¹ Mori linage tai Musa, "Etawe,Nauwag halija bewu tujai Allah tubanai Firaun.Tanyiduwei Harun angu wumu,natujadayi wu Nabi kaha newe tubamu. ² Taknage tabaranai Harun tangadi Paha rehaGu. Nyiwe,nyi enga linage tabranai Firaun kana pahaidi ata Israel huna wali taha dauna. ³ Tanyidawe,Nauwa enga rayi guni Firaun katuka katakku dajalage Nauwa dadiwe rayi habutage tadka mono tada ta tana Mesir. ⁴ Tabolo,Firaun enga walena rangek mami.Nyiwe,Nauwa enga hokudi ata Mesir kahada bikta mono ngidiyi anaGu,haluguna ata Israel,huna wali ta tana inna. ⁵ Nauwa enga hoku gudi ata Mesir mono yida enga tada daga inna Nauwa nai Mori.Loho,Nauwa enga kodo gudi anaGu huna wali taha dawuda yida." ⁶ Musa monoi Harun dokuge tauna hataknai Mori tabarada yida. ⁷ Musa poddo pata kabulu dauna innana mono Harun poddo pata kabulu tauda dauna. TAKKONAI MUSA NAHA BALINA NIPPE ⁸ Mori linage tabarai Musa monnoi Harun, ⁹ "Nyi Firaun balinaka tabarami,hatingona wuyo tadka,' nyiwe takkiwe tabarai Harun,'Tubani takkomu ta tana ta aronai Firaun mono taskkom nada enga naha jeluna Nippe." ¹⁰ Musa monoi Harun kako aroni Firaun mono rayige agawe morim harehanagimi tabarada yida.Harun natubani takkona ta aronai Firaun mono tangada ole ulana,nyiwe takko nada naha balina nippe. ¹¹ Nyiwe,Firaun nakamaikadi tangada ka angta ha morro mono ata maniwola paha ngada kadana tabarana.Yida dawaidi angta japata tutu rayidi hada katujana harayinai Harun. ¹² Yida diha-diha da tubadi takkoda ta tana mono takkoda yida nabalidi nippe.Tabolo,takkonai Harun na yadi tangadi takkoda yida. ¹³ Loko batauda duge,Firaun enga jala hoge katuwe atena mono aina au rangeyi Musa monoi Harun,katauna hatak benai Mori. WEYO NAHA BALIGE RAYO ¹⁴ Bewalge,Mori linage tabrai Musa, "Fitaun enga hona katakku watu.Nyi engage aina au pahaidi ata Israel kako. ¹⁵ Kokak ge,Firaun na kako ta lai weyo Nil.Na ded ta hup laiweyo nada na tabokawe nyi neda bali.Ngidiyi nada takko kaha jeluna dadi nippe nada. ¹⁶ Tak nage tabarana:Mori,Allah ata Ibrani,naha lewwa nauwa tabaramu waige hanauwu:Pahaigadi ana huhuGu kako dajalage yida dadiwe kawojoGa Nauwa ta marada gilra.Ta nyiduwe,kaha bataugeyau walem au mawu rangeyi Mori. ¹⁷ Oro bataudage innage,Mori na takkiwe nyi enga rayi nage wu hada kaha tingo guge tabaramu ba Nyi Mori.Nauwa ug paluwe weyo ta laiwe Nil waige takko taliamagu nade,mono lai we nada enga pajeluge rayo wena. ¹⁸ Kaboko ta lai we Nil enga matedi mono we nabauwe hitawe.Nyiwe,ata Mesir wale nadadik mawe enuge we wali ta laiwe nada."' ¹⁹ Mori linage tai Musa,"Tak nagei Harun,'Keketayi takkomu mono ha jolani ta panu weyo tangage Mesir,ta panu tangadi lai we,tiba,hoba,mono tangadi hadu maubladi we dajalage tangadi rada enga hajeludi dadi rayo.Nyiwe,enga dayo ra ta tangage Mesir,loho dumo we lari ta ember yayu mono kadehi watu dumo enga hajeludi dadi rayo."' ²⁰ Musa monoi Harun rayige tujawe harehanai Mori.Harun nakeketayi takko nada mono napaluyi ta laiwe Nil.Nyi narayige ta aronai Firaun mono ta tangada ka ulla dangani.Nyiwe,tangadi we ta lawai we naha jeludi dadi rayo. ²¹ Kaboko ta laiwe nada mateyi monp wege nabau hitawe dajalage ata Mesir wale nadadik mawe enuge we wali ta lai we inna.Rayo dage gigi ta tangage Mesir. ²² Tanyiduwe,tangada katagguge hamorro Mesir da waige kulhada yida tutu rayige katauda jalana hada.Nyiwe Firaun engage aina au rangeyi Musa monoi Harun.Hada inna naddawe dokuge hataknai Mori ²³ Firaun nahag mono kako ta umana.nyi loho dumo naha jola jalage agawe harayi benai Musa monoi Harun. ²⁴ Ata Mesir walena dadik mawe enu weyowali ta lai we Nil daja lage yida da koja weyo ta hupu lai weyo tutu kakolena weyo enu. KAPAKE ²⁵ Pitu ladoge jongage bana bewe Mori hajeluge lai we Nil.