Rato Melkisedek ¹ Oroge, Melkisedek, Raja Salem monno rato nanni'i Allah Kahadda Madehita, kadikinni Abraham kole Abraham banna hagga wal hamateyi raja-raja, monno hammaringngiyi. ² Tabara Melkisedek, Abraham wi'kna nayiyi kabullupeser walta tangngadi pote ha raramana radde hakolena. Kadihhana, ngara Melkisedek lindawe "Raja Kebenaran", lohho, "Raja Salem" ka linnana "Raja Moli". ³ Nyi walle mangngu ama lohho inya mayi, walle la'kma walla wuna, monno morhanna walle la'kma dau kapuge monno hadau dukkage. Tabollo nyige, kataudana Ana Allah, nyi engana dadi rato kahha walmurri-walmurri. ⁴ Hamatragelah, agalinna dahinngwe manadana nadde ata, lohho Abraham waikadda yitta na yiyi tabarannasepsekabullu walta tangnga ngara haramanna baha tauna. ⁵ Douge Ukku Taurat, rade anana Lewi payi hanarro dadi rato kamangtaguna kahhai rade maraka walta ata hatena yidana rade tangngada olebaida yidda, langba yidda bakahha merai bawallla wunaddi Abraham. ⁶ Tabollo, Melkisedek aiha walla wunai Lewi, nahibbai maraka kawaltai Abraham monno nahamma ringngiyi nyiyo kanarroge jaji-kiranai Allah. ⁷ Monno, walle anta magge baka balge, karehi bawana nahamma ringngiyi nadde karehina madehita. ⁸ Larta ta wu kawukku, radde maraka pahibbada ata kaliloko kaenga mate dahho. Tabollo, inne lari, banna hibbawe nyiyo, patada hira banna morha. ⁹ Oronage inno, engana dadiwe ba takkiwe kabihu dai Lewi yidda takka dauge hibbai radda maraka tubage tubage bappa hiyi yidi marakada lediniyi Abraham, ¹⁰ oroge nai Melkisedek banna dikkininyi, Lewi dahonni ta tawu weda aawikanna. ¹¹ Nabatauge, banyi inna kabanna banyina dadi hewe badikkige ledege baratoiyi Lewi (inna oronaggena, kangote Israel dakolegge Ukku Taurat), aga tutwalihowe radde wadeka rato madadi hakadde haggadawalho dokuge paha hada Melkisedek, monno walle rato kaburru waltai Harun? ¹² Oroge, ukku rato najeluge, nyidawe Ukku Taurat wikna enga wungngahogge. ¹³ Na ata hangradda dulkai yittakawaliyi takka bihu wadeka, monno alle hil ladakma wu ak ata waltakka bihu-Na kakal bewe ullana kaha nukkuwe altar. ¹⁴ Oroge, na hira bewe nadde Mori da yitta kawaliyi takka bihu Yehuda, kabihu aiha kaltaknai Musa tutu aga anna neddo kaha duwu ta bara rato. ¹⁵ Tangngage inne nahha ngattage banna hira yitta da etawe wuata Rato wadeka, nadde kahha tuja tai Melkisedek, ¹⁶ radda kadadi rato walle nahha pudakmawe dokuge walla wu kadadi ata, tabollo nahapuwe takka kuaha morha aika li loko. ¹⁷ Oroge, Jurrata Bihha na yibewe lina tutuna Nyi: "Yau inna Rato kadikki kahha walimuri-walimuri, dokuge ukkukanogo Melkisedek." ¹⁸ Tadiha wukku, pa atora kalang'ngna nahha dukkabe oronagge dauge loja monno walle lakma gauge, ¹⁹ monno, oronage ha atora walena banmage lakma agahingkawe. Tabollo, ta hupu wadeka ata,dage ka mamanne karehina daha pahatingobe tabarada yitta,mono mamanne inna tingida yitta kada rehi daheka ta barai Allah. ²⁰ Mono oro mane marana ngidiwe tabarada yitta waige wuyo haura Rato wadeka dadi rato wadeka wale da iru waimage haura. ²¹ Nyidawe Nyiyo na dadi Rato waige haura parayi wiki dauna Nyiyo kahanew tabara-Na, "Morida na haurabe mono Nyiyo pahepamakna pahangada" Yawu nage Rato kahha walimurri-walimurri.'" Mazmkur 110:4 ²² Oranage inne haura, Yesus nyikna ngihige jaji karehina hadahha. ²³ Ulluhoggena, 'da'di kabutala rato dajalage kole badayo rato katagu mate, enga dani kajelunyi. ²⁴ Tanyiduwe, Yesus na narroge haulla rato aika dikki kahha kalwali oronage Nyi enga morha hakita kahha kal wali. Waige bataudage, Yesus nadadi banna pahoila yidda waige kabanuna nimi kaamna tabarai Allah ledeni-Nyi, oronage Nyi na morha hakitana tutuge banna sembayang tubada yida. ²⁵ Waige bataudage, Yesus nadadi banna pahoila yidda waige kabanuna nimi kaamna tabarai Allah ledeni-Nyi, oronage Nyi na morha hakitana tutuge banna sembayang tubada yida. ²⁶ Kataudanna na'k Rato Madakka nyi'kna yitta ha ma'kda, nadde Rato Madakka ka tengna, aika otora, murrahha, pahhawattekai walta ata jala, monno hakeketa rehi madehita walta tangada kama dehita ta surgawi. ²⁷ Yesus wallena tujamai rade rato madaka wadeka. Yida enga dahoge badda tunnu maraka dihha lado-dihha lado, kawukku kallage tutu jala dawuda yida, lodoge tutu doku-jala ata hatena. Tanyiduwe, Yesus walle nahil rayi da'kmaggenyi. Nyi naha dakka henna banna pahaddena maraka kahha kalwali, inna tauwu dau-Na. ²⁸ Paatorai Musa nahadidrawe kadadi ata nabannuni loja mawala tutuge bada dadi rato-rato madakka. Tabollo nyige, haura kawali tai Allah, inna ka amna talira paatoranna Musa, kahha didrai Ana-Na,