Nahha Hadakka Henna Banna Maraka Wiknai Yesus Kahha Walimurri-Walimurri ¹ Ukkupareha Taurat, kadana mawo dahenagge tutu tangngadi rade kadahha nimmi ka amna monno walle hadama katautakkama nage walita ta tangngadi inno, nyidawe waidi tangadi maraka hatunnu kahh tuja, inne yida hamarakadda hangatta nahiyi da'u, inne ukuparaha walle na dadikmawe banna habannudi yida inne kama nari amna dahheka. ² Kabalge innela, walle maraka hayi dakhonna inne aihil harayi hadakka henna hamurrahanna, rade ata kangotena walle datada mawe aga inne tabali wali jala? ³ Tanyiduwe inne lari ta maraka manuta, yida enga ha apedaddi rakkana doku-jala yida wali diha dawu-diha dawu. ⁴ Oroge, ra hapi mane monno kameme mane walle nada'kmawe bahopiyi jala. ⁵ Oronage inne, kole Kristus ba ammini lari tapannu tana, Nyi nahha newe, "Yau wallem kama'kmadi maraka hatunnu monno manuta, tabollo wu tawu ha beha inyakabem Yau tuba-Gu; ⁶ Yawu wallem moda'kmaddi maraka hatunnu monno maraka hopi podaha jala. ⁷ Lodoge Nauwa hanewe, 'Nauwana innela: Dage kamatolha larta kitab halunni, Nauwa badaga tutuge Nauwa rayigugge hamoda-Mu, ya Allah.'" Mazmur 40:7-9 ⁸ Kolei Kristus banna takkiwe, maraka monno manuta, lohho maraka hatunnu monno maraka mahopi jala Yauwu wallem baimaddi, monno walle maraka tabara-Mu (hamanuta dokuge Ukupareha Taurat). ⁹ Nyiyo natabawe, "Nauwa'kna innege, Nauwag maiwa dokuge hakabbu ate-Mu." Yesus na hopiwe inna kaullu tutge baha inyakawe kadudana. ¹⁰ Waige hakabbu ate-Na, yitta happa tengna ledede tauwu Yesus Kristus banna mayillawe, hadakkahenna kahha walimuri-walimurri. ¹¹ Dihha-dihha rato hanukkuwe pahadawe ha ulla-Na dihha lado ta dihha rahi ta hil rahi piwalli tannam yi maraka manuta katauda allanna, aika kal dadi hopiyi jala; ¹² tabollo Kristus, kole banna maraka manuta oro jala, hadakka takka henna kahha walmuri-walmuri, Nyi nangodo tabbara taka wanai Allah ¹³ monno nayanned tangngada muhhu-Na bayoda hadau ijjala naddi ledu-Na. ¹⁴ Waige wu manuta, Kristus naha bannu bed yida ra'kda hamurrahan-Na kahha walmurri-walmurri. ¹⁵ Ngahu Katengna nyiwi'kna kadede dagge tutuda yitta ta tangngage inne oroge beha takwe, ¹⁶ "Inne hadadi-Gu paha dukke-Gu tubada ana huhu-Gu nuttu kalangna, linnai Mori: 'Nauwa yidadi ukpareha-ukpareha-Gu ta ateda yidda, monno Nauwa ug tolhadage ta hangada yidda.'" Yeremia 31:34 ¹⁷ Lodoge, nahha lodowalge, "Nauwa dangngadadi doku-jala yida monno walleg hil ape madaddi japatada yidda." Yermia 31:34 ¹⁸ Nabatauge, kole banna maganna tubage bahha walidi tangngada, nyiwe walle nahi kama'kmaddi maraka hawalna jala. ¹⁹ Oroge inne, ngara dukkam olebaigu, oronage nabatauge yitta dakole begge bani ate tutu tama lari ta koro hada tengna waige mayilla banna majokuwe ra nai Yesus, ²⁰ Waina lara kaberu monno morha habuggera bennai Yesus tubada yitta lede kaba kalla, halugna tauwu-Na Nyiyo. ²¹ Monno oro yitta kadabena wuyo Rato Kalla kabaige Umma Allah. ²² Nyidawe maida yitta daheka tai Allah waige ateda murraha wali ngidiyi ate kajapata, monno tauwuna habahabe waige weyo kamurraha. ²³ Maida yitta kadda jurta hamoddoge tamma manneda yitta oroi Allah kajajiwe inne mikku. ²⁴ Maida yitta kadda mayegagge hada tutu padulla wikna lar ta manawara monno ullage harayi kadahha, ²⁵ monno illada hamarau wikkanna wal taha taboka kangoteda yitta pahakaldamma beda rade kapirrana ata. Tanyiduwe, maida yitta kada hakulha wikna, rehi wi'kge oro miyo bam tadayi ladonai Mori nakiki daggeta. ²⁶ Oroge, nyi badda wukkage yitta badda rayige kajala kole badda kole hatadawe tutuge katengna, nyidawe walle hil la'kma maraka pahobi waiyi yida. ²⁷ Kadana dukka dahege harema hama dauta engage bayini rakkana monnorewo latti kaengana puddahayi muhhunai Allah. ²⁸ Dokuge paetana wali duda walleka tauda ata kaeta matawe, iyahingkayi aika dokudi Ukkupareha Musa enga hoku mate engawalle hilkole manna marabbeha manawara. ²⁹ Nyi batauge, atna harehi bi'ktage hokuna pawuku hibbana ata kadekini Ana Allah, monno kaha otarage ra jaji kaha tengu beyi, monno kaha pallekayi Ngahu Kayurru Allah? ³⁰ Oro, yitta datayi Nyi kaha newe, "Hagabawela dauwu-Guge; Nauwa engag kanukkawe hagabawe." Nyi dummonaha newe, "Mori nayidi rakkada ana huhu-Na." ³¹ Hada majiklawe yitta bada monuka lari ta limmanai Allah. ³² Tanyiduwe, apewela lado hatalira be, kole miyo bammu kolege ha akka, miyo tahna larta ma runnimi kataguge mayilla kabi'kta. ³³ Dikkawe, kailla hamelo gimmi monno hama yillami waige mabugerage ta aroda ata buta, monno doku kage doku jalage lari mayillama ata hakbbu ate kataudana. ³⁴ Mi dummo marabeha ate jalla kimmi tabara yidda kadana ta gallu lohho kahibba waige ege ate bakole batangngaddi kadana tabaramu bareboyi oro miyo tada inne miyo badani ngawu karehina hadahha monno aika dukkana. ³⁵ Oro inne, illam baitage inne ate hatenamu oro hatenamu inna naha dukku dangage kanyurru madakka. ³⁶ Oronage miyo bamu kabu ate hoge manono tutu rayige hakabbu ate Allah. Dajalage miyo bamu kolege aga hajaji-Na. ³⁷ Oro walle madikma nyinyo katamranna maiyo, enga dikkige monno walle lama dauwu hamerage. ³⁸ Tabollo, ata-Gu katengna damorha waina hatena. Monno, nyiyo banna erukanna madauta, urrana nyiyo walle namarakkma tabara-Na." Habakuk 2:3-4. ³⁹ Yitta walle ata erumanadda tahada kamukkana, tabollo ata kamang hatena karawa dadi urrada.