Yesus Narehi Madakka Waltai Musa ¹ Oro batao'dage, ngara dukkam olebaigu katengna, miyo kakole benna 'dauna takka wula sorgawi, tangaradaiyi Yesus, Sang Rasul monno Imam Madakka hamma ngakuda yitta, ² kamma nono tabarana Nyi ka diddarai-Yi, katau'danna kahhamera tai Musa kamikku larta umma-Na. ³ Oroge, Yesus bahangaddan natu'ba 'banna kolege kammanadana karehi madakka waltabarai Musa, katau'danna ata kahha ka'de umma kakolena 'bappa hiyi karehi madakka walta bara umma unno dauwu. ⁴ (Oroge, tangnga'da umma nahha kaddehei nade wu ata, tabollo kahha Ka'dde tangngad kadana nyi'dahoi Allah). ⁵ Musa wuyi ata kamikku banna hanukkuwe tangngage lar ummanai Allah, tutge yiwe pa'dela ta tangnga ngara ha'da patakki nimmi tala'do murri. ⁶ Tabolo, Kristus nanjurtawe banna narroge inna hatena monno mamanne habobi dangnga'da yitta kahha walmurri. ⁷ Oro bataudagge, katau'danna Ngahu Katengna banna hanewe, "Nehhe la'do, inna miyo 'bam rangngenagge li-Na, ⁸ illam hawatoge atemu katau'danna banna bokalauwe bamu rayige neddo ta laddo makama tamma radda gilra, ⁹ halugna batangra'da we'da waikammu badda ka'baga Nauwa monno 'da etayi tangngaddi harayi-Gu kapatabul dau kalanna mojage. ¹⁰ Oronagge inna Nauwa mag baniwa neddo tahulleka'da monno luggud, 'Ate yidda alhingnad banna jallorai monno yida walle da yappa hingmagad tangngad larag-Gu.' ¹¹ Nyi'dawe, Nauwag haurauwa tatil bani-Gu: 'Yidda walle datoma manna tama neddo tahadau hangahu-Gu.' Mazmur 95:7-11 ¹² Hadu-du hamataradlah ngaradukka'da olebaim, illa 'daka tajongam miyo kakolena ate kajapata monno aika hatena, karaigimmi bam taliran nai Allah ka morha. ¹³ Kabal'dawalge, hanuwa wikkim dihha laddo-dihha laddo, toma dage batakkiyi "laddo nadde" tannam illa da tajongam katakwatu oro matipu walta jala. ¹⁴ Yittanalah kangala 'dauna ne'do lartai Kristus, Inna yitta badda narro hamannowe neddo hatena da yitta walta puge kahha ba bewe. ¹⁵ Tauda dagge kamma tolha, "Nehhe laddo, inna miyo bam rangngenagge li-Na, illam pangat kagge atemu kataudanna bam pagabba." Mazmur 95:7b-9 ¹⁶ Ia'dakai ra'da ata ka'ba'da rangnge nagge linai Allah, tabollo haga'bba? Walle ra'de yidda tangnga'da kahuna walta Mesir takabu harehanai Musa? ¹⁷ Monno, tabara iya'daka hadau baninai Allah mojage pata kabullu dau? Walle tabarada yidda karina jala lodo ma'da 'da'di ata mate kamma talara tamma radda gilra? ¹⁸ Monno, tabara iadakai Allah pahauranna inna yidda walle dakaldahingmawe tama tahadau ngahu-Gu, ai tabara radde yidda aika kahha doku? ¹⁹ Nyidawe, yitta da eta beyi radde yidda aika 'da'di ba'da tama oronagge walle dahha tenama yidda.