¹ "Rangewela inne,Hamataragela,ta ata Israel! Haka jikladi katillumu,ta ole baina raja! Oro,dau muge hokuna inna,oro yau um dadi hirra bewu tubada Mizpa,mono manabba halotara ta pannu Tabor. ² Tujjwae kalena ha raiyo ka kiddi,Nauwa enga paluyi yidda. ³ Nauwag tadayi Efraim,Israel wale da kabunyikma tubagu.Oro batauge yau poparawu,ta Efraim;mono inna Israel da otorabe. ⁴ Harayida yidda wale pahai madi yidda hagga tai allah,Oro,waddi popara dani ta tilluda yidda,mono yidda wale da tadak mayi Mori. ⁵ Bogang da Israel dadi katadawe tau dauda.Efraim enga widdada oro jalada,mono Yehuda dummo enga widdada dabbada yidda. Bebbe kameme mono hapida yidda enga mayegani Mori tabolo yidda wale da tabo kakmayi Nyi.Nyi na tingu wiki bena wali ta yidda. ⁷ Yidda waleda hillu mikungma tabarai Mori,oro yidda daha ana bena ha kayigla ate danga.Batauge,wulla beru enga na beyi yadi yidda mono omada yidda," HURU BALE TUTU LI LOKODA ISRAEL ⁸ "Ha uppuyi kapikamu ta Gibea,mono Nafirimu ta Rama. Kaburamuge ta Bet Awen;kagik kamila,ta Benyamin! ⁹ Efraim enga karahage ta lado ba hokuge.Ta jonga kabihhu ata Isarel,Nauwa ug takkiwe katau takkana. ¹⁰ Tangada pa ama Yehuda na dadi tujai ata kaha dikkina dirri hadauna;Nauwa enga burri Guge baniGu,tabarada yidda tujana weyo. ¹¹ Efraim pijjayi,hamukkadi ba hokudi,oro nyi katakku watu kako dokuge ka liloko. Nauwa enga tujja gudi wana ta Efraim,mono krau tubada Yehuda. ¹³ Kole Efraim etayi kaporega,mono Yehuda etayi potada,kako dage Efraim ta Asyur,mono halewayi ta Raja Kalanguna.Tabolo,nyi wale na dadik mawe hatagahawu yau mono wali dadik mawe punga guge kapotamu. ¹⁴ Oro,Nauwa tujawa Singa tuba Efraim,tujayi Singa bodi tuba ata Yehuda. Nauwa,Nauwag nage ka yappami bege kako;Nauwa ug wera kagimi,walle lakma kapa hoilami. ¹⁵ Nauwa enga kakogu hagga taha dauGu,kahha yidda bada ngodi jalada,mono mayegage mataGu. Ta mayillana,yidda da mijja mayegaga Nauwa.