Kangote Lari Ta Jaji Ka Ullu ¹ Lohho dummo, ta jaji ka ullu tubage nukku kangote monno hadau ka tenguna kadana tapannu tana. ² Oro batauda dagge kareka'i Allah paha inyaka: Tabali haddi, nedo tabarana dage lattiweyo, meja, monno roti maraka, paha ngara Hadawu Katengna. ³ Tabalige kaba kalla ha duda wudda wai hadauge kareka neddo paha ngara Koro kahadda Tengna, ⁴ neddo tahadau daage natara manuta parayi walta amha rara monno Patti Pajaji, tangnga kahhanna hamurru wai amha rara. Nedda lari tapatti, dani wuyo kadehi amha rara lohho ngihna manna, takko nai Harun kakal benna kalungnga, lohho duda kajibi watu jaji. ⁵ Tapannuddi, dadi duda kuhi manadana kaha mawoge toni ma moli, tabollo inna batauge walle rahi kayanna da'kmanage badda hanewege ba nu'kwe. ⁶ Kole tangngad radda batauda dahinguddi inyakayi, tangngada rato tama neda tahadauwu kadihhana wali takareka inne katirruna, tuba hanukku pahadawe kangote tabarai Allah. ⁷ Tabollo, duka rato madakahe hapahayi tama nedo tahadauwu kadudana wali inne takareka, loko bataudage diha dauwu hadakkahena, monno ngiddi rayo bamarakawe tabarai Allah tuttu dauwu wikna monno tuttu dokujala ana suhu-Na aikawukka'da rayige. ⁸ Ngahu katengna napadelabege tabarada yitta nade lara ka aro takoro hadda tengna aina mabugerahowe badahoge korotenguna, ⁹ inne hada ninnonage tuttu inne rahi. Tauda dummo nage tangngadi hayiyo monno hamaraka tuttu manutada wale nadadimawe bana bannuge ateda ata tangngada ata kangotena, ¹⁰ oro dukkd dahege kama kaitoda tuttu hayayo-ha enu, monno sembayang hamurhana tuttu tau ata kadadi kahadikkige rahi haberuwe. ¹¹ Tanyiduwe, kole amni Kristus wui rato madakka tapannu tangngadi kadahha nimka ka amna. Nyi natama lede hadauwu katengna karehi madakka monno karehi bannuna; aiha rayi wailima kadadi ata monno wale wudakma hadadi. ¹² Nyi naha dakkahena tama tahadauka tengna kahha kalwali, walle nahil ngiddima ra kameme mane monno ra ana hapi, tabollo waige ra dauwu-Na Nyiyo tannam kakole palohta aika mangngu dukkana. ¹³ Oroge, nyi paiharakage ra kameme mane monno hapi mane, monno wikna karakka ana hapi baina tabarada ata kaotora nadadiwe hamurrahadi tau atak'da yidda, ¹⁴ rehikhoge ranai kristus, inne nyio kaleden Wad aika dukkana namarakage tau-Na wu maraka aika otora tabarai Allah tutge baha murhada ate hatenamu walta harayi kaliloko tannam miyo kadadiwe hanukkuwe tutnai Allah kamorha. ¹⁵ Inne nyiwe kapage Kristus na dadi Wunang walpa jaji kaberu dajalage yidda hamaikabenai Allah dadiwe bada hibbawe dauda aika dukkana habebena hajaji; oro wuyo mate nadadibwew tutge hawalidi yidda walta harayida layi lipa latta harayida yidda takabge kadihhana. ¹⁶ Nyibadaka jurata hadawai dauwu, nyidadaho kamate walta ata karayige. ¹⁷ Oroge, jurata tada dauwu dukka dahege banadadiwe bana kole hamate nada ata karayige; inne jurata wale lakma ku'ahage nade ata karayige bana morha daho. ¹⁸ Nyidawe oroge, ahha inne jaji kawungana aina dadiwe waige rayo. ¹⁹ Oroge, kolo bana Musa bana takkiyi tangngaddi pareha lar taukpreha Taurat tabarada ara israel, nyio nangala ana hapi monno kameme lodoge naha yabora waidi weyo. Monno, nawaina kaba wol kamalli lohho ganyo yayu, nyi na paiharage nakta Jurata Taurat monno ta tangngada ana huhna. ²⁰ Tangrada hanewe, inne rayo pajaji benai Allah parehanage kamu dokuge. ²¹ Waige hada kahamera, Musa dummo napaiharage kareka murraha monno tangngadi kadana hawailari tangote waige rayo. ²² Dukoge ukku pareha Taurat, nyidawe tangngadi hamurraha hoyi waidi ra'a, monno walle la'kma larage hama jokuna rayo, monno wale lakma hawalna. ²³ Oronage inne, tangngage hamawonage hada surgawi engadadi dahoge bahamurhage waige inne hada, tabollo tangngadi ta surga hamurraha waidi maraka karehi nahadhha. ²⁴ Oroge, Kristus walena tamakma lari takoro hadda tengna harayi waiyi limma kadadi ata, loppo dukka dahege ninno nage walka tautakkana, tabollo Nyio na tama larta tulra wikna dauwu monno tauge dani ta aroi Allah tutda yitta. ²⁵ Kristus dummu walena dadimawe banna hadu-du marakawe tauwu-Na, katauna rato madakka katama daho ta koro hadda tenguna dihha dauwu-dihha dauwu waige ngidi rayo wale rayo dauwikmanage. ²⁶ Nyibataudage, Kristus naha du-du mayillaho tapannu tanah baha dadige. Tanyiduwe, Kristus naha dedalage tau-Na hadakka hena kahha kalliwali badikkige rahi padukkage inne tangngage mahopi jala, waige hada marakawe tauwu dauwu-Na. ²⁷ Tauna kadadi ata, ha inyabe tut mate kaha dakka hena monno inne habeyo aroge hibbawe rakkage, ²⁸ katauda dummu nage Kristus; Nyio hibbawe baha limaraka-Ni hadakka hena tuttu tagudi jala ata buta, monno ba ammi-Ni haduwaiyi, walle hillu tagumanage jala, tabollo ngidwe manemara tabara yidda karemani Nyio.