(Orang Percaya Dibenarkan Melalui Iman) ¹ Ta miyo, ata-ata Galatia kabanga! Ia dahenguyi kaha baremi? Wale taaro mata dumu Yesus Kristus baetayi baka dailoni taaro kabuta? ² Wuwena hakabu ategu kanukawe tabaramu, magarami hibayi Wadi oro Dokudi Hoku Taurat waleka oro range waige mamane? ³ Tauda dahenguge kabangami miyo? Miyo kapuwai bena Wadi, aga dal mige naba tauge mam kabu atege bewaige kanayo?. ⁴ Liloko-liloko takami mayila takamayila katauna butana rada batauda mema dagena liloko-liloko? ⁵ Bataudage, aha Nyiyo mana pahalayi Wadi tabaramu mono mana uladi Mukjizat tajongami oromi bam kahakoyi Hoku Taurat, waleka oro miyo range waige mamane? ⁶ Merana katauna Abraham kahatena tabara Allah nyiwe naka taudana yapuge tabarana wuwe katena. ⁷ Oro bataudage, tadawela rada ata-ata kahatena paha nagara ana-ananai Abraham. ⁸ Jurata Biha, kabada tada uluwe nadai Allah enga nayidi tena ata-ata aika Yahudi oro hatena, loho bada uluge bataki nage li'i ege ate dita koko tabarai Abraham mono waige hanewe: " Tangana kabih ata engage ledegu yauyo." ⁹ Bataudage, yida rada kahatena enga daha maringi oleneni Abraham, ata kahatena nada. ¹⁰ Tangana ata kama teru nata haula Hoku Taurat dadi takabu haura, oro dage kamatolha: " Lokonani nada Ata aika libawa matangadi rada kamatolha tajurata Hoku Taurat lopo karayidi." ¹¹ Batauge, na hirawe batauge oroge ba aida wu ata kahatena ta aroi Allah waige Hoku Taurat, oroge ata kahatena na morha oro kahatena." ¹² Batauge, Hoku Taurat wale hakape mawe ta hatena." Tauda dumoge ata karayidi Hoku Taurat morha orona." ¹³ Kristus nakahkada yida wali ta Hoku Taurat waige dadige haura tabarada, oro dage kama tolha," lilokola ata nada ata hateru tayayu paka dailo." ¹⁴ Na ba dada natai Yesus Kristus, maringu nai Abraham nadadiwe wedikiwe tabarada ata aika Yahudi tanamu waige hatena yita kada hiba Wadi nada beha kirabe. (Janji Allah dan Hukum Taurat) ¹⁵ Olebai-olebai, nauwa kagu yigimi lipa tuja ta morha diha lado- diha lado : Naha kira naha ngodo bewe, langka haworo tajonga ata, walakma ata kapikuge pangahuwe waleka tabawe aga hengkawe nalari kirana. ¹⁶ Batauge, tutge inna hajaj hadiknai Allah tabarai Abraham monno tabara walla wuna. Allah walle nahhanewe'kma, Tabara wallawu-wallawuna." monno tabara wallawuma," kapege nahatingngon wu ata, nadei Kristus. ¹⁷ Hakab ategu, Inna Ukpareha Taurat nadedowe 430 dau kole ba'aihil angage padekawe inna jaj beha didrabenai Allah. Nyidawe, inna jaj walle hil'angta magge bapungngage. ¹⁸ Nyiradda hakda banna hapukai neddo ta aukpareha Taurat, nyi rada hak walle hil hapuda'kmai neddo ta jaj. Tabolla nyige, Allah na yidawe tabara nai Abraham ledege wu jaj. ¹⁹ Nyidawe, ahha madage Ukpareha Taurat? Ukpareha Taurat mayiwe oronage balayi'i liha latta, badikkidi ra'kda walla'wu ba'ammidi ba'agalinnawe hakab atege inna jaj baraige. ukpareha Taurat bapahadawe leded malaikat badda dadi lede liyo. ²⁰ Tangiduwe, radde lede liyo walle natagdakelman wu ata, oronage nai Allah wu da heyi. (Tujuan Hukum Taurat) ²¹ Inna bataudage, ahhada Ukpareha Taurat manna gabbage neddo jajnai Allah? Enga walle da'kma! Oroge, inna Ukpareha Taurat bayiwe tutge kolege bayiwee morha, katengna nahirawe kawaldawe walta Ukpareha Taurat. ²² Tabollo nyige, Jurrata Bihha nataubei tagallu tangngaddi monno tangngada ata kadana ta kab kajala tannam jaj oro hatena lar tai Kristus Yesus kanna yiwe tabarada yidda kahatena. ²³ Ba ai'amhoge hatena, yitta dakalokatada takab Ukpareha Taurat, dapatda kataidanna halokata kahha badikge neddo hatena ba'amge baha dedowe. ²⁴ Waige baaudage, Ukpareha Taurat yidawe kaha matrada yitta kahha badikkinni'i ba'ammini tannam yitta kadda kolena. ²⁵ Badda tena oro hatena. Nabatauge, inna hatena badda ambegge. Yitta walle dahil kama'kmage Ukpareha Taurat banyidawe kaha matradda yitta. ²⁶ Larta Yesus Kristus, miyo tangngam inna ana nagimmi'i Allah ledege hatena. ²⁷ Miyo tangnga ha bepaha riha lartai Kristus umwaibeni'i Kristus. ²⁸ Walle hil lad'kma ata Yahudi loppo ai ata Yahudi, ha ata loppo ha morri, kabani loppo lawai oronage tangngam miyo wu dahem lartai Kristus. ²⁹ Nyiddawe miyo inna nadaugimmi'i Kristus, miyo inna walla wunai Abraham monno kada'k hak waris waige neddo pajaj'ji.