"Maida kada hagga tai Mori,oro Nyihela ka juglada mono hataga hada yitta;Yiknala kaha potada mono kaboroda yitta. ² Nyi naha morhada yitta kole ba duda laddoda.Ta lado katau dana,Nyi naha kaddeda yitta,mono yitta enga morhada tabaraNa. ³ Maida yitta kada tadayi mono rotiyi katau takkana kapiku tadayi Mori.Myi enga Huddana tujai mata laddo ka hudda,mono mai tabarada yitta tujai urra,ta kapodi riwuta ka hawege tana." ANA HUHU AI KAMIKKU ⁴ " Agawe harayiGu tabarami,ta Efraim? Agawe harayiGu tabrami,ta Yehuda? Dahhami tujai ha bongu kokoka,tujawe wepanyi ka bunga kokokak. ⁵ Oro batauge inna,nauwa ha mikkadi yidda lededi tangada nabi,Nauwa ug hamate beyi yidda waige hanewe tabaGu,mono ukku parehaGu huddawe tujawe magakaha. ⁶ Tau takka nage Nauwa ug baige marada ate,wale maraka haropokma. Nauwa ug baige tadayi Allah,rehi wali ta maraka ha tunu. ⁷ Yidda da layi beyi pajaji Adam. Neda bali,yidda wale da mikkukma ta nauwa. ⁸ Gilead yikwe harona ata karayina japata,kabanuna oro rayo. ⁹ Tujai kalibbo ata kaha rema tauda dagela ma ublana tangana rato. Yidda daha mate ta lara ka aroda Sikhem,lohho dumo rayige ka aita. ¹⁰ Ta jonga ata Israel ug eta beyi hada hama yiggi ate danga. Neda bali,Efraim popara,Israel da dai aktabe. ¹¹ Dummo Yehuda,pahha inyaka beti kama ngatti tutumi,nyi Nauwa bagu hatagawe halida ana huhuGu.