(Pengakuan Para Rasul atas Paulus) ¹ Kabul pata dawu ta'aro, nauwa hagga walwa taaha rona Yerusalem olenai Bernabas monai Titus olegu. ² Nauwag kakowa oroge dihawu kadedo monno tutuge li ege ate dita koko tabarada yidda tutge li ege ate dita koko ha dedalagu tabarada ata ai ka Yahudi nyiduwe, nawa gu rayige hatabokana kaha ole baina, nyidawe duka yida dahe kamangu pengaruna mono kamu tada hirawe agawe haullagu walena lilokomawe. ³ Titus, ha olegu wale nyidamahowe ba sunatui langka ai ata Yunani. ⁴ Inne, manna dadiew kataudana oroge ole bai kapalleka katama kangunggu ai hamadamu kaha mattara-mattara gew inne hoila haduda nedo tai Yesus Kristus yitta kada haga ata. ⁵ Tabolo, nami walema auwama kangak'ka tabarada yida tanam yita dangidi hagadak nedo bada ata tabarada langka hodikawe tanamu katena Injillu kana engage tabaram'mi. ⁶ Nyiduwe, ata ha'aka hadau ngododa wale baningdamadi tabaragu oroge Allah walena watekama, yida wale ladama aga-agana tabaragu. ⁷ Tabal'ge,  yidda daetawe tabaragu dayiga hatena, li'egeate tutda ata ai kabunyi'ho kataudanage Petrus, hatena liege ate tutda ata kabunyi [sunat]. ⁸ Nyiyo karayi ulla ledeni Petrus nyidomo karayi ulla ledege nawwa tutge dadi rasul tutda ata ai ka Yahudina. ⁹ Be'nedo nage Yakobus, Petrus monai Yohanes, ha'aka bada dadi saka guru tabara ata ngote kada tadawe manawara taba ragu. Yidda da yiyi lima kawanada taka ngote tabaranai Bernabas monno tabaragu tanam miyo kam kakom tabarada ata ai ka Yahudi, nyiyida kada kako tabarada ata kabunnyi [sunat]. ¹⁰ Yidda karai dahegama nami kama apewe tabarada ata milla, nawa dawu diha wuyo kawuk we bagu dokuge mono bagu ullage. (Paulus Menunjukkan Kesalahan Petrus) ¹¹ Begge, ammini Kefas taha rona Antiokhia, nawa gu hira-hirawe bagu gabani oroe nyiyo bana hira damowe bana jala. ¹² Oroge ata wali takalingora nai Yakobus amidi Kefas na damabe ya'a dangadi rade ata ai ka Yahudi. Nyiduwe bana mayi, nyiyo naha legewe bana ernna mono bana wateka wikna oroge madauta kalinggora ata kabunyi [sunst]. ¹³ Rade wadeka ata Yahudi daha doku bada rayige daha mata dete, loho Barnabas nahadoku daha mata dete dayida. ¹⁴ Kole bag etawe yidda harayida walle halolung mage li ege ate katena, malug danage tabaranai Kefas taaro tangada ata buta, "Miyo ba ata yahudi mi morha ai katujayi ata ai Kayahudi, aga linada'ka'mowe bam duhai, ata ai ka Yahudi tutge morha katujai bam duhayi nade ata ai ka Yahudi." ¹⁵ Yita'na inne ata hadadi kadaddi bangsa Yahudi mono wale ata jalama wal ta bangsa Yahudi. ¹⁶ Tabollo, yita datadawe oroge bangsa ai ka yahidina. Ladamani wuyo ata katena karayige Hukum Taurat ai hatenakai Yesus Kristus. Lohho, yitta dummo kaha tena tabaranai Yesus, oroge wale ladamani wu'u atami oroge bana rayige Taurat! ¹⁷ Tabollo, tamrada yita bada runge yitta kolege tau dauda jala, tutge kada tena nedo tai Kristus oronage wale ladamani wuyo ata katena bana rayige Hukum Taurat. ¹⁸ Nyiwe nawa ge kade hagawa agawe beha pukkagu, nawwag pahirage oroge nawa badiha wuatawi kalayiyi li haakka. ¹⁹ Oroge, lededi Hukum Taurat, nawwag mate bewa tutge Hukum Taurat tanam nawa bagu kolege morha tutnai Allah. ²⁰ Nawa kadailo olebega oleni Kristus. Walle hili nawama ka morha, tabolo Kristus kamorha tabaragu morha taka nayo hamorha dangage tena tabaranai Allah, morhag hine batauge morhagu takanayo ngabenage oro hatena kama nawaraga nawa monno kayigage tau-Na tutug nawa. ²¹ Nawa waleg pata manage manawaranai Allah, oroge katena yine Taurat, liloko nage matenai Kristus baamkage ledege kataudana Hukum Taurat, lilokonage matenai Kristus.