¹ I Mori linage tai Musa kana kako tai Firaun mono kalinage tabarana:"Mori, Allah ata Ibrani linage,' pahai gadi ana huhuGu kada kako kawojoga!' ² Nyi mi bamu engage bamu patuyi yida mono aim pahai kadi yida kako, ³ Mori enga wainage kawahaNa tabarada rangami ta oma.Nyi enga rayi nani tangadi jara,keledai,unta,hapi,mono bebemi bana yannayi kapore kara ka langtakana, ⁴ Tabolo,Mori enga pali heka nadi rangada ata Israel wali ta ranga ata Mesir,Lakma wuakla rangada ata Israel ka mate. ⁵ Mono,Mori naha yana bege ba pirawe hada inna bana dadiwe.Nyi linage,'hada inna enga dadige koka."' ⁶ Koka kokoka,Mori na rayige agawe hatak beNa.Tangadi ranga ata Mesir na mateyi,mono wale lakma kamate ranga wali ta ata Israel. ⁷ Firaun naha lewa ata kako torroyi apa dayo ranga ata Israel kamate.Tabolo,wale lakma wuak kamate.Lokko bataudakge,Firaun engage katakku watu mono walena pahai madi ata Israel rada kako. KABIHLA ⁸ Mori linage tabarai Musa monoi Harun, "Nagalau jabba kabka wali ta tulra,Pahaini Musa kana habarage kabka inna ta rereha ta aroi Firaun. ⁹ Inna na dadi kabka kanudahawe kama habara ta rangage Mesir. Nyi ina kabka bana jojaka ata waleka ranga ta Mesir,kabihla na tummuyi ta kalita yida." ¹⁰ Nyiwe,Musa monoi Harun na ngalawe jabba kabka wali ta tulra mono dede ta aronai Firaun. Musa na habarage kabka inna ta rereha,mono na tumuyi kabihla ta ata mono ranga, ¹¹ Tangada ata hamorro walena dadik mawe ha ngahuyi Musa rayige inna oroge yida dumu yanna kabihla. Hada inna nadadiwe ta tangage Mesir. ¹² Tabolo,Mori hatunage atenai Firaun daja lage nyi walena rangek mayi Musa monoi Harun,katauna hataknai Mori. URRA HAWATU ¹³ Bewalge,Mori linage tabrai Musa, "Kade koko wawu mon kam kako tabarai Firaun.Tak nage tabarana,'Nyiwe inna hatakanai Mori,Allah ata Ibarani:,Pahai hadi anaGu lkada kako dajalage yida kana dadiwe kawojoga nauwa! Hadakka inna,Nauwa enga bira guge tangag4 liyo hokuGu ta bara hemu,tabara ole ullamu,mono ana kaha rehamu.Waige katauna yau enga tada muge ba ai dayo allah katujana Nauwa tahagala panu tana. ¹⁵ Nauwa enga wai guge kawahaGu mono ug hadukege kapore kara ka pudahawu yau mono ana harehamu wali tapanu tana. ¹⁶ Loho,nyiwe hakabu ateg inna Nauwa ug keketa bewu,haluguna tutu bagu hatingoge kawahaGu tabaramu.Waige bataudage,ngaraGu enga dedoge tapanu tana! ¹⁷ Yau enga hoge bamu habogangge taumu ta ana huhuGu mono wqalem pahai madi yida kada kako. ¹⁸ Koka,kataudana inna batauge,Nauwa emga haburu guni urra kamangu watuna ka hada hekana.Wali baha dedewe kaha batauge,walna kali dadik mahowe dani urra katujana nada ta Mesir.' ¹⁹ Batuge,ngidiyi ta hadau kama inyaka tanhadi rangamu mono tangadi hadaumu ta marada.Oro,tanagana ata mono ranga ka engahona ta marada enga ha mateda kole bana burru urra kaha watu." ²⁰ Kapirana ka ula danagni Firaun da matarage hatak nai Mori inna.Yiada da hangatana hatamadi rangada mono ata halewana lari ta umma. ²¹ Tanyiduwe,kapirana wadeka tau taipawe hanaunai Mori mono yammadi atada mono ramagada yida engadi tamarada. ²² Mori linage tai Musa, "Hatngaradi limamu ta langta mono es enga halegedi burru ta tanhgage Mesir.Urra watu enga namonu ta tangada ata,ranga,mono tanagfdi katummu ta marada da ata Mesir." ²³ Nyiwe,Musa na keketayi takkona ta langta monoi Mori nahaburruni urra es kaha olena Kagurka mono kamilaka tapanu tana.Mori naha burruni urra es ta tangage Mesir. ²⁴ Urra es burru mono kamillaka hangata-hangatana yabalawe tangadi hadau.Nada nyi urra es kahada ai tidana kakalli burru ta Mesir wali hadu inna ddewe. ²⁵ Urra nada na naha mukkadi tanagadi kadana ta omada Mesir,tau dumoge ata,ranga,loho dumo tangadi katummu.Urra watu dumo napukadi tangadi pu yayu kadana ta oma. ²⁶ Wu pewe hadau ai halina urra es duka hege Gosyen,hadau dauda ata Israel. ²⁷ Firaun nakamaikadi Musa monoi Harun mono linage tabrada yida,"Inne walige ug jala bewa.I Mori nyiwe katena,mono nauwa loho anakaharehagu jala. ²⁸ Urra es mono kagurka wali tai Allah nade na tutuwege! Sembayangna tabarai Mori kana hagahuyi urra nade.Nauwag pahaigimi mi kako;mi ilam hil engana ge." ²⁹ Musa linage tabarai Firaun, "Gehawu koleg tanage haronamu,nauwa ug keketayi limagu monog sembayangna tabarai Mori.Kagurka enga ngahuna monp wale hila lakmani urra es dajalagre mi engam tadawe inna panu tana dau nagei Mori. ³⁰ Tabolo,ug tadawe inna yau mono ole ullamu walena tau takag mage madautani mono hiwe tabaranai Mori." ³¹ Hamulla watti kaha hudabena kalungana mono pare ka halege beyo walla.Nyiwe kadudana hataddo rada paha mauhadi. ³² Tanyiduwe,pare mono watti aika dikiho rahina,bana tummu hataddo radela wale hamauhakmadi. ³³ Musa na ijakani Firaun mono kako ta bali harona. Nyi nakeke tayi limana mono sembayangna tabarai Mori.Nyiwe kagurka mono urra es na nagahu,loho dumo urra wale naburrukma ta tana. ³⁴ Kolei Firaun etayi nada urra,urra es,mono kagurka bana naghu be,nyi narayi walna jala.Nyi mono ole ulana daha katulidi ateda. ³⁵ Firaun walena pahai madi ata Israel kako,hada inna nadadiwe dokuge hatak benai Mori ledeni Musa.