¹ Mori linage tabarai Musa,"Yau,Harun,Nadab,Abihu,mono ka pitu kabuluna bai ata Israel,panne taletena mono kawojoga Nauwa wali kama rau. ² Tabolo,dukai Musa hela kadadi dahekayi Mori, rada wadeka wale na ddaik mawe ba daheka.Mono,ata Israel ilda panneka ta letena." ³ Musa na burru wali ta letena mono hadikige ta ata Israel tangage hataknai Mori mono nautadi paha didaraNa.Tangadi rada ata da baleha,"Nami ma dokudi tangadi pareha hataknai Mori." ⁴ Musa dumo tolhawe tangage parehai Mori.Dama hege tana,nyi na kadde mono naha dede wu hadau maraka dahekawe ledu letena.Nyi dumo na ijalayi kabulu duda watu dokudi butadi kabihu Israel. ⁵ Bege,Musa naha ngididi bau mane Israel kada yiyo maraka.Yida da maraka hapi mane ba wuyi maraka hatunu mono maraka moli tabrai Mori. ⁶ Musa naha tamadi wahokage wali ta rayo majoku rada lari ta bokora,mono mawakoha biyi tapanu hadau maraka. ⁷ Musa na ngalayi buku jaji mono nabahawe ta aro kabihu ata rada.Yida da balehawe,"tangage hataknai Mori enga marayidi madi nami,mono nami enga manudu madi." ⁸ Musa na ngala bokora kamangu ngihina rayo maraka.Loho,nyi napaiharage rayo inna ta ana huhuna mono linage,"Inne nyiwe rayo pa jaji harayinai Mori tabarami,dokuge parehaNa." ⁹ Bege,Musa,Harun,Nadab,Abihu,loho ka pitu kabuluna ka kododi Israel da panne ta letena. ¹⁰ Neda ta panu letena,yida da etayi Allah Israel.Nyi na dede ta wuyo kadedo katuja dayi watu Nilam,kaha magakaha hage langta! ¹¹ Loo batauda duge tangada kakododi ata Israel etayi Allah,tabolo Allah walena hamukkak madi yida.Yida tangada da yayo mono da enu kaha. MUSA KAKO NGALAYI UKKU PAREHAI ALLAH ¹² Mori linage tabarai Musa,"Panneu ta letena kapikum aroga Nauwa mono kam engana neda bali.Nauwa enga tolha gudi li hanuaGu mono ukku parehaGu tuba ana huhuGu Israel ta duda balla watu billara.Nauwa enga yigumi watu billarada rada tabarami." ¹³ Nyiwe,Musa monoi Yosua,kaduwena,napanne taletenai Allah. ¹⁴ Musa linage tabara bai ata,"Rema gama nami innela kaha nami bama hagga tabarami.Batamragu kako,Harun monoi Hur yida kaha rehami.Kakom tabarada yida ba daka kadadi. MUSA NA TABOKAYI ALLAH ¹⁵ Bege,Mua na panege letena mono karaba natoniwe latena inna. ¹⁶ Manada nai Mori buruwe ta lete Sinai.Karabba na toniwe letena inna ka anni ladona.Ta lado kapituna,Mori naha newe tabarai Musa wali ta tillu karabba inna. ¹⁷ Ata Israel dadiwe etawe manada nai Mori kadedo tujawe latti ta pannu letena. ¹⁸ Loho,Musa kako rehio madehta ta letena mono tama neda lar karabba inna.Nyi na engana ta letena inna kapata kabulu lado mono pata kabulu gakna.