¹ "Nyi nada wu ata ban kedu kana wu hapi waleka bebbe lodoge bana malajani waleka hamateyi,ata nada na bayara dahona lima hapi kana jeluni wu hapi mono pata bebbe bana jeluni wu bebbe. ² Nyi ata kedu nada ai dahingkana dauna,nyi wik dau malaja dahoni kana tujayi ha atada kana jeludi rada ngawu hakeduna.Nyi nada ranga hakeduna ba dakahoni mono bana morsaho,ba hapiyi,keledaiyi,waleka bebbe,nyi haduyo malapta hodi bana pahagadi. Nyi nada ta kedu ba tadayi bana kapipi mono ba paluyi kaha mate,ata kaha mateyi walena jalakma. 3 (22:2) 4 (22:2) ⁵ Nada wu ata bana pahalayi rangana ta marada waleka ta oma anggurna.Nyi ranga nada tama tamarada waleka ta oma ata wadeka,mori ranga nada nabayara hodi harogina mori oma waige ngihi paulana kadaha wali ta oma dauna. ⁶ Nyi nada wu ata ba nyi tunu kana mapu ta omana.Tabolo inna latti lawakawe mono muttuyi pare ole bara ummana ai hamangat hona,ata nada kaha dakege latti na bayara dahoge harogina oro muttge inna. ⁷ Nada wu ata bana li tau kayi ta olena amaha waleka ngawuna.Nyi amaha waleka n gawu pa li tauna rada bana kedu kadi ata,mono ka kedudi yapayi,nada ta kedu napahaga dahodi haduyo malapta. ⁸ Nyi ata kakedudi ai yapayi,ata hadau li tauyi ngidi dahoyi ta arona hakim kana takkiwe inna nyi aina ngalayi rada amaha waleka ngawu paliyo ijala tudu tabarana. ⁹ Tutu tangage pasepa salana,batutu hapiwe,keledaiwe,bebbe,kalabe,waleka tutu bungadi ngawu,loho kadadida nada wu ata 'Rade daugudi', mono wadeka liadage,'walekma, rade daugudi,' ngidiwe inna kadadi ta aronai Allah.Ba iyaduyi hataknai Allah nyi kajala na bayara dahodi haduyo malapta tabarana katena. ¹⁰ Nada wu ata bana karaikayi ole atana jawa nadi rangana kapira kina mahigo,rada keledaiyi,hapiyi,bebbe,waleka aga ranga hingkayi.Aga fdahoyi mi harayimi nyi ranga rada raga potadi waleka mateyi waleka ba ataka ka ngalayi batamra ai da kaetayi ? ¹¹ Ata hadau jawa tuduyi na haura daho ta aronai Mori inna nyi aina kedudi ranag rada.Mori ranga na hiba dahowe haura inna mono ata dau ijala tuduyi walena bayarak mana jelu rogi ta mori ranga. ¹² Tabolo,nyi nada ata dau li ijalayi ba nyika keduni,nyi nabayara dahodi rogna nada morna. ¹³ nyi ranga nada ba yapa nani ranga bani,nyi na yinahowe karogona kawuwe tada.Nyi ilna bayarana rogna ta morna ranga nada kamate. ¹⁴ Nyi wu ata karai tudkai aranga aga dahingkayi wali ta ole atana,mono ranga nada pota waleka mate,nyiwe nyi na bayara kaha dahodo rogna mor ranga nada.Nyi na tag dahona baleha oro morna ai da ole danga moni ranga nada. ¹⁵ Tabolo,nyi morna ba da ole dangani ranga nada,nada karai tuduyi walena bayara dak mana jelu rogna.Nyi ranga nada ba pahewayi bamu uladi wu haulamu,kahewayi walena bayara dakmana jelu rogna oro bamu bayara benu kahewana ¹⁶ Nyi wu kabani ban tutrayi wu bau wine aiha laka winena mono dage harayida,nyi na bayara ka nyala ta lawai nada mono naha uma danga dahoni. ¹⁷ Nyi amana lawai nada ban tularage bana ole umani anana ta ata nada,nyiwe ata nada nabayara dahona katujana walna butadi wu bau wine. ¹⁸ Ilam pahaikani wu lawai hawunnu ban morha. ¹⁹ Tangana ata kajala dangana ranga ha mate dahoyi. ²⁰ Tangana ata ka yiyo maraka ai tai Morika ha pudaha dahoyi. ²¹ Apaewela,uluge mi ata lipalaka kami ta Mesir.Nyiwe,ilam tipuka waleka ilam hama yilla ata lipalaka taha daumu. ²² Ilam rayi kage kajapata tabarada lawai balu waleka lakawa mate ama. ²³ Nyi mi bamu rayi kage kajapata ta barada yida,mono yida da kawula tabaraGu,Nauwa ug range dahing dage kawulada yida. ²⁴ BaniGu enga na mirawe mono Nauwa enga hamete gumi waigimi katopo.Ole umami enga lawai baluda mono anamu enga ana lalo amada. ²⁵ Nyi mi bami yi tudka amaha ta ana huhuGu,kamilla ta jongami,ilam pahada kawe katujana ata ka ya makata mono karaiyi bungadi tabarana. ²⁶ Nyi mi bamu ngala dadi kalabena wu ata ba wu dau hangodo dagu kaha bana beyi wutana,pahaga nadi kalabena rada tabarana aina tamaho mata lado. ²⁷ Oro,ba raga nyikakiwe kalabena inna kawalla kina kadana hatoda waina nani rerehe mayagala bana dura. Nyi yida bada kawulaka tabraGu karai matullu,Nauwa ug rangeyi oro Nauwa malewara atekwa. ²⁸ Ilam katuk kani Allah waleka kakodo gadi ana huhuGu. ²⁹ Ba diki kage rahi mangatti,yigadi tabaraGu gandum kawungana mono wuyo kawungana wali bamu koppiyi.Ilam remage kaha ta haduka dau.Yigadi tabaraGu ana bodimi. ³⁰ Dumo,yigadi tabaraGu ana bodi hapimi mono bebbemi.Pahaidi ana bodi rangami rada kana oled bai da ka pitu ladona.Ta lado hapodo pata wai,mi um yida hogani tabaraGu, ³¹ Mi um dadi ana huhu dahoGimi katenguna tubaGu.Oroge inna,ilam yaka kahila ranga ha yapana ranga bani.Pahaidi bagga kada yani."