Jaji Tutuge Batama Tahadau Ngahunai Allah ¹ Oro bataudage innage, baengage jaji batama tahadau ngahhu-Na toma dage, kaengamodda yitta tatil madauta nyiba ragga daka tajongada yittaaika tomagge banna kolege inna jaji. ² Katau takka danagge, inna kadahha da badda hadikki bedage tabarada yitta, katauda beha dikkida tabara wikkda yidda, tabollo inna liyo ha rangngea yidda walle da utu dangnga magge yidda oronage walle naha wumagge waige hatena radde tangngada ata karangngewe. ³ Oronage yitta inna kahatena, enga tamada neddo taha dau ngahu,katijana neddo hatak-Na "Nauwa g haurawa tatil bani-Gu: 'Yidda enga wale dakaldahingmawe badda tama neddo taha dau ngahu-Gu,' Mazmur 95:11 langba talka haullanai Allah 'baba'b bebewe wal ned bahadadige puge inne pantana. ⁴ Oroge, larta ta wu nas,taudagge banna hanewe Allah tutna na laddo ka pittuna,"Neddo ta laddo kapittuna, Allah na ngahu walta tangngaddi harai ulla-Na." ⁵ Tabollo nyige, taudagge inna beha taknai Allah, "Yidda walle datama'kma neddo tahadau ngahu-Gu." ⁶ Nyidawe, dahogge mahiggo tubada radde wadeka ata katama neddo tahadau ngahu, monno 'dadi wadeka ata tama kaulbe rangngewe liyo dahha, tabollo walle na'da'di mauwe tama ai'da manuddu yidda. ⁷ Nyi'dawe, hadakka piwali Allah naha inyaka be'yi wuyo la'do hatakda "NehheLado", hatakbe ledeni'i Daud nuthinghona ulgena, "Laddo nehhe, nyi bamu rangngewe li-Na illam hatukagge atemu katauna bammu bokala." Mazmur 95:7-8. ⁸ Oroge, nai Yosua yibeddi yidda hadu ngahu, nyidawe Allah walle nahil dulka mauwe tutna wu laddo wadeka nimmi murige. ⁹ Nyi bataudagge, enga dada hoge rahi ngahu lado ngahu tut kangotei Allah. ¹⁰ Tutda yidda katamabe hadawu ngahu nai Allah, yida dumo da ngahu walta ha ullada, taunai Allah banna hanukkuwe ha ulla-Na. ¹¹ Nyiadawe, maida yitta kadda run'ge, kapikku tamada inna taha hadau ngahu, kailla wuhingkanna ata kamonu oro 'dokuge kaha mer'dangngage inna hada aikama nuddu. ¹² Oroge, inna linai Allah namorha'we mono bikta parehawe, monno atdahogge tamage wali ta kito kaleka gihingkanna ka 'du'dana tamana. Inna Liyo namma duhka rehi kiddiwe kahha banna hawattege urrada monno ngahuda, tajonga kaluta monno ri tabilkadda, lohho natadwe paha ngada monno hakabbu ateda yitta. ¹³ Wallelakma langka wuhingkanna ranga kabailanna walta aro mata-Na. Tabaraknagge yitta badda yiho tagu baleha tapannudi tangngadi harayida. ¹⁴ Oroge yitta 'ba'dani Rato Madakkada kalangngana kapannebe dete ta sorga Nyinai Yesus, Ana Allah, maida yitta kaddaz 'jurta hamaddoge hamma ngaku bedda yitta. ¹⁵ Oroge, yitta aida dakna Rato Madakka aika 'da'di hadngaddage loja mawaladda yitta, tabollo yitta dani Rato Madakka haka'ba'be walta tangngage, katauda allanna yitta, tabollo Nyi walle lakdama jala. ¹⁶ Oronagge inno, waige hatena, maida yitta kadda pa'did'di tahadau kanyurru tannam yitta kadda hibbawe marabbeha manawara monno kadda tabbokawe kanyurru tugge batulda yitta, 'batangradda yitta 'badda makge.