¹ Efraim da yayo rereha,rotiyi rereha lado koka tara laladdo. habutana kawohoka mono mapijja; Yidda da rayina jaji ta Asyur, mono ngidiyi we lengha ta Mesir. ² Yuhan na arodo Yehuda, mono enga hoku nadi Yakub dokudi larada, mono enga hagaba dage dokuge harayida. ³ Lari ta tiyo, nyi na kabalkani ole baina. Lari ta kulahana,nyi na hangadani Allah. ⁴ Nyi naha ngadani malaikat, mono tailo nyi hoyo mono maraino marada ate Na. Nyi na tabo kayi Nyi ta Betel, mono neda bali Nyi na takkiwe lina tabarana, ⁵ Halinawe Mori, Allah tangage panu tana, Moriyi ngaraNa. ⁶ " Yau um haga dahowu ta Allahmu. Juruta dawela marada ate mono tijana, mono jukka hakitagela ta Allahmu." ⁷ " Tujawe Kanaan, waina kilo matipu ta liamana, mono baige mapijja. ⁸ Efraim linage," Takkage,nauwa ug pote bewa. Nauwa kole bena ngawu tubagu. Lari ya joligu waleg tabok mase jalagu,ka tujana jala tubagu. " ⁹ Nauwagna Mori, Allahmu, wali ta Tanah Mesir. Nauwa ug rayigu yau dau haggage karekamu, tujawe ta laddo madaka hatabokana. ¹⁰ Nauwa ug yiwe ligu ta barada Nabi,mono yiyi butayi ha eta, mono waidi wunang tangada nabi Nauwa ug yiwa ha tujja. ¹¹ Ba nyi daka kajapata ta Gilead, yidda enga dadi li lokoda. Ta Gilgal, yidda da manuta hapi mane, yiwe hadau marakada yidda dadi ha ojo kayi watu ta tiba oma. ¹² Yakub na malaiyi ta tana Aram, Israel da ha ata wikida ka kolena ole ummada, tutu kolena ole umma, nyi na dadi ata jawa ranga. ¹³ Mori na ngidiyi ata Israel huna wali ta Mesir lededi nabi, leddi nabi nyi ha mawoni. ¹⁴ Efraim naha dadige pakha ate Na kahadda paddu. Morina enga yamma nadi wutta rana bana pijayi, mono nah gabawe hamelo tabarana.