¹ "Batauge,inna nyi dahowe harayimi kada didara dida ba wuyi rato tubaGu: Ngalami wu hapi mane mono duda bebbe mane aika mangu billu ballana. ² Loho,ngalami kamabbu kadahaki mono rayi pahakilami aika mahna kam padahhami kababa,kababa paha daha wai we lengha,mono hosti ha obara wai we lengha. ³ Hatamadila kababa mono kababa rada lari ta kawukata.Bege,yiyi kawukata nada tabarai Harun mono anana,gaudi hapi mane mono kadudana bebbe mane. ⁴ Ngidiyila Harun mono anana ta bina tama kareka hadau hataboka,lohho hamurraha waidi weyo yida. ⁵ Waidi tangadi kalabe harayi ullu bemi tabarai Harun,haluguna kalabe madaka kakaka,kalabe madaka malli melo,kalabe efod,mono toni kurru.Bewalge katti gela katti bagge efod tabrana. ⁶ Tau kinage sderbanla ta katakkuna mono pahadoyi katenguna ka kilorage serban inna. ⁷ Ngala we we lengha lewu mono mikiwela ta kataknai Harun kana malewu. ⁸ Karayiyila anai Harun daheka mono kamu taudadi kalabe kaka hama nannu tabarada yida. ⁹ Kat kidagela kat bagge tabarada yida,mono kam yidi kalabe serban ta katakkuda yida.Waige bataudage,yida enga narro dage ba ratoyi dokuge nukku ka enga dadi kaha murrige.Tauda dage dimila bamu hadidarai Harun mono anana ba wuyi rato. ¹⁰ Ngidila hapi mane ta aro kareka hadau patobaka.Harun mono anana da ijala dahoyi limada yida tapanu katakku hapi nada. ¹¹ Bege,ropoyi hapi nada ta aronai Mori ta binna tama Kareka Hataboka. ¹² Ngalam wadeka rana hapi nada.Lodoge,waidi karaku limamu,orage raa inna ta kadu hadau Maraka.Biwe rana inna karehi ta hakappe wai hadau maraka. ¹³ Loho,ngalayi tangadi haba nguhi larina hapi nada,haba ta atena,haba wali ta lawuna,lohho tangadi habana.Tunnu kahhayi tangadi habana rada ta hadau Tunu maraka. ¹⁴ Tabollo,kahila hapi,kalitana,mono taina tunu kahayi tangadi tabali haddu kareka.Yidai rada maraka pa ho[i wai jala. ¹⁵ Bewalge,ngalai wuyo bebbe mane mono karaiyi Harun mono anana kada ijalayi limada yida ta katakku bebbe nada. ¹⁶ Ropoyi bebbe man nada mono ngalawe rana.Biwe rana inna ta pannu hadau maraka kapatana kabihuna. ¹⁷ Loho,lakka tayi bebbe mane nada kana dadi pirra pabbaka.Baha kahawe tabara lari mono leduna.Ijalayi tangadi rada ha oledi katakna mono tangadi kadipkana wadeka rada. ¹⁸ Tunnuyi tangadi tapannu hadau maraka.Yikna maraka hatunnu tubai Mori loho bauna habaige ateNa. ¹⁹ Ngalayi bebbe mane wu walli,lodoge tak nagei Harun mono anana kada ijalayi limada yida ta katakku bebbe nada. ²⁰ Ropoi bebbe mane nada mono ngalawe wadeka rana.Orage rana inna taka tillu kawananai Harun mono anana.Dummo,orage rayo inna ta bai lima kawanana mono bai ledu kawanada yida.Lodoge,biwela karehi rayo inna ta pata labihuna hadau maraka. ²¹ Ngalawe wadeka rana kadana ta pannu hadau maraka.Hakahha waige we lengha lewu mono paiharage inna tai Harun mono anana lohho ta kalabeda yidda.Waige bataudage,Harun mono anana lohho kalabbeda yida na tengudi. ²² Mi dumo um ngala dahowe habana bebbe mane nada,ba haba kiku kanage,ba haba ka kappewe ngihi tina,ba haba ta ate nage mono kadudana bau layana,tau dumoge haba kahenga kawanana.Yiknala bebbe ha wai ba hadidarayi Harun ba ratoyi. ²³ Bege,ngalayi wu kababa ka kabba,kababa paha dahha wai we lengha,mono hosti pa ora wai we lengha wali ta kawukata ka ngihina kababa kabba ka dana ta aronai Mori. ²⁴ Tauyi tangadi kababa rada ta ate limanai Harun mono anana. Tak dage tabarada yida kada marakayi maraka paha jola tubanai Mori. ²⁵ Bewalge,ngalayi tangadi kababa rada wali talimanai Harun mono anana mono ijalayi taha dau maraka. Tunnuyi tangadi ta pannu hadau maraka.Rade yida maraka hatunnu tubanai Mori bauna kayana nage ateNa. ²⁶ Ngala nage kurna bebbe mane hawai taha ulla paha didara Harun ba ratoyi.Yiyi maraka rada ba maraka paha jolayi ta aronai Mori.Rada lage yiddakna pa dau wumu. ²⁷ Um hatengu dahoyi kurru bebbe mane hawai ba hadidarayi Harun ba ratoyi,haluguna hadauna tubai Harun mono anana. ²⁸ Kada hakitage,ata Israel bada yidaho tangada ranga rada tabarai Harun mono anana dokge ukku pata.Inna ge na dadi maraka hatingo dahoyi dari ta ata Israel pa nagala wali Maraka mamoli yidda.Yidakna maraka paha jola tubai Allah. ²⁹ Kalabe tengunai Harun rada ha kita dahoyi ta anana.Yida da tau dahoyi yida baha didara beyi mono baha lijaka beyi ba ratoyi. ³⁰ Wu ananai Harun kajeluyi nyi ba ratoyi,hatau dahowe kalabe inna ka pittu ladona tamage kareka dau hatabokana tutu hanukkuwe Koro Tenguna. ³¹ Yabladi kahila bebbe mane ha wai ba didarai Harun ba ratoyi ta Koro Tenguna. ³² Harun mono anana da yadahodi kahila bebbe rada mono kababa ka dana takawukata ta binna tama Kareka hadau Hataboka. ³³ Tauda dage yida da yada dahodi tangadi maraka rada.Tangada maraka rada pa wai mahopiyi jala yida ta haulla padidara mono patenguda yida ba ratoyi.Ta yiduwe,mone yaho ilda yakadi oro maraka rada tengudi. ³⁴ Nyi badaka wali takahila mono kababa rada karehi kahha kokoka,tunnu kahayi.Ilam yakadi oro hayayo rada tengudi. ³⁵ Yida dahoyi harayimi tabarai Harun mono anana,dokuge katauna Hareha gugu tabaramu.Ha ulla padaidarai yida ba ratoyi pitu lado dahoge. ³⁶ Nahiyi lado taha ulla inna,mi um ropo dahomi wu hapi mane ka marakama hopi jalayi.Mi um hatengu dahoyi hadau maraka kole mi bamu rayige hawalina tuba hadau maraka inna mono hadidarayi kana tengudi. Ka pitu ladona mi um rayi dahoge kaha muraha mono patenguge hadau maraka.Waige bataudage,hadau maraka inna kadadi langudi tengudi.Aga hingkayi kajojayi hadau maraka rada nadadi tengudi. ³⁸ Rade yida dahoyi parayimi ta panu hadau maraka rada:Duda bebbe kadihha dauna nahiyi lado. ³⁹ Nada wuyo um maraka wai dahoni ba kokokawe mono wu walli um maraka wai dahoni ba mamaliwe. ⁴⁰ olena nada wu bebbe,maraka jala hona bawe kabuluwe wali ka wuna tabbo kamabbu kahada dahha,hakahha waidi we lengha ha baiyi pada wattege gori ba maraka ha biwe. ⁴¹ Nada wuwalli bebbe,pamaraka wai mamali,mi um maraka wai dahoni waige hada kaha tujja ta bebbe ha maraka wai kokoka.Yidakna rada maraka hawai latti bau ka yanna nage atenai Mori. ⁴² Rade na dadi maraka hatunu dahoyi ka engana dihha dalara-dihha dalara ata,pa rayi ta binna tama Kareka hadau Hatabo kana ta aronai Mori.Nedala Nauwa enga gu tabokami mono hanewe danga gimi. ⁴³ Nauwa enga taboka gudi ata Israel tah hadu neda mono manadaGu naha tenguwe hadu neda. ⁴⁴ Nauwa enga hatenguge Kareka hadau Hataboka mono hadu maraka.Nauwa dumo enga hatengu gudi Harun mono anana dajalage yida kada hanukkuwa Nauwa ba ratoyi. ⁴⁵ Nauwa enga engaGu ta tillu ata Israel mono nadadi Allah daga yida. ⁴⁶ Yida enga tada dage i ba Nauwag nala Mori Allahda,Allahda yida,ka kodo bedi yida huna wali ta Mesir,dajalage Nauwa daidwe engana ta tilluda yida.Nauwagna Mori,Allahda yida."