¹ Kole Israel ba lakawa hoyi,Nauwag manawaradi.Wali ta Mesir,Nauwa ug kamaikadi anagu rada. ² Kiki bagu kamai kadi,kiki marau dage yidda wali ta aroGu.Yidda da yito maraka ta tangada Baal, mono da tunnu maraka tubada hala ha tau. ³ Nauwa ug hanuadi Efraim kako,mono narrodi yidda waidi limaGu.Ta nyiduwe,yidda wale da auma mangakuge,ba Nauwa kapa tagahayi yidda. ⁴ Nauwa ug tingiyi yidda waidi kalarri ata,waige katti manawara. Tubada yidda, Nauwa ug tuja dayi ka keketa ngiddi wali ta kabida yidda, Nauwa ug kabukkuwa bagu yidi yidda hayayo. ⁵ Yidda wale da haggak ma ta Mesisr,tabolo asyur kadadi arajada yidda,oro yidda tualarage jarra. ⁶ Katopo enga nege di taha ronada yidda, beyi bai binnada yidda, mono enga dukadi bada yadi daudi hakabu ateda yidda. ⁷ AnaGu nadahha mowe bada peli wali tabaraGu,loko yidda bada kamaika dunni Kahadda madehta, tabolo tangadi Ngahu hamadehtage ngaragu." MORI WALLENA HA LILOKOK MAYI ISRAEL ⁸ " Aga linak kawe Nauwa bag tanagu yau, ta Efraim, yiwu yau ta Israel? Aga linak kawe yau bagu tanagu tujawe Adma,tanagu yau tujayi Zeboim? AteGu na peliwe lari ta tauGu,manawaraGu kadde hamerawe. ⁹ Nauwa walegeu rayik mage baniGo karewo. Nauwa walegu ha lilokok mawe Efraim. Tau takka nage, Nauwaknai Allah,mono wale kadadi atak mawa, Kahadda Tenguna ta tillumu. Nauwa waleg ha dukkek mage banigu. ¹⁰ Yidda enga mayega dani Mori; Nyi enga kangurana tujayi singa. Tau takka nage,Nyi enga kangurana,nyiwe lakawa enga ammidi wali ta laddo mali tillu kayik kayi. ¹¹ Yidda enga maida tillu kayikka tujayi kawurruna wali ta Mesisr mono tujayi ta kukku maupa wali ta Asyur, Nauwa enga hatutu gudi yidda lage ta ummada yidda." Tauda dage linai Mori. I MORI NA KATUKKUGE ISRAEL ¹² Efraim da kopora ga Nauwa waige paleka,mono ara Israel waige matipu. Tabolo, Yehuda tau takka-takkage daheka tai Allah,oledi ata katenguna,ka mikku.