¹ Bewalge,Mori linage tai Musa,"Wu jala howe li hoku pa bairaka guni Firaun mono Mesir. Be inna lage,Firaun enga pahai na gimi tanage Mesir.Loho dumo,nyi enga karuhu nagimi kako wali taha dau inne. ² Tak nage li hanau inne tabara ata Israel, 'Ta kabani mon lawai,karaimi ta ole bara ummami amaha kaka mono amaha rara. ³ Mori narayi dage ata Mesir maleja ate tabarami.Ata Mesir,lohho ole ullai Firaun,daha ngadani Musa ata paha akayi,"' ⁴ Musa linage tabrai Firaun, "Mori linage,'dikigetil gakdi,Nauwa enga ug kakowa palaka ta Mesir ⁵ mono tangada ana bodi ta Mesir enga mateda,wali ta ana bodi Firaun,ka kawaha ta Mesir,kaha ta ana bodi lawai kaha nukkuyi ka bai pare Lohho,ana bodi ranga dumoda enga enga matedi. ⁶ Enga dage hoyo ai kaanana ta Mesir; hoyo ai kakal dadi ho mono ai kahilda walna nimi ka amina. ⁷ Tabolo,wale lakma wuak wali ata ata Israel loho dumo rangada yida kapota loho wale lawikma wuak bagga kawowora tabarada yida; Waige bataudage,mi enga tada mige nai Mori napa hada bedage ata Israel pali hikkedi wali ta ata Mesir. ⁸ Tangada ole ulamu enga ammidi mono kawojo ta baragu. Yida enga lidage,'Kakom mono ngidiyi tangadi atamu kada olegu; Bawe inna nauwa enga kakogu." Bewalge,waige bani,Musa na ijaka kani Firaun. ⁹ Nyiwe,Mori linage tabrai Musa,"Kapege ahha Firaun walna au rangewu kapiku nauwa hatingoge kawahaGu kamadaka ta Mesir." ¹⁰ Nyidawe oroge,Musa monoi Harun rayige tangadi tadka kama daka rada ta aronai Firaun.Mono oro batauda dage inna,Mori naha ytunage atenai Firaun dajalage nyi aina pahaidi ata Israel atanaga hadauna.