¹ "Mi um rayi dahona kareka langna wali kabulu watte.Watte rada harayi dahoyi wali ta kaba malujana,lelu kaba kamoroko,malli melo,mono malli.Wu ata kaullana ka angta daha ka hubiyi gambara kaduna kamangu kapana ta watte rada. Kabullu watte rada naha mera dahoyi ukrada,duka kabulu podo pata hasta malauda mono pata hasta lurada. ³ Haduwudi kalimana watte kadadi wuyi mono tauda jalage kalima watte karehi. ⁴ Kam rayina kabonga watu kalabe wali ta kaba moroka ta hupu watte kahada huna wali ta diha-diha kalibbo watte. ⁵ Mi um rayi dahona lima kabulu kabonga dau watu kalabe ta hupu watte wali diha-diha kalibo watte.Tangadi kabonga watu kalabe rada naha gaba hodi. ⁶ Loho,rayina la lima kabulu hagaito amaha rara kaha duwudi duda kalibo watte rada dajalage Kareka langna kawuhewe hadage. ⁷ Mi dumo um rayi dahona kabulu diha watte wali ta wulu kameme kawokota waige Kareka langna. ⁸ Kabulu dihana rada naha mera dahoyi ukradi,haluguna tallu kabulu hasta malaudi mono pata hasta luradi. ⁹ Haduwudila kalimana watte kana dadi wuyi mono ka annina na dadi tubadi wadeka.Tutu watte ka annina,mi um lapta dahodi kana dudayi ta tuba ta aro kareka inna. ¹⁰ Rayina la lima kabulu hadau watu kalabe ta hupu watte ka hada ta bali haduna wali ta diha-diha kalibo watte. ¹¹ Loho,rayina la lima kabulu hagaito amaha matti kah duwudi tangada watte rada.Yidakna lage kaha duwudi kareka inna kana dadi wuyi. ¹² Tutu tubage watte karehi wali ta kareka inna,haluguna kadibka watte kama dolora,nyama kage kana materiwe ta lirage Kareka langna. ¹³ Watte kareka inna enga rehige malauge diha hasta ta kadudana hupu kareka.Nyamma ge kana rehiwe wali ta watte inna kana madairowe neda bali kna toniwe kareka langna. ¹⁴ Rayidila duda toni tutu tubage ta bali haddu kareka .Wuyo tonige rayge wali kalita bebe mane ha ora kamalli.Tonige wadeka harayi we wali taka lita kanuha. ¹⁵ Wainala yayu akasia kam rayige karagage kadede didara kapiku dulla nage Kareka Langna. ¹⁶ Tangada karagadi malaudi kabulu hasta dahodi mono luradi wu rehi hasta. ¹⁷ Duda dappa dahoyi tangadi karagadi,kaha wudi karaga diha-diha.Tauda lage mi um rayi dahoge tangage karagage kareka langna. ¹⁸ Mi um rayi dahona duda kabulu karaga ta tabara bannu Kareka langna. ¹⁹ Mono,rayina la pata kabulu kabonga amaha kaka tabara dau bawa wali kaduda kabuluna karaga rada.duda kabongana tabara dau bawa tangadi karaga kapiku hatamadi duda dappana. ²⁰ Rayi dumona la duda kabulu karaga tutu kabihu utara Kareka langna. ²¹ Rayina la pata kabulu kabonga maha kaka tutu karaga inna duda kabonga nahiyi karaga. ²² Rayina la anni karaga wali tabara talira,haluguna kabihu lado mali Kareka langna. ²³ Rayina duda karaga tutu kabihu talira Kareka langna. ²⁴ Karaga ta kabihu haduwu dahodi tabara kadau bawa,kaha bana panne diki ta tawurru kadihana.Tauda dage mi bamu rayige waidi kadudana kabihu rada: kadudana napahada dahowe kabihuge. ²⁵ Tangadi podo pata karaga dahodi tabara lado mali Kareka;Nahiyi karaga dada hodi duda kabonga amaha kaka tabarra kadau bawa.Nyiwe kabulu anni kabonga amaha kaka. ²⁶ Wai nala yayu akasia kam rayina hanata kalla tubada karaga Kareka Langna.Lima daho hanata tuba gaba Kareka Langna. ²⁷ Da lima daho hanata tubada karaga ta gaba wadeka wali ta Kareka Langna.Tauda jalanage da lima dahho hanata karaga ta lira,haluguna ta lado mali Kareka Langna. ²⁸ Hanta ta tilluna karaga na japi daho wali ta puna kahha ta layina. ²⁹ Mi um kappe dahoyi karaga rada waidi amah rara mono rayi dahodi kaledi wali ta amaha rara jala kapiku pattu nadi yayu ka japi rada.Kappe dumoyi yayu ka japi rada waidi amaha rara. ³⁰ Hakaddewe Kareka Langna waige hada paha tingo gimi tabarami ta letena." TABARA LARI KAREKA LANGNA ³¹ "Mi um rayi dahona watte wali ta lelu kaba kamoroka,malli melo,mono kamalli mono wali ta kaba talujana.Wu ta hadoyi na hubi dahoyi hada kaduna wali ta watte inna. ³² Rayinala pata gayu hariyo wali ta yayu akasia mono kapewe waige amaha rara.Rayinala hagaito wali ta maha rara ta kapata gayuna hariyo rada.Rayinala pata kabonga amaha kaka takabudi hariyo rada.Loho,dairoge kaba watte inna takabu kale amaha rara.Loho,tauyila patyti jaji ta bali kaba watte.Nyiwe,kaba watte inna yiwe kaha wattege Koro Tenguna mono koro Hada teguna. ³⁴ Tauyi la toni mamoli ta pannu Patti jaji neda lari ta Koro Hadda Tenguna. ³⁵ Mi um ijalai Meja hali hikke harayimi tabali kaba watte.Meja nada neda dahoyi tabara tibina Kareka Langna.Bewalge,tauyi latti weyo ta taibi walna wu,kana aroni Meja." BINNA KAREKA LANGNA ³⁶ "Bewalge,rayi walge wu kaba watte katoniyi lara tama ta Kareka Langna.Wainala lelu kaba moroka,malli melo,mono malli waige kaba talujana bamu rayina kaba watte inna.Hagora kiwe kaba watte innala waige kama hubi. ³⁷ Mono,mi um rayi hona lima gayu hariyowali ta yayu akasia paha obara wai amaha rara tangage kaba watte inna.m rayinala hagaito wali ta amaha rara tangada kaba watte inna mono lima kabonga wali ta taburraka tangada kalimana hariyo."