Yesus Nyi"kna Rato Madakka Lijaji Kaberu ¹ Inne nyidawe kawukku kallagge inna pahha neweda yitta: dani nade Rato Madakkada yitta kangodo tabara Lima kawanana hadawu kahada madehita ta Surga. ² Nyiyo kahanukuwe haduwu kahada langna mono ta kareka Morha kabaningna pahadede wikdaunai Allah, wale kadadi atakma. ³ Oro tangada rato madaka hapede tutge Nyiyo maraka hayiyo mono manuta nyidawe nada Rato madaka na ngidi dalho hodi agai hamanutana. ⁴ Nyi nada rato madaka bana morhaka ta panu tana dabedi rato-rato kayige marakana dokuge ukku pareha, ⁵ haluguna nyida kangotena dokuge hada mono mawoge wali hada Surgawi katujana kole Allah bana apemi Musa bana diki kabu atege hadede kareka muraha; "Yauwu habe'jang dahoge bamu pahadawe tangage dokuge hakabu atemu pahatingobe tabaramu dete panu Letena." ⁶ Tanyiduwe, batauge, Yesus hibba bewe haulla karehi manadana oronage jaji kaberu hatauna kalarri bahi Nyiyo inna harehi madehita monno pahahada dokuge inna jaji-kira karehi nahha dahha. ⁷ Oroge, inna kawungnga jaji aina ha nyonga jala, enga walle la'kma ka kabbu atege inna jaji ka duda na. ⁸ Oronage, Allah nakoledi jala kadadi ata, Nyiyo nahha newe; '"Etayige, diki nage rahige inna haneweyi Mori, kole nauwa bagu rayige wuyo jaji beru waidi ata Israel monno ata Yehuda. ⁹ Wallena na tuja mauwe jaji hadadi beg-Gu ta weda waikammu yidda haluguna Nauwa bagu irruyi yidda waini limma-Gu tutu kodedi yidda huna walta tana Mesir. Oronage yida aida manuddu ta jaji hayi be-Gu, nyidaawe Nauwa walleg pelu maddi yidda, linna'i Mori. ¹⁰ Inne jaji nyiwe hara-Gu waidi ata Israel nuttu kala, linna'i Mori: Nauwa engag tauwe ukku pareha-Gu lari ta paha ngadada yidda, monno Nauwa Gu tolhadaddi ta ateda. Nauwa enga da Allah dagga yidda, monno yidda enga enga ana suhhu Guddi. ¹¹ Yidda dummo enga walli hillu hanuwa manna lagge ole kabihu ata da walleka olebaida waige hatakki, tadayi Morimmi' oro tangana ata enga datadawa Nauwa, wali kamarraha kahha kahadda matuyo. ¹² Oroge, Nauwa enga manawara guddi tillu mayillada monno doku-jalada yidda. Monno, Nauwa dummo walleg hil apemadaddi jalada yidda."' Yeremia 31:31-34. ¹³ Kole'i Allah banna takkiwe jaji kaberu, Nyiyo nappahadawe jaji ka ullu kailla nahillu dadiwe. Monno, gagyi aika hildadi lagge monno katiyo enga geha bungngaddi.