Hatena ¹ Hatena yikwe puge tangage hamanena yita,mono tadage wali tangage ai haetahoda. ² Oro,waige hatena yida ata ulhoge dakolena madaika. ³ Waige hatena, yita dayapawe inne tangage ngihige panutana paha dadiwe waige linai Allah. Nyidawe, agawe haeta wale harayikmawe tubage agawe haeta dumo. ⁴ Waige hatena, Habel nayiyo maraka tabarai Allah maraka karehi daha wali tamanutai Kain. ledege manuta inna, Habel nakolege padelaka kadaha wali tai Allah bawuyi ata katena; Allah nayiwe padelakana inna waige banaa hibayi maraka manuta. Mono, loko bana matekna, Habel engage bana dadi hanewe. ⁵ Oro hatena, Henok keketai dajalage nyiyo ilna lida walwe mate mono nyiyo wale tabokmayi oroi mori bana keketayi, oroge aikeketahoyi, nyiyo nakolege padelaka tubana ata kadaha nage atenai Allah. ⁶ Wale nadadikmawe daha atenai Allah aina hatenakawe, oroge iya hingkai kadaheka tabarai Allah na hatena dahoyi Allah badani, monoi Allah nanyidi kanyuru tabarada yida kama yegani nyiyo. ⁷ Oro hatena, kolee bene hanamuni Allah tutu kadadi aiha eta hona nyiyo, Nuh waige kadadaka mono manono hadaha wuyo tena tubage pahoilayi tangdi olena ta uma. Waige inne, nahokuge panu tana mono nadadiwe d'auge katena doku waige hatena. ⁸ Oro hatena, Abraham kole banna kamaikanni Mori, namma nuddu kako ta wu hadauyo ha yidanni kanna dau hangatage, monno nyiyo na kako lokko aina tada'kwe bagi nyi hadawu kakona. ⁹ Oro hatena, monno nadauwu ta tana ha jaji daani natujawe ata la pallaka ta tana ata, halugna nedda lari ta kareka oleni Isak monnoi Yakub; banyi daka kahha banna dauge inne ha jaji. ¹⁰ Oronage Abraham tangrana remage wu harona kamangngu liddena, kaha inyakawe mono kaha dedewe Allah. ¹¹ Oro hatenai, sara nahibawe tahina tutu hatiana mono dadi ana na, loko nyiyo bana woto alpu katubena tutuge bana ha ana oroge sara nayapa dawe nyiyo pajajiNa tabarana na mikungu. ¹² Oro batauda dage, wu ata kahada katuna mono hokmowe matenage, dadi wali taa ana suhuNa katunyana butana maduyo talangta mono ai ha angta yapudi tujai paha lai taa hupu banu. ¹³ Yida tangada inna da matube lari taha hatena waige ai dakole hoge aga hajaji, tabolo yida da torowe mono hibawe jaji inna wali kama rauwu, waige hatada tubada yida abu kamaiyo mono ata li palaka tapanu tana. ¹⁴ Hatakda yida katauda dana inna napa tingoge waige kadedo tutge yida batamrage mayegage wu tana tubada yida. ¹⁵ Oro, nyi paha ngadage inne harona hatanna beda yida ulhoge, nyida yida dadi jalawe bada haga neda bali. ¹⁶ Tanyiduwe, yida da kamakge wuyo harona karehina dah, haluguna harona sorgawi. Oro batau dada dage, Allah walena makkekma ba hangarani Allah yida oroge nyiyo bana hainyaka bewe wu harona tubada yida. ¹⁷ Oro hatena, kole mori bana kirahayi, Abraham na yiyi Isak haliyo mara kan, nyi kana hibawe jajiNa inna dadiwe bana liha manutani ana nahaNa. ¹⁸ Tutna nada lakawa, Allah natakbewe, "Waige ngarai isakla ana suhumu enga hangaradi." ¹⁹ Abraham na yodage hatena tabarai Allah, loho nyiyo