¹ Oroge, tangad rato madakka hapede walta walta tajonga ata pa'do'doka dedege hada ata walta tangngage kayannada tubai Allah, tannam nyi knna 'da'diwe phadded tangnga ngara maraka monno tangnga nara maraka hatunnu tuba doku jala. ² Oronage rato madakka wikna bannu lojamawala, nyidawe nyi dummo nadadiwe pahada malujjatabarana ata aika panghangdanna monno kaduttu jallora. ³ Nyiwe gauge, nyiyo engadahonna banna nyi maraka hawalna jala, walle tutkelmadda radde kangote ata, tabollo wikna tuttu tawu dawuna. ⁴ Walle la'dama rato madakka aika kolena hige inne tutu tawu dawuna, nyi nahibba hiwe batangranna nyi banna maikanni'i Allah, kataudanna naddai Harun. ⁵ Tauda wiknai Kristus walna nahamma nada daumawe tawu dawu-Na tutge ba wuyi ata ka'da'di Rato Madakka, Tabollo nadde Nyi kahha newe tabara-Na, "Yawu inna Ana-Gu. Lado nehe nauwabe Ama-Mu." Mazmur 2:7 ⁶ Taha dawu wadeka nahha newe wikna Nyi, "Yawu nage Rato kahha walmur-walmurri, dokuge papahada Melkisedek." Mazmur 110:4 ⁷ Tilu moehanna bana tujayi kadadi ata, Yesus nappa haddege sembayangna loppo maraino waige mila ate monno we mata, tabarana Nyi kaangta pahilpanni walta mate. Monno, Nyi rangngeyi oronage murran-Na. ⁸ Loko nyinai Yesus ha Ana, tabollo Nyi nahha nuwa tutuge manuddu ledege mayilla hapadda-Na. ⁹ Waige banna mahiggawe manadana, Nyi manna 'da'di pu hoila aika mangdukkanna tuba tangngada ata kamma nuddu tabara-Na, ¹⁰ monno Nyi ha maika nai Allah dadi Rato Madaka dokuge papahadanna Melkisedek. Nyanga Ka"aro Tamma Tu Hatena ¹¹ Enga butayi hatakki tutuge inne. Tabollo yige, kapitoge tutuge bahahirawe oronagge miyo wallem baimagge hato dahhawe. ¹² Oroge, langbatalka inna batauge miyo bamkamakge nawuyo ata kahha nuwagim tutuge hada-hada kahhapu inne ta linai Allah. Miyo um kamakhonna suhhu, walle hayayo katu'ma. ¹³ Oroge, na ata ka morha walta suhhu nyikna ata aika kamang hangadana aika yappawe hanuwa tutuge katena, nyi bila honage. ¹⁴ Tabollo yige, ha yayo ka tu tangadaddi rade tamgngada ata kabadda matube, radde yidda kabadda hanuwabeddi mata, katillu, bayo, hangada loppo ateda yidda badda hawattege agawe kadahha monno kajapata.