¹ Bewalge,Mori linage tabarai Musa, "kakoi tabarai Firaun mono limdage tabarana, 'Pahai gadi anaGu kako dajalage yida kana dadiwe hanukkuwa nauwa! ² Nyi mi aim aukami pahaigadi ana suhuGu kako,Nauwa enga pnu guge tana Mesir kapake. ³ Lai we Nil enga banunani kapake,Kapake rada enga amamidi wali ta lai we mono tama ta umami.Nyiwe enga dadi takoro dau durami mono tahadau durami.Kapake rada dumu da tama dadi umada ata ole ulamu mono tulra dau tunuda kababa mono kadehi weha enumu. ⁴ Tangada kapake rada enga paneda ta ngihimu,ta ana paha rehamu,mono tabara ataole ullamu."' ⁵ Babe innage,I Mori linage tabarai Musa,"Tak nagei Harun, 'Hajolani takkomu ta panu tiba,lai we,mono hoba.Nyiwe,kapake inna hudayi ta tana Mrsir."' ⁶ Nyiwei,Harun naha jolani liamana ta tangage weyo ta Mesir,mono kapake huna wali ta weyo mono banuge tana Mesir. ⁷ Ta nyiduwe tangada ata Hamorro dawaige angtada yida loho rayige hada kaha mera dajalage kiki buta nadi kapake ka ammina ta tana Mesir! ⁸ Firaun na kamaikadi Musa monoi Harun,linage, "Pahadege tabarai Mori kana hamaraudi rada kapake ta nauwa mono wali ta ana kaha rehagu.Nauwa ug pahaidi ata rada kada kako tutu yiyo maraka tabarai Mori." ⁹ Musa linage tabarai Firaun, "Nuwa enga pahade guge tutumu,ana paha rehamu,mono ole ullamu.Nyiwe,kapake rada da yelagu mono tangadi umamu.Yida duka dahege bad engana ta lai weyo.Ba pirage bamu au kapake rada enga yelada ?" ¹⁰ Firaun na balehawe "koka."Musa balehawe,"Na dadikawe tangage dokuge hakabu temu.Waige katauda dana,yau enga tada muge ai dayo allah katujana Mori,Allahma nami. ¹¹ Kapake radaenga yelada wali tabaramu,wali ta umamu,wali ta ole ullamu,mono wali ta ana paharehamu. Yida da engana ta laiwe Nil." ¹² Loho,Musa monoi Harun ijakani Firaun.Musa na pahadege tabarai Mori tutuda kapake paha ngidiNa tutu hokuni Firaun. ¹³ Mono,Mori narayige pa rainai Musa.Kapake rada mate lari tauma,ta aro uma,mono ta oma. ¹⁴ Yida da kahayi kapake mono tangage taha dau neda na bau hitawe. ¹⁵ Tanyiduwe,kolei Firaun ban etawe bad hoilabe wali ta kapake rada,nyi nakawatowe atena mono wale na aukma rayige dokuge haraidai Musa monoi Harun. Hada inna dadiwe dokuge hataknai Mori. KARAGTA ¹⁶ Bewalge,Mori linage tabarai Musa,"Taknagei Harun,'Keketai takkom mono paluyi ta tana. Nyiwe tangage kabka kadana ta Mesir enga nahajeluge dadi karagta." ¹⁷ Yida dadokuge pareha inna.Harun nakeketayi takkona mono napaluyi ta tana,yuiwe tangage kabka ta Mesir naha jeluge dadi karagta.Karagta rada nakadakeyi ta ranga mono ata. ¹⁸ Tabolo,ata hamorro dawaige kulhada yida mono dakaruhuwe rayige katujana.Ta nyiduwe,yida wale ddaikmawe rayina karagta wali ta kabka.Tangada karagta nakadakeyi ta ranga mono ata. ¹⁹ Nyiwe, tangada ata hamorro lidage tabarai Firaun,"Bikta parehai Allah we karatige inna." Ta nyiduwe,Firaun na katuge atena mono walena rangekmai yida.Hada inna nadadiwe dokuge hataknai Mori. KALAKHA ²⁰ Mori linage tabarai Musa, "Kade koko kam hataboka dangani Firaun nyi bana kako ta laiwe.Taknage tabrana,'Taudage hatakknai Mori : Pahai gadi ana huhugu kako mono kawojoga nauwa! ²¹ Nyi yau aim pahai kadi anaGu kako,Nauwa enga hangidi gudi kalakha tabaramu.Rada kalkha enga kadakedi tabaramu mono ta tangada ole ullamu.Umma ata Mesir mon tana yida hadekeda na banuge kalakha! ²² Ta nyiduwe,Nauwa walegu rayik madage ata Israel katujana ta ata Mesir.Wale lakma kalakha ta tana Gosyen,bagidi ana huhuGu hadauda.Waige bataudage,yau enga tada muge inna Nauwa,Moriwa,kadana tahadu inne. ²³ Tadka inna la enga dadige koka mono Nauwa enga pahali hikke gudi ana huhuGu wali ta ana paharehamu."' ²⁴ Nyiwe,Mori narayige hatakbeNa.Jutai butadi kalakha tama ta umanai Firaun mono ta uma ole ullana.Tangadi kalakha rada banuge tana Mesir mono nakaraktage hadau inna. ²⁵ Nyiwe, Firaun na maikani Musa mono Harun mono linage tabrada yida,"Yimi marakage tabarana Allahmi ta taha dau inne." ²⁶ Taboloi Musa linage,'walena tubak mawe rayige hada inna.Oro, rada ata Mesir da hangada dage maraka nami hayima tubai Mori,Allah ma nami,hada ka otorawe.Nyi nami bama rayi kage inne,ata Mesir enga eta dagama nami mono enga tuk dagama nami watu. ²⁷ Yamma gama nami kama kako katauda ladona kako marauge ta marada gilra mono ba yito maraka tabrai Mori,Allah ma nami,dokuge harehaNa tabrama nami." ²⁸ Firaun linage,"Nauwa ug pahaigimi kako mono kam yiyo maraka tabarai Mori,Allahmi ta marada gilra.Tanyidue,ilam alpu kako dika rau kami. Batauge,kakom mono sembayang kiga duggu." ²⁹ Musa linage,"Nauwa enga kakogu wali ta aromu mono sembayangna tabaranai Mori dajalage Nyi kana wugayi kalakha rada tabaramu,wali ta ana paha rehamu,mono wali ta ole ullamu koka.Ta nyiduwe,yau ilam paleke wik dau dal kawe hanewemu waige aim pahai di ata Israel bada yiyo maraka tabarai Mori." ³⁰ Loho,Musa na ijakani Firaun mono na sembayangna tabarai Mori. ³¹ Mono,Mori na baleha nage agawe harainai Musa,Nyi na wugayi kalakha wali tai Firaun,wali ta ole ullana,mono wali ta ana paha rehana.Wale hillu lakma kalakha ka engana. ³² Ta nyiduwe,hadaka inna dumo Firaun naka tuge aten mono walena pahai madi ata israel kako.