¹ Mori linage tabarai Musa, "kakowu tabarai Firaun.Nauwag pahada beyi nyi mono ole ulana katu katakku. Nauwag rayige dajalage Nauwa patingodi papahadaGu kabanu na kawaha tbarad yida. ² Nauwa dumo ug rayige dajlage mi kam nara newege ta ana huhumu tutu parayigu mono hada pahangatara danga harayi beGu ta Mesir.Waige batau dage,mi tangami enga tada mige ba NauwagNa Morim." ³ Musa monoi Harun dumo kako tabokayi Firaun. Yida lidage tanrana, "Mori,Allah ata Ibrani linage, 'Pira tau hoge mojage yau aim au dokuga Nauwa? Pahai gadi ana huhuGu lkako kawojoga Nauwa! ⁴ Nyi yau engage aim au pahoila gadi ana huhuGu,koka Nauwa enga haburuGu di kabala taha hadaum. ⁵ Kabala rada enga toni daguge hadaumu loho wale lahing mana wu ak ata ka etwe tana.Yida enga yadadi kadahona oro urra es mono enga dayadi tangadi hatadomu ta oma. ⁶ Kabala enga bauge ummamu mono umma oe ullamu, mono tangada umma ata Mesir.Inne wuwela ai hakal etada weda wai kamu wali wunga dadi da kaha lado nehe."' ⁷ Tangada ole ulana lidage tabrai Firaun,"Pira hoge mojalge yitta bada leroda yodda rade? Pahaidi yida kako kawojoni Mori, Allahda yidda.Appa yau madammuk mage inna Mesir batamrage hamuk kage?" ⁸ Yiwe,Musa monoi Harun ngidi hagai tabarai Firaun.Firaun linage tabrada yida, " Kakom mono kangotena tabarana Mori,Allamu.Ta nyiduwe,tak gage tabaragu,iiya duyi ka kako?" ⁹ Balehawei Musa, "Tangada ata ana huhuma nami,ata katuna mono bau mane da kako daho.Nami ma ngidiyi anama nami,kabani mono lawai,tangadi rangama nami.Oro, nami nami tangama ma hanuku dahowe raya rame tubai Mori." ¹⁰ Firaun linage tabrada yida,Na daha dahowe Mori tau takkage olegimi nauwa aig pahi hogimi mono anami ijakage Mesir.Hamatara gege,miyo um kabu atege wu kajapata. ¹¹ Illa tadage! dukka kabanihe kadadi kako kawojoni Mori oro bataudage mi mamu kariwe puge." Bege,Firaun naha lewayi Musa monoi Harun kako. ¹² Mori linage tai Musa,"Ha jolani takkom ta panu Mesir mono kabala ka amidi! Yida na matalara ta tangage tana Mesir mono da yadi tangadi katummu aika dukana oro urra es." ¹³ Musa dumo na keketayi takkona ta panu tana Mesir, monoi Mori naha uppuyi rereha ai kaanana wali ta lado koka.Rereha nada na rerehana tara lalado mono gaddi.Dama hege tana,rereha nada na kododi katau kalna buta kabala ta tana Mesir. ¹⁴ Kabala na wurrudi ta tangage Mesir mono na dajalayi ta tana.Wale kal dakma kabala kataukalna butana ta Mesir wali ul hoge.Mono,wali hil kal dakma lage kabuta la bana kole hadukadi. ¹⁵ Kabala rada da toniwe panu tana dajalage tangage hadu inna na dadi kapagtage.Yida da yadi tangadi katummu mono wu di karehai wali ta urra es.Lakma roak ka engana ta pu yayu waleka ta tangadi katummu ta tangage Mesir. ¹⁶ Firaun nageha maikadi Musa monoi harun.Firaun linage,"Nauwag jalawa tabarai Mori,Allahmu,mono tabaram miyo. ¹⁷ Hawali ki gadi jalagu hadakka akina inna.Sembayang kinai tai Mori kana hamaraugage hamate danga'inne wali ta nauwa." ¹⁸ Musa na ijakani Firaun mono na sembayang na tai Mori. ¹⁹ Mono,Mori naha dukeni rereha kahada kulha wali ta lado mali mono na upuyi kabala rada huna wali ta Mesir,ta banu malli.Wale wu hing mana kabala ka engana ta Mesir! ²⁰ Ta nyiduwe,i mori narayini Firaun katuka takku wali daja lage nyi walena pahai madi ata Israel kako KAPAGATANA ²¹ Bewalge,Mori linage tai Musa, "Pajolani limamu ta langta mono kapagta na kalubuge Mesir. Kapagta kikka ka hada pagtana loho ata na dadiwe hapada wikda!" ²² Musa dumo naha joladi limana ta langta mono karabba kapagtana naka kalubuge Mesir.Kapgta na na hingiwe Mesir ka tauda ladona. ²³ Yida wale nadadik mawe bada etayi ole atada mono wale wuhing mana ka kade wali taha dauda katauda ladona.Ta nyiduwe,dage magakaha ta tangage hadauda ata Israel. ²⁴ Firaun na maikani Musa wali mono linage, "Kako mono kawojoni Morimi! Tangada anami kako jala ole gimi.Ta nyiduwe tanadi rangami taha dau inne." ²⁵ Musa linage, "Walekma,nami enga ngidi madi tangadi.Loho dumo,miyo um yidahogama nami maraka mono manuta ha waima bama kawojoni Mori,Allah nami. ²⁶ Ngo,nami enga ngidi ha ole madi rangama nami bama kawojoni Mori,Allahma nami.langka wuka walema tanak madi.Nami walema tadak mawe agana hakabu atema bama kawojoni Morima nimila.Nami ma tadawe nami bama dikikna taha dau pa aroma." ²⁷ Ta nyiduwe,Mori napahadayi Firaun katu katakku wali dajalage nyi wale na pahai madi yida kako. ²⁸ Firaun linage tabarai Musa, " Kakowom wali ta inne. Nauwa waleg auma ma bamu mai haga limi ta hadu inne.Hadaka pi,nyi bamu mai kami nimi,mi enga matem!" ²⁹ Lodoge Musa linage tai Firaun,"Tenawe hatakkimu,nauwa waleg hilu maimawa eta waliwu lage,"