¹ Rangemila linai Mori,ta ata Israel,oroi Mori na butuge atena ata taha dau inne,"Oro aida mikku,ai dage manawara,ai data moyio Allah taha dau inne. ² Waige bana katukkuna,kawohoka,hamate,kedu,ha loyo wikna,da rayige hatauyo,mono hama jokuna rayo hangatna. ³ Oro batauda ge inna,hadau inne enga kalalluda,mono tangada ata enga rewuda.Ranga utta ta rami mono kawuruna ta langta,tada jala nage kaboko ta bannu enga pudahayi. ⁴ Tabolo,illa daka ata kahha gabba,illa daka ata kaha apewe,katauna ata rade bada hagabba ta tangada rato! ⁵ Yau enga widdamu bana laddoge,tauda dummoge nabi enga bukkana bana widda olegu yau bana gaddige,mono Nauwa enga pudaha gudi inyamu. ⁶ Ana huhuGu li loko oro aida tada dahhawe.Oro yau tularage hatadana inna,nyiwe Nauwa enga tulara gugu yau ba wuwu RatoGu. Yau um dangadi ukku parehai Allah,nyiwe Nauwa dummo enga danga gudi anamu. ⁷ Kiki yidda matabami buta,kiki rayi dage jala.Manada yidda enga ug pahepa dage ka hada li bawa. ⁸ Yidda da yage jalada ana huhuGu mono mannedi an huhuGu bad rayina kajala. ⁹ Tujawe morhada anagu,tauda jalage morhada tangada rato. Nauwa enga hoku gudi yidda oro kanogoda,mono ug hagaba dadi ha rayida yidda. ¹⁰ Yidda enga yada,tabolo waleda boktakma;yidda enga rayi dage popara,tabolo walda kiki matabakma,oro yidda da tana beniyi MORI, mono karawae popara. ¹¹ Popara,anggur,mono eyo anggur na pungage tada. ¹² Ana huhuGu da kanukawe ta pu yayuda yidda,mono takkona na takkiwe tabarana,oro waddi popara kaha jalorayi yidda,mono yidda da popara tanani Allahda yidda. ¹³ Yidda da yiyo maraka ta panu letena,mono tunnu maraka ta le panu lete dokuna,ta kabu pu yayu terbantin mono pu hawar mon pu yayu banta,oro mawona dahawe. Oro batauda ge inna,anamu lawai lona kabani,mono weyana ka popara. ¹⁴ Nauwa wale ha dukkek mage hokuna ta ana lawaiyimu loko yidda da poparakna,waleka weyamu loko yida lona kabani.Oro yidda ha watte wikina wale ta lawai popara,mono oledi yiyo maraka parrata kangote. Ata aika mangu paha ngadana enga ta buhtada. JALA ISRAEL HA MAKKE DANGA ¹⁵ "Nyi yau lokana olemi,ta Israel,illa Yehudaka ka jala.Ilam kakowu ta Gilgal,ilam panne ta Bet awen,mono ilam haurawu,"Wain MORI ka Morha!" ¹⁶ Oro,Israel da hagabba tujai hapi ka bani. Batauge,MORI na jawayi yidda tujai bebbe ta tana kalijana? ¹⁷ Efraim da hawuna hala hatau,nyammani nyi! ¹⁸ Ha wuna hatakki oledi ka kalngo enu! Yidda da yiwe tauna ta kapopara,yidda rehi bai dahoge li bawa wali ta ka manada. ¹⁹ Rereha na kilorani yidda waidi kapana,yidda enga koleda makke oro,maraka haropoda yidda.