Hoila Kammadakka ¹ Orona'ge innege, yitta rehidaho'ge ba'da hamattara hatidge aga beuwe inna yitta beha rangnge bedda tannam yitta kailla da'ha doku ba'da oraha'da. ² Oroge inna hanuuwa beha hadikbe'dada ra'de malaikat mangtadage wallena'da'di mauwe bawungngagge, monno tangngad malai ai manudmanono engahibbawe hokku kamma tibbara, ³ agalinnakauwe inna yitta ba'da hilpa inna yitta ba'da taulaipa kelkauwe inne hoila kammadakkalah? Inna, hoila wungnga kapuge Mori katalaragge monno 'dabegge tadage katengna tabarada yitta ra'de tangngada ata karangngei-Nyi. ⁴ Helewalge inna, Allah 'dummo nayibewe pa'dedalanna leded tajka-tajka monno hada-hada kaheka gai, tangnga ngara ha'da kaheka gai lohho kanyurru-kanyurru Ngahu Katengna habawebe dokuge habai-Na. ⁵ Allah walle nahha mauhamagge pantana nim kaamna, inna pantana hatangra'da yitta hanewege/takwe, tabara malaikat. ⁶ Tabollo, 'da'dan na'd wu ata kahha 'delagge larta wu nas: "Ia'da'kai na'k ka'da'di ata manna 'da'dwe bam hanga'dani? Ia'dakai na'k anana ka'da'di ata manna 'da'dwe Yau bam apeyi? ⁷ Ho'k ka'kwe, Yau bam rayin banna rehi bawana walta bara malaikat Yau umhamma nadai waini mahkota monno kamanghina. ⁸ Yau umha bakkei tangnga hingud takab le'duna." Mazmur 8:5-7 Oroge, waige banna habakkei tangnga'di takabbu le'du-Na, nyi'dawe Allah walle nappahai'da'kmahonnagge tangngagge inna aiha habakkeho tabara-Na. Tabollo nyige, nabatauge yitta walleda eta mahouwe inna tangngagge habakke tabaran-Na. ⁹ Tabollo, yitta dabadda eta beiyi'i Yesus tutge barayin tuddun banna rehi bawana walta barada malaikat, nyinai Yesus paha mahkotai wai kamma nadanna monno kamanghina oronage mayilla matetannam oro manawarai Allah, Nyi na'da'diwe banna paddage mate tubada tangngada ata. ¹⁰ Katau'da takka 'dahhonagge Nyi-- tubana Nyi monno leden Nyi tangnga'di ka'dana-- banwalge Lolawe Hoila manemara tangnga'da ana-Na ledege mayilla, tubage ngi'diyi yidda neddo takamma nadana. ¹¹ Oroge dahhawe Nyi nadde kahha murrahanna lohho yidda radde ppaha murrahha, tangngada kawaliyi walta wu Ama; nyidawe orogelah Yesusmawalna makke banna takkiyi tangngada yidda ole baiguddi balin-Na, ¹² waige hatakki: "Nauwa engag hadedo gugge ngaram-Mu tabara tangngada ole bai-Gu. Tatillu jonga dalaradda ana susu-Mu, Nauwa engage bag lawitti madaika tabaram-Mu." Mazmur 22:23 ¹³ Monno walli: "Nauwa ijjalauwe mamanneg-Gu tabarai Allah." Yesaya 8:17 Monno walli, "Nauwa'kna inne, oledi rade tangngadda lakawa beha yinaggai Allah tabarag-Gu." Yesaya 8:18 ¹⁴ Oronagge tangngada rade lakawa ba'ka 'da'di ata duyi kamang ra monno kana'na, mai Yesus wi'kna na ngalawe ha'da yidda, tannam ledege mate-Na, Nyi kanna 'da'diwe banna haliloko nyi kamang harena tabara mate, na'dei Kabalka. ¹⁵ Monno, palohtai yidda tatillu tangngagge morha'da pa'atana inne madauta tut mate. ¹⁶ Innagge, hira'knagge Nyi walle nanyi mauwe matulna tabara'da ra'de malaikat, tabollo tabara wallawunai Abraham. ¹⁷ Oro 'batau'dage, larta ta tangnga ngara ha'da Yesus na'da'dahinghowe ba'dda tujjayi tangnga'da ole'bai-Na, tannam Nyi kanna 'da'diwe banna 'da'di Imam Madakka* kabanna maradda ate manawarra monno mikku larta ha ullai Allah. Nyibatau'dagge ge, Nyina'da'diwe banna kodoge hawalna doku-jala ka'da'di ata. ¹⁸ Oroge, Yesus 'dau myilla 'ba ka'banni, nyidawe Nyi na'da'diwe tullud yidda ha tangra ka'ba.