¹ Bege,Allah linage tai Musa,"yida rade nauta ukku wadeka paha diki dahomi tabara ata Israel : ² Nyi mi bamu hikayi atana ata Ibrani,ata nada anni dau hena bana hanulu gimige haulami.Ha pitu dau wai,nyi na hoila wale lakma habayarana aga hingkana. ³ Nyi yi aina hauma hona kole ba ata mini,nyi na kako ai manu ole uma daho dikige hoilana.Ta nyiduwe,nyi bana ha uma bena kole bamu atani,nyi na ngidi dahoyi ole ummana dikige rahi hoilana. ⁴ Nyi atam nada aina haumma hona,morina na dadiwe bana yini ole ummana tabarana.Nyi ole umana atam nada bana ha anana kabani waleka lawai,ole umana mono anana dau daho nadi morna nada kole atana nada bana hoilaka. ⁵ Ta nyiduwe,Nyi nada atam waige muraha ate linage,"Nauwa ug manawarani Morigu,ole umagu,mono anagu.Nauwa walegu aumawa tanadi yida mono hoila," ⁶ nyiwe morna na ngidi dahoyi atana nada ta aronai Allah.Nyi na ngidi dahoyi atana ta wu binna waleka ta kalaku binna mono duhka nadi katilna atana nada waidi bah duhka.Nyiwe,atana nada engage ata nani morna kahha kajupu morhana. ⁷ Nyi wu kabani malajani ana lawaina ka wuyi atana,nauta tutu pahoilani wale natujak mawe nauta hoila ata kabanina. ⁸ Nyi morna kapede dauyi aina hilu baini ata lawaina nada,morna na pahai dahoni ata lawaina nada ba pahoila hagayi amana.Morna wale na daudak mage malajani ata lawaina nada ta ata li palaka oro nyi aina harapo mowe jajina ta lawai nada. ⁹ Nyi morna najaji kawe bana ha uma wain anana ata lawaina nada,nyi na pahada dahoyi tujai anana,wale na pahada ata dak mani. ¹⁰ Nyi morna nada bana haumana lawai heka,nyi ilna hadabo dalkani ha yana,kalabena,mono morha ta atena ta lawai nada. ¹¹ Nyi aina rayi kage katauda hada na rada nada ta lawai,lawai nada hoila mono nyi ilna bayara hingkana aga ana. ¹² Tangana ata kapaluyi ata wadeka dajalage mana mate dangage,ata nada pa hoku mate dahoyi. ¹³ Ta nyiduwe,aina kabu ate hingkage nyi bana paluyi dajalage mate nada ata,ngihige i Allah ge ka kabu ate ge dadiwe inna.Ata nada dadiwe bana malai taha hadau ha patutu beguni. ¹⁴ Tabolo,nyi wu ata bana kabu atege hamate wu ata oro banina mono butu atena,nyi pa hoku dahoyi.Marauni nada ata wali ha dau marakaGu mono hamateyi yida. ¹⁵ Iyayi kaha mateyi amana waleka inyana ha mate dahoyi. ¹⁶ Iyayi kakedu wu ata kapioku malajani ba wu atada ole atada waleka pattuyi dadi ata dauni,ha mate dahoyi. ¹⁷ Iyayi katukkuni amana waleka inyana ha mate dahoyi. ¹⁸ Duda ata ba nyi hagabada mono wu ata paluyi wadeka waini watu waleka jurra.Nyi ata ha palu nada aina mateka,tabolo ba malare dahoyi ta pinyana, ¹⁹ mono nyi ata nada tagaha mono dadiwe bana kako hagga,ata kaha potani wale wing hoku dakmani.Tanyiduwe,nyi na bayara dahona harogina wali nada ata ba paluyi mono bama lareyi kaha bana tagaha patetakkana. ²⁰ Nyi wu ata napaluyi atana wain takkona kaha nada atana mate,ata nada pa hoku dahoyi. ²¹ Tabolo,