na hatenawe nadai Allah nadadiwe bana hakadeyi ata mate. Hatujage, Abraham nakole beni isak hagga wali ta mate. ²⁰ Oro hatena Ishsak hamaringdage morhada Yakub monno Esau. ²¹ Oro hatena Yakub kole banna aroge matena, nahamma ringiyi ananai Yusuf, nyi nakka wojo ta aroi Allah waige hadde katakku takkona. ²² Oro hatena Yusuf tahha dukkd morhanna, nadulkawe tutu hu'da ata Israel walta Mesir monno yiwe duuge harena tutu rina. ²³ Oro hatena Musa, kole banna dadi dakka bunyini tauda wulla radde ata katuna. Yidda daetayi nadei Musa bawuyi lakawa bila kadahha, monno yida walle dama dauamagge aroge hareha raja. ²⁴ Oro hatena Musa, kole nyi banna matuy, natullrage bahha ngarani ananan ana lawainai Firaun. ²⁵ Nyi narehi pededahowe mayilla ole dangadi ana huhunai Allah wal kadahha tudukitillu jala. ²⁶ Nyiyo naha ngadage hameloni'i Kristus rehi manghihoge walta tangngadi majabola Mesir oronage Musa natorro dawe nimmi kanyuru ka amna. ²⁷ Oro hatena Musa tannage Mesir walle lama'kmage madauta tubage banna raja Firaun kameranagge dadiwe etayi nyiyo aiha etena nadde. ²⁸ Oro hatena Musa, narayige paskah monno paiharanna ra, tannam ra malaikat hamate dangnga kailla na jojayi ata Israel. ²⁹ Oro hatena ata Israel kako jalagge bannu malli, natujja dawe badda kako ta tana marakkota. Tabollo, kole ata Mesir badda kabage hada kahha mera, yidda datta lalluna. ³⁰ Oro hatena gallu watu Yerikho natta bohtatawe, kole badda killo ragge ata Israel ka pittu ladona. ³¹ Oro hatena Rahab, nadde ata kamma nyarha, walle na mate ole dangngamaddi rade ata aika manono oroge nyiyo banna hibbayi ata Israel kaeta ulluwe waige hada kamoli. ³² Monno aga wi'khoyi hatakki gu? Nauwa walle nahillu tutu mawe mahiggo bag bulka kahha miggi tabaram tuba nai Gedion, Barak, Simson, Yefta, Daud, Samuel, monno tangngada Nabi, ³³ oro hatena daha bawa beyi raja-raja, karayi katena, kakoleddi jaji, monno katoyi bayoda singa-singa, ³⁴ padda rewo latti, kahilpa wata tama kito, kakulha walta loja da yida, kakulha taggoranna ta til hatauwu, monno kawuggayi tentara asing. ³⁵ Tangngada lawai kahibba haggayi ata mate yidda ledege kadde hagga, taboolo dadummoddi hamma yillada monno hatullara hibbawe hoila dajalage yidda dakolege kadde hagga lari ta morha karehina hadahha. ³⁶ Anno tudduwe inne, dadumodi hamelo monno hapalu, lohho dummo hatau koga monno hatama tagallu. ³⁷ Yidda napaluyi, ha garra gajiyi pabbaka para duwuyi monno hamate waidi katopo. Da dummodi ka kako awa waige waige badda waina kalabbe walta latti bebbe walle kalita meme; yiddage hadangngellayi, ha pijjayi, monno pahadikuge hakabbu ateda. ³⁸ Inne pannutana walle namma rakka mawe tabada yida, yida da kako awa tamma radda gilra monno taletena, engada ta jonga letena monno ta li kab tana. ³⁹ Loko badda kolege padelakadda kadahha oro hatena, yidda walda hibba mawe agawe hajaji. ⁴⁰ Oronage, Allah haganna nagge tangage karehina kadahha tutuda yitta, dajalage aida yitta, yidda walle nadadimawe bannuna.