¹ "Bewalge,taknage tabaranai Harun,angu wumu,mono anana: Nadab,Abihu,Eleazer,monoi Itamar,kaiku maida tabaramu wali ta jonga ata Israel.Yida daha nuku dahowa Nauwa katujai Rato. ² Rayidi kalabe tenguna tubanai Harun,angu wumu,kawuwe tadka manadana mono kamangu hina. ³ Miyom um takdahodage tabarada yida ata angta,ha panu beGu Waddi angta,dajalge yida kada rayidi kalabe rada tutui Harun.Kalabe rada palihikkeni Harun dajalage nyi kana dadiwe hanukkuwa Nauwa katujana Rato. ⁴ Rade yida dahoyi kalabe harayida:Toniyi kurda,efod,kalabe madaka,kalabe kaka hama nannu,serban,mono katti bagge. Yida darayida hona kalabe lihikke tubanai Harun,angu wumu,mono tuba anana dajalage yida dadiwe hanukkuwa nauWa kataujana Rato. ⁵ Yida dawai dahona lelu kaba amaha rara,kaba taluja,mono lelu kaba kamoroka,malli melo,mono malli bada rayidi kalbe rada." EFOD MONO KATTI BAGGE ⁶ "Tangada karayina kalabe efod rada da waida hona lelu kaba amaha rara,lelu kaba moroka,malli melo,mono malli,loho kaba talujana ha ulana wu ata angta. ⁷ Kadudana kalabe efod rada harayi dahoyi wuyo hatoni wai bale.Kadudana hatoni wai rada hawu dahodi kattidi ta bale efod. ⁸ Kalari katti bagge ka dake ta efod rada parayi dahoyi wali kaha mera wali ta kalabe efod,haluguna wali ta lelu kaba amaha rara,lelu kaba kamoroka,malli melo,mono malli,loho wali ta kaba malujana. ⁹ Ngala patti watu malilaka mono tolhayi kabulu dudana ngara ana Israel ta panuna. ¹⁰ Tolhayi anni ngara ta wu watu malilaka mono anni ngara kamurri ta watu malilaka wuwalli.Tolhayi tangadi ngarada pajurru-jurrudi,wali kahada katuna kahha khada bodi. ¹¹ Katauna wu ata angta watu malilaka bana hadoyiyi wu watu malilaka,tauda dahoge mi bamu hadoyiyi kabulu duda ngara Israel.Obarayi watu malilaka nada wai amaha rara. ¹² Ijlayi kadudana watu malilaka rada ta toni bale efod,kawuyi watu tadka tubada anada Israel.Harun na ngidi dahoyi ka bulu duda ngara rada ta balena ta aronai Mori ka nam waige. ¹³ Rayinala hadau wali ta amaha rara tiyo. ¹⁴ mono duda lolo amaha rara papa hada tujayi kalarri,kattige lolo amaha inna tahadauge." TONI KURRU ¹⁵ "Rayinala toni kurru ka yige rakage,haullana wu ata angta.Toni kurru inna harayi dahowe wali ta kalabe efod,haluguna wali ta lelu kaba amaha rara,lelu kaba moroka,mono malli,loho kaba malujana. ¹⁶ Toni kurru inna ha lapta duda dahowe kana dadi aina merawe malauge mono lurage,loho malauge mono lura paga hewe. ¹⁷ Tauyi pata lulra watu malilaka ta toni kurru rada.Lurra kadiha kana wali dahodi ta watu delima malli,ratna cempaka,mono watu malilaka Zamrud. ¹⁸ Lulra kadudana na dedeyi wali ta watu malilaka pirus,watu safir,mono watu intan. ¹⁹ Lulra kataudana nadadidi dahoyi wali ta watu ambar,akik,mono kacubung. ²⁰ lulra kapatana dadi dahoyi wali ta watu beril,Krisopras,mono yasper.Tepeladi tangadi ta Ornamen amaha rara kana kattidi. ²¹ Kabulu duda daho watu malilaka inna ta toni kurru,dokudi butada ana Israel.Katujana tada,diha-diha watu paha doyi dahoyi waige nahiyi ngarada kabulu dudana kabihu ata Israel rada. ²² Rayinala lolo amaha rara katiyo tutu toni kurru.Lolo amaha inna na taluja dahoge tujai kalarri. ²³ Rayinala duda kale amaha rara mono tauyi ta layi toni kurru inna. ²⁴ Hatamadi kadudana lolo amaha lari ata kale ta kabihu toni kurru. ²⁵ Kadudana layidi kalarri inna um katti dahodi ta duda hadaudi dajalage toni kurru inna dadiwe haduwu waige ta toni bale kalabe efod. ²⁶ Rayidi kadudana kale amaha rara mono tauyi ta kadudana kabihu bawana toni kurru. ²⁷ Rayina duda kale amaha rara mono tauyi inna ta toni bale efod,haluguna ta kabu bawana tutu ta aro,dahekawe paha duwu pakatti tabara dete katti kalabe efod. ²⁸ waida hoge lelu kaba malli melo kana makattiwe toni kurru mono kale ta kalabe efod,dajalage toni kurru inna ilna mahaherawe mono kaengage ba dage ta panu katti bagge kalabe efod. ²⁹ Nadai Harun bana tamage koro katenguna,nyi nawai dahona toni kurru yi rakage inne.Waige kataudana,nyi na ngidi dahoyi kabulu dudana ana Israel ta atena.Monoi Mori enga dahopge bana apeyi yida. ³⁰ Rayina Urim mono Tumim lari ta toni kurru.Ijalayi rada tatutu puhhu nai Harun inna nyi bana kakoka ta aroi Mori.Waige kataudana,Harun enga hangata dahoge ngidiwe rakage ta ata Israel ta atena ta aronai Mori." KALABE WADEKAI TUBADA RATO ³¹ "Rayinala kalabe madaka tangage kalabe efod wali tangadi wali ta kaba malli melo. ³² Rayinala kabonga ta koko kalabe madaka,mono kattiyila huppudi dajalage kabonga inna ilana geha majirra kawe. ³³ Wainala lelu kaba moroka,nalli melo,mono malli kapiki rayimi hadaha dangage katujayi delima.Dairodila wuyo delima rada kiloradi hupu bawana kalbe madaka malli melo,mono dairodi gepe amaha rara ta jonga watu delima rada. ³⁴ Tangage hupu bawana kalabe madaka inna dadaho gepe mono wu delima ha yonga-nyogadi,wu gepe wu wuyo delima. ³⁵ Harun nataudaho kalabe madaka inna nyi bana hanukukaWa ba wuyi rato.Gepe rada enga punyidi kole bana kakoi Harun bana tama huna ta Koro tenguna ta aronai Mori.Waige bataudage,Harun walena matekma. ³⁶ Rayinala wu kabilara wali ta amaha rara tiyo.Katujana ba hadoyi cap,hadoyi ta kabilara inna waige hatolha:'Tenguna tubanai Mori'. ³⁷ Katge amaha rara kabilara inna waige kalarri kamalli melo.Bewalge,kattinila tabbo nada ta aro serban. ³⁸ Harun na waidahoge serban inna ta katakkuna.Waige bataudage,nyi na tagu dahoge kajala wali ta ngawu katenguna pa hali hikke tuba ata Israel ba wuyi maraka dajalagei Mori na hibayi maraka da yida. ³⁹ Waikinala kaba talujana bamu rayina kalabe kaka,mono katti bagge paha doyi wai ba hubbi ⁴⁰ Rayi dumo kinala kalabe,katti bagge,mono serban tubana anai Harun.Inna yida howe bamu pahadawe paakana mono hiyi tabarada yida. ⁴¹ Tauyi tangadi kalabe rada tai Harun,angu wumu,mono ta anana.Lewukiyi yida mono kana didarawe ba ratoyi.Inna nyiwe kaha tenguyi yida dajalage yida dadiwe hanukkuWa ba wuyi rato. ⁴² Miyo um rayi dahona kalabe lari wali hagaito linen tubada yida,malauna wali ta bagge kahha ta kahenga,katoniyi hadadi ata waida yida. ⁴³ Harun mono anana da waidahodi kalabe rade nahiwe bada tamage Kareka Hataboka.Yida dawai dahodi yida bada dahekayi hadau Maraka tutu hanukku ba wuyi rato ta koro Katenguna,dajalage yida ilda hadukkena kajala ta tau wikida yida mono mate.Tangadi rade dadi ukku dahoyi kaha ana Murri tubanai Harun mono ana huhuna."