¹ "Wai dahona yayu akasia bamu rayina wu hadau maraka.Hadu maraka nada ilam hamerani malau mono balerana.Maluna mono balerana 5 hasta dahona,tabolo madehtana tauda hasta dahona. ² Um rayidi kadudi nahiyi kabihu hadau maraka nada.Tauyi tangadi kaduna rada nahiyi hupu hadau maraka dajalage kadudi mono hadu maraka ka wuyi.Bewalge,tepelani hadau maraka nada waini maha taburraka. ³ Waidi amaha taburraka kapiku rayi midi tangadi ha ulla waimi mono tabbo hawaimi lari taha hadau maraka.Rayinala tabbo helara,sekop,koba weha enu,hodeka kahanga,mono kawali.Yida hawai wai ba hamurahani kabka hadau maraka. ⁴ Rayina hama yanami wali tata burraka kamahada tujana manabba tangana hadu maraka. Mono,rayina wuyo kale wali ta taburraka ta kapatana kabihuna hama yana nada. ⁵ Tauyi hamyana nada ta kabu hupu bawana hadu maraka nada daja lage hama yana nada madairo kahha waho kani madehtana hadau maraka nada . ⁶ Waina la yayu akasia kam rayini yayu dita hadau maraka,hadakde waini amaha taburraka. ⁷ Yayu dita rada hatama dahodi lar takale dajalage ka dadi ta kadudana huppu hadaua maraka.Waidila yayu dita rada kakeketa waini hadau maraka. ⁸ Rayinila hadau maraka katuja dayi wu patti aika mangu ngihina kahupuna kapabala.Rayini nadala tujawe hatingo begumi tabarami ta letena." NATARA KAKILORAGE KAREKA LANGNA ⁹ "Raynila natara Kareka Langna.Tabara bannu natara,um rayi dahona watte wali takaba malauna ngahu hasta.Watte inna um rayi dahoge wali ta kaba kama lujana. ¹⁰ Wainala duda kabulu hariyo ka dullayi mono duda kabulu kappe hariyo harayi wali ta taburraka.Hagaito tut hariyo dulla rada mono kale kaba watte rada rayi dahodi wali ta amaha kaka. ¹¹ Tauda jala nage mi um rayi dahoge tabara utara natara kareka ka langna. ¹² lurage hupuge tabra lado mali natara inna dadaho watte eali ta kaba malauna lima kabulu hasta,mono kabulu daho hari katukkayi mom no kabulu kappe hariyo katukkayi. Kaba mawatte tabara lado koka wali tanatara inna lurage lima kabulu hasta jalaho. ¹⁴ Ta lara tama ta natara,ta hupuna dadaho kaba watte ka bulu lima hastana.tallu gayi daho hariyo tukka mono tauda kappedi. ¹⁵ Ta hupu wadekana wali talara tama dumo dadaho kaba watte ka bulu lima hastana malauna.Tallu gayi fdaho hari tukka mono taudaho kappaedi. ¹⁶ Rayina kaba watte duda kabulu hasta malauna kana toniyi lara tama ta natara.Kaba watte inna haqkatti dahowe wali ta kaba malujjana mono lelu kaba moroka,malli melo,mono malli.Hadahha dahowr kaba watte inna waina pahubbi.Kaba watte inna da tukka dahoyi kapata gayina hari tukka mono pata kappe hariyo. ¹⁷ Tangadi hari tukka ka kilorage natara hadoyi dahoyi waidi amaha kaka.Hagaitodi hari tukka parayi dahoyi wal ta amaha kaka mono kappe hari wali ta amaha taburraka. ¹⁸ Natara inna ngahu hasta dahoge malauge mono lurage lima kabulu hastage.Kaba watte natara inna madehtage lima hasta dahoge.Kabba inna harayi dahowe wali ta kaba malujana.Kappe hari tukka harayi dahoyi wali ta amaha taburraka. ¹⁹ Tangadi harayi waiyi Kareka langna,gaudi pogo tutu kareka langna mono nataranarayi dahodi wali ta amaha taburraka." WEGE LATTI ²⁰ "Halewayi ata Israel kada ngidi tabarami we lengha Zaitun kahada dahha kadana tabarada,tutu harewowe latti we nahiwe mamali. ²¹ Latti we inna ijala hadaha dahoge neda lari koro ka wungana wali ta Kareka dau hataboka,haluguna tabali kaba watte takoro hadau ijala Patti jaji.Harun mono anana dama dam dahoge inna latti we ba engage rewo ta aronai Mori nahiyi lado,wali mamali kaha kokoka.Ata Israel mono ana huhuna da doku dahoge ukku pareha inna kaha ana mourri."