¹ Kole nauwa bagu hata gahayi Israel,ma bugerayi jalada Efraim,mono japatada Samaria. Yidda da rayige matipu;kedu tama lari,kalibbo ata karebo bali haddu. ² Yidda waleda hangadakmage ta ateda yidda inna Nauwa bagu ape dadi tangadi jalada yidda.Batauge,harayida yidda kiloradi yidda.Tangadi ta aro mataGu. ³ Yidda da hala gaharayi raja waige japata da yidda,mono tangada ka kododi da paleka kahha yidda. Yidda tangada da lona oleda,tujawe mata ote latti paha rewona kaha dahha kababa,ka ngahu hamadakka ge latti kole yidda bada karuhhayi kababa pah kila kahha wudduwe oro ragi. ⁵ Ta laddo rajada yitta,tangada ka kododi pakhayi ngihida yidda waige ngangaha anggur. Nyi na ha wuyo dangadi limmada tangada kah langu lira. ⁶ Oro,ateda yidda tujayi mata ote latti karewo.Nahiyi gaddi banida yidda bawage,kole dammage rewo haggawe tujawe latti kajalli ⁷ Yidda tangada ngangaha tujawe mata ote latti,mono kabalodi hakimuda yidda. Tangadi rajada yidda bukkabe,lakma kawula tabaraGu. ⁸ " Efraim da hakahha wikida ta kabihhu ata,Efraim da dai kababa tabolora aiha kabali. ⁹ Ata liyo palaka da kaballo dau bege kulhada,tabolo yidda wale da tadak mawe.Lohho,wuyo kaka na mahabara beyi ta yidda,tabolo nyi wale da tadak mawe. ¹⁰ Baibo israel dadi katadawe tabrada.Tabolo,yidda da kabali tabarai Mori, Allahda yidda,mono wale mayegani Nyi wali ta tangadi radde. ¹¹ Eftaim na dadi ta gukku maupa kabanga,aika mangu paha ngaddana,ka wulla ta Mesir,kakom ta Asyur. ¹² Nyi yidda kakoka, Nauwa enga pahala Gugge manabbaGu tabarada yidda. Nauwa ug haburudi yidda tuaji kawurruna ta langta.Nauwa enga palu gudi yidda dajalage kangote kada rangewe japata da yidda. ¹³ Lilokowe yidda,oro yidda da malai wali tabaraGu! Pudahayi yidda,oro yidda bada bokala bekna yidda tabarGu! Nauwa ug baige palohho tayi yidda taha newe paleka tabara Gu. ¹⁴ Yidda walke da kawulakma tabaraGu wali ta ateda yidda,tabolo da hoyo taha dau durada.Yidda da halewawe tau dauda oro gandum mono anggur,yidda da bokala tabraGu. ¹⁵ Lokko Nauwa bagu lati bekwe mono ha kulhak beyi koko limada ydda, tabolo yidda dage hakabu ateda tabaraGu. ¹⁶ Yidda kabali,tabolo wale ta kahadda Madehtakma. Yidda tujai wudda matipu.Tangada ka kododi yidda enga bukkada waina katopo,oro hanewe lammada yidda katuyo. Inne enga dadi hanewe waidadi yidda ta tana Mesir.