daga, mi kadagimi. ⁴ Mono,mi um tadayi taha dau kakoGu Nauwa." ⁵ Nyidawe tomas linage tabaraNa, "Mori, nami wale matadak mawe bagiyo Yauwu dau kakomu, aga linak kawe nami tadayi lara nada?" ⁶ Yesus linage tabarana, "Nauwagna Lara, mono katena, mono kamorha. Wale lakma wuak ata kamai tabarai Ama, aina ledega Nauwa. ⁷ Nyi mi bamu tadak bewa Nauwa, mi um tada beyi AmaGu; wali batauge, mi um tada beyi Ama mono um eta beyi Nyi." ⁸ Filipus linage tabaraNa, "Mori, hatingo maniyi Ama nada tabarama nami, mono inna natutu bewe tutu manami." ⁹ Yesus na bale hayi nyi, Filipus, moja bege Nauwa bagu olegu, mono yau walem dajalak mahowa Nauwa? Iyai kaetabewa Nauwa, nyi na etayi Ama, aga linawe yau dadiwe balumu, 'Hatingo mani Ama nada tabarama nami?' ¹⁰ Apa mi walem hatenak mawa Nauwa lar tai Ama mono Ama lar ta Nauwa? Hanewe hatak kigu tabarami, Nauwa walegu tak kikmayi wali ta tau dauGu, tabolo Ama ka engana neda lar ta Nauwa karayidi ha ulaNa. ¹¹ Hatena tabaraGu, inna Nauwa lar tai Ama mono Ama lar ta Nauwa; wale dumuka, hatena oro haula inna wiki dawu. ¹² Waige katau takkana, Nauwa luguge tabarami, tangana ata kaha tena tabaraGu, ha ulla harayiGu, nyi dumu enga rayi nadi; mono ha ulla karehina madaka wali tangadi rada oro nauwa ug kakowa tai Ama. ¹³ Aga hingkai harayim lar tangaraGu, rada enga Nauwa ug rayi gimidi dajalage i Ama kana maana lar tai Ana. ¹⁴ Nyi mi bamu karaika aga hinguyi tabaraGu lar tangaraGu, Nauwa enga rayi guge. Jaji Tutu Wadi Biha ¹⁵ Nyi mi bamu manawaraga Nauwa, mi enga doku mige tangage harehaGu. ¹⁶ Nauwa enga karai guge tabarai Ama, mono Nyi enga yinagimi tabarami katullu gimi wadeka, dajalage Nyi kana ole hangata gimi, ¹⁷ haluguna Ngahu katena, ai kadadi bana hibayi panu tana, oro panu tana aina etayi Nyi waleka tadayi Nyi oro Nyi enga ole gimi mono enga dani ta miyo. ¹⁸ Nauwa walegu tanak magimi bamu ana lalomi;Nauwa enga maigu tabarami. ¹⁹ Walena mojak mage, panu tana walena hilu etak mawa nauwa, tabolo mi enga etamiga Nauwa;oro nauwa ug morhawa, mi dumo enga morhami. ²⁰ Ta lado neda, mi enga tada mige inna Nauwa nega lar ta AmaGu, mono mi lar ta Nauwa, mono nauwa lar ta miyo. ²¹ Iya hing kayi kajurta gadi parehaGu mono rayidi, nyi na manawaraga Nauwa;mono ata kama nawaraga Nauwa enga manawara nani AmaGu, mono Nauwa ug manwarani Nyi mono enga hadela wikiGu tabrana." ²² Yudas, wale nyikmai Iskariot, linage tabaraNa, "Mori, aga lina dawe Yau bamu padela wikiMu tabara nami mono wale tapanu tanak ma?" ²³ Yesus na balehawe mono linage tabrana, "Nyi nada wu ata manawaraga Nauwa, nyi enga na dokuge liGu; mono Amagu enga manawara nani nyi, mono nami enga amga tabarana mono oleni. ²⁴ Tanyiduwe, ata aika manawaraga Nauwa, wale na dokuk magadi liGu. Mono, liyo mi harangemi inna wale wali ta Nauwag mawe, tabolo wali tai Amawe kaha lewawa Nauwa. ²⁵ Tangadi rada ug takki begimidi tabarami ba enga hoge bagu ole gimi. ²⁶ Ta nyiduwe, kama tullu, haluguna Wadi biha, paha lewanai Ama lar tangaraGu, Nyi enga ha akka nagimige tangage tabarami, mono naha apegimige ta tangadi hatak begumi tabarami. ²⁷ Moli kama ringna ug tanagimige olegimi; moli maringuGu ug Yiguge tabarami, wale natujak mawe panu tana hayina ina hayiGu tabrami. Ilam pahai kage atemi gedowe waleka kayikawe ²⁸ Mi um range bewe ina Nauwa baluguge tabarami, 'Nauwa enga kakogu, mono Nauwa enga am waliga tabarami. ' nyi mi bamu manawaraga Nauwa, mi enga lagaharami oro Nauwa bagu kakowa tabarai Ama, oroi Ama na rehi madakaho wali ta Nauwa. ²⁹ Nauwa ug tak begimige batauge ai dadi howe tangage daja lage kole bana dadiwe, mi enga hatena mige. ³⁰ Nauwa walegu hanewe habutak mana ge ta miyo oro parehage panu tana inne tamra mainage.Nyi wale kawahak ma langka hok ka ta baraGu. ³¹ Tanyiduwe dajalage panu tana inna Nauwa manawarani Ama, Nauwa ug wingige tujawe harehanai Ama tabaraGu. Kadem ge, maida yitta kada kako wal inne."