Dokge Hadai Yesus ¹ Oroge yitta dadi kabuta etada kakilloradda yitta tujawe karabba, maida yitta kadda tadadi tangngage bi'kta ngiddi monno jala kaleroda yitta monno kadda malaiyi waige mikku badda hatajina paha ganna ta aro matada yitta. ² Nyammaddi matada yitta kada ha arodi tabarai Yesus, ha Ama kaahha dadige mono kapannu hateda yitta, waige ege ate pahha inyakabe tuba-Na, kabaige tagunni kadailo monno walle namukka magge libawa kadailo nada. Monno batauge, Nyi nangodo tabara taka wana dau nai Allah. ³ Enga kige bammu namuyi Yesus, katahge aroge hamuhna walta ata jala dajalage urramu illa ldadi dalwe bamma joli monno bata ate. ⁴ Tillu nangumigge gabage kajala, miyo walle dikkimagge hamajokuge ra miyo. ⁵ Monno miyo um dangngage hanuwa ha yiyo tabaramu ba wumi lakawa? "Ta Ana-Gu, il;am hangada walla waikagge hanuwa na Mori, monno illana marraha atemu kle miyo banna ha ape gimigge. ⁶ Oronage, Mori napaluyi ana hamma nawaranna, monno na paluyi ata pahibban-Na banna anadi." Amsal 3:11-12. ⁷ Miyo um tahdahoge tuttuge inne hanuwa, orge iyai nai Allah tangranna banna pahadami tujawe banna ana gimmi, lohho wi'kdi aga l;akawa hinguyi ai hakal hanuwa amana? ⁸ Nyidawe miyo aim kalhibbawe hanuwa hadadi dahonna hibba tangngana lakawa, mi'kna halinnawege ana jallora, walle ana kadidra'k mammi. ⁹ Halegewalwe inne, yitta inne da amada ta pannu tana kahha nuwada yitta monno ha aka da yitta; nyi batauge wallerehi ka'k hogge yitta wal baddahanga'k kage tauda tabara nai Ama tangnga ngara waddi monno tapannuge morha? ¹⁰ Oroge wadeka amada yitta kadana inne ta pannu tana banna palu kadda yitta tamma higgo kadubha dokuge hada da yidda tangnga ngara hada, Ama kadana ta Sorga na palu allad yitta tutu dahha da yitta dauwu kanna dadiwe yitta badda kolege dau da lar ta tengna. ¹¹ Tangngad hanuwa badikkiwe ba yidaddi, enga walle nadahha mawe monno ha pa'kha ate dangngawe. Tanyiduwe, inne ba bewe engana dadiwe banna wuwe katena, kayiddada kmoli, maringnga tabarada yidda ha madbe ledge inne hanuwa. ¹² Oroge inne, hakulhaddi limmamu kaloja monno kuddo mu ka gedo, ¹³ rayikanni lara kalurha tubadi ledumu dajalagge dal ledumu kaloja ka illa dadi dalwe banna kalikkuyi, tabollo kanna taghayi. ¹⁴ Kammu rayi dakigge moli tabara tangngana ata, kamu rayi kige katengnga oronage dida da tengu allanna, ladahingmanna wu ak ata ka etayi'i Mori. ¹⁵ Hamaddo hadah kige, dajalage aiha hadauwu dahha dangngage illa da kaddi kalarta pa'kdu katummu monnokahha tumuge kadadi monno kaha tummuna kadadi dajalage ha rayi atabuta. ¹⁶ Monno, madammu dahha kige dajjalagge kailla dadawal ata karaina kamma nyarha lohho aika kamurraha katujayi'i Esau kamma laja nyi dau ha kaiyanna tanga hegge wu koba ha yayo. ¹⁷ Oro miyo um tadawe nimmi laddo murri, kole Esau banna baige inne ha dau na kammaringna, nyi tullaranni monno walle la'kma mahiggo banna jarra lokko banna majoku duyi we mata mayega nyiyo. ¹⁸ Oro miyi wallem maimammi ta wu letena hadadi joja, ta latti karewo, walleka ta pagtanna, ta lola kiddi, monno ta warata. ¹⁹ Mijalla wallem maimam ta li talallu monno ta li kahha newe karadi karangeyi rainoge dajalagge waige inne hatakki illam tak dawalkawe tabada yida. ²⁰ Oro yidda walle nadadi mauwe tahge rangewe hareha ha yi-Na, "Lohho nyi wu ranga hingkayi ka jojawe inne letena, nyidwa ranga nadde enga nyidahinghowe bakka tukkuyi watu kahha banna mate." ²¹ Monno, tauda dahingge mayigge inne ba etawe dikkige Musa banna hanewe, "Nauwa ug madauta yikkahingwa." ²² Tabollo, miyo um mai bemmi Sion, monno taha rona nai Allah kamurraha, Yerusalem surgawi, monno tabarada malaikat aiha angta ha yapu. ²³ Miyo um mai bemi ta makaha kama daka jemaat kama hada wali ta Ana bodi Allah kama tolhabe ta Surga, tabarai Allah, kayida rakada tangada ata mono urada ata katenguna lohokbanu bena. ²⁴ Miyo um mai bemi tabarai Yesus lede jaji ''kaberu, mono tabara rayo hapaihara,kaha newe rehi daha wali ta rayo nai Habel. ²⁵ Madam dahha kige dajalage miyo illam tullaranni nyiyo ka yigimmi li ape wali ta tana he aika dadi halohtami, nyidawe yitta dummo enga walle nadadimauwe pahallawe tauda walta tabaran-Na kayi li ha ape walta surga. ²⁶ Ullugena, li-Na nahha gedoge tana, tabolo batauge nyiyo najaji, "Tabollo, hadakka pi'i gugge Nauwa walle nyikelmawe hagedoge pannu tana, tabollo surga dummo." ²⁷ Hanewe 'hadkka piggugge", nahha tingngio dagge tuttuge ba puddahai hada-hada kadadi bakedodi, halugna tangngad ha dadbe dajaddi hada aiha kedo nadadwe banna engadi. ²⁸ Oro batauge, yitta hibbawe hareha pakedo, maida yitta hatingngoge hada mawaida waige manuta kangote kamhoma ta aroi Allah, ha irna hada ha aka monno banuge hangattara, ²⁹ oronage Allah da yitta walle ta talatti kaha karhage.