¹ Ha uppuyi kapikamula! Tujana kawurru rajawali ta panu umnai Mori. Oro yidda da layai beyi pajajiGu,mono da gaba bedi ukku parehaGu. ² Yidda da kawula tabraGu,"Allahgu,Nami Israel,matadawu Yau!" ³ Israel da tulara bege ka dahha,muhhuda enga roti dani nyi. ⁴ Yidda da keketa raja,tabolo wale da olek maGa.Yidda da keketa ka kododi,tabolo waleg tadak mawe Nauwa.Waige amaha rara mono kaka,yidda da rayina hala hatau,daja lage yidda ha yeladi. ⁵ Nauwa ug baitadi ana hapimu,ta Samaria.BaniGu narewowe tabarada yidda! Kahha ba pirra dahho yidda mojage hoila wali ta Jala? ⁶ Oro,ata Israel da rayidi ata hadoyi,radda walle wali tai Allah mayi! Tau takka nage,yidda enga dadi kajik nadi,Ana hapi Samaria rada! ⁷ Oro yidda da habarana rereha,yiwe yidda enga yopada warata.Gandum aika rara ho,wale lakma tabarada yidda,Kapujjidi wale naha dadik mana kamabbu.Nyi bada yika ngihige,ata li palaka enga kaballo dadi. ⁸ Israel da kaballo bedi,batauge yidda dadi ta jonga kabihhu ata,tujjayi ha doyi wai,ai ha kabu atena ata. ⁹ Oro,yidda da kako e be ta Asyur,tujayi keledai ta rami kahha li hikke wikina.Efraim da habawedi habaida. ¹⁰ Lokko da habawe dodi habaida ta jonga kabihhu ata,batauge Nauwa enga kahha gudi yidda.Hodi mowe lagge Nauwa enga ngahugu lewuyi raja mono kakododi." ISRAEL ENGA DANGA DANI ALLAH MONO KAWOJO TA HALA HATAU ¹¹ "Oro,Efraim dahha buta bena hadau maraka ha rayi dangada jala,hadau maraka radda na hadadidi yidda jala. ¹² Nauwa butawe bagu tolahyi ukku parehaGu tubada,ta bolo da yappa dawe ba wuwe ka liyo palaka ¹³ Yidda da joberadi maraka ha ropo,manuta waina kahila mono yadi. Ta nyiduwe,Mori wale baimadi tabarada yidda.Batauge,Nyi enga namu ddai jalada yidda mono rakkadi jalada yidda,yidda enga hagga da ta Mesir. ¹⁴ Israel dangani ka rayidi mono daha kadde hadauda.Yehuda da habuatge haronada ka kulha. Ta nyiduwe,Nauwa enga hangidi gudi latti ta haronada,dajalage jonga wullu ngihida beyi yadi.