¹ Mori linage tabarai Musa, ² "Tak dage tabarada ata Israel kada ngidi maraka tabaraGu.Hibaige maraka tubaGu wali tabarada ka malewara atena bana yiyo. ³ Rade yidai nataradi maraka pahibada homi wali ta ana huhu :Amaha rara,amaha kaka,mono taburraka; ⁴ kaba hadaura wai kamoroka,mal melo,malli,mono kaba malujana;wullu kameme, ⁵ kalita bebbe mane ka malli,mono kalita kanuha,yayu akasia; ⁶ we latti,we kabau mumra tutu we ha obara wai,mono ka bau mumra tutu kemenyan kabau burata. ⁷ Dumo,hibayila watu malilaka mono watu malilaka wadeka kapiku hamadiyi ta kalabe efod mono toni kurru. KAREKA LANGNA ⁸ "Halewayi ata rada kada wu hadau katenguna tubaGu,dajalage nauwa kagu engana ta jongada yida. ⁹ Miyo um hakade dahomi hadu katenguna inna mono um tau dahoyi haulla waimi dokuge tangage paakkaGu hatak begimi tabarami." PATTI PAJAJI ¹⁰ "Wina yayu akasia mono kam rayina patti kali heka.Patti nada malauna duda rehi hastaho,lurana mono madehtana tangadi diha rehi hastaho. ¹¹ Um kappe waida honi lari mono ta bali haddu waini amaha rara katiyo.Rayini kappe rowi amaha rara ta tangadi buppu patti nada. ¹² Rayinala pata kale amaha rara kapiku kana daha patti nada.Tauyi kapata na kale rada ta kapatana kabihuna patti,duda kale nahiyi kabihuna. ¹³ Rayini yayu hadita waiyi wali ta yayu akasia mono kappe waini amaha rara. ¹⁴ Hatamadi yayu hadita wai rada lari ta kale ta layi patti kapiku ngidi waini patti nada. ¹⁵ Yayu hadita wai rada anga dahoda lari ta kale amaha rara.Ilam tingi kayi yayu dita rada ta bali haddu. ¹⁶ Nauwa enga yiguge jajiGu tabaramu.Hatamadi jajiGu rada neda lari ta patti. ¹⁷ Loho,rayini toni patti rada wali ta amaha rara tiyo.Ba ukrani malauna duda rehi hasta mono lurana diha rehi hastana. ¹⁸ Bege,rayina duda kaduna mono ijalayi ta layi tonina rada.Tukkumi amaha rara kapiku rayimidi kadu rada. ¹⁹ Tau wuyo kaduna rada ta wuyo layina hatoni wai mono kaduna wu ta layina wadeka.Hadaboladi kaduna rada ta hatoni waina. ²⁰ Kapadi kaduda rada na aro dahoyi ta langta.Kadudi rada natoni dahoyi patti nada waidi kapada yida.Kadudi rada da ha aro dahona,bada torroyi hatoni wai rada. ²¹ Nauwa enga yiguge jajiGu tabarami.Hatamadi jaji rada neda lari ta patti,loho kam toniyi. ²² Neda bali Nauwa enga tabo gimi.Nauwa enga haneweGu wali ta tillu kaduna kadana ta pannu hatoni wai Patti jaji nada.Wali taha dau neda,nauwa enga yigudi tangadi pareha ta ata Israel." MEJA ²³ "Rayina wu meja wali ta yau akasia.Ukrana meja nada duda hastana malauna,lurana diha hasta,mono madehtana diha rehi hastana. ²⁴ Tepelani meja nada waini amaha rara tiyo mono like huppu amaha rara ka kilorani. ²⁵ Rayinila lara hupu meja katauna ate limamu mono kam tauni likena wali ta amaha rara kakakilorana hupina. ²⁶ Rayidi pata kale amaha rara mono kam tauyi kale rada ta pata kabihuna,haluguna ta pata gayu leduna. ²⁷ Kale rada dadahodi ta niri hupuna meja,hadau hatamayi yayu dita ta meja nada. ²⁸ Mi um rayi dahoni yayu ditana wali ta yayu akasia,mono kappe wai dahoni amaha rara.Meja nada ha ngidi dahoyi ba waini yayu hadita rada. ²⁹ Rayina tabbo,hodeka,kadehu,mono koba weha enu wali ta amaha rara tiyo.Kadehi mono koba weha enu yida hawai ba biyo maraka haenu. ³⁰ Mono,mi um tau juwa daho kababa ha yayo tapanu meja nada ta aroGu. HADAU LATTI WEYO* ³¹ "Bewalge,rayinala hadau latti weyo wali ta amaha rara tiyo.Kappe mono hanarro hadau latti we nada um rayi dahona waini hadoyi.Doka mono kobana wudahoyi waini kapena. ³² Hadu latti we nada dada kahangana anni.Tauda kahangana dadi taha dau wadeka mono tauda kahangana taha hadau wadeka wali. ³³ Tangada kahangana dadaho tauda wallana.Rayidi bunga rada katujayi bunga badam waidi kapuhi walana mono royo walana. ³⁴ Rayinala pata bunga ta hadu latti we nada.Tangada bunga rada dumo napahada bunga badam dahodi waidi waladi mono royo bunga. ³⁵ Dadi anni kahanga taha dau latti we nada tauda wali nahiyi kahangana.Rayina wu bunga waidi walana mono rona bunga nahiyi kataudana hadau ba gidi kahangana bana haduyuyi kalakna. ³⁶ Tangadi hadau latti we nada waidi bunga mono kahangana ha rayi dahoyi wali ta amaha rara tiyo. ³⁷ Loho,rayina pittu latti we taha dau latti we nada.Latti we nada nyi kaha magakahage ta kalingora latti we nada. ³⁸ Ka ngapetayi mono doka latti we nada rayi dahoni wali ta amaha rara tiyo. ³⁹ Tangadi rada hawai harayi dahoyi wali wu kanyurru amaha rara tiyo. ⁴⁰ Hamataragela dajalage mi kana dadiwe bamu rayidi tangadi rada dokuge hada hatingo gimi tabarami ta letena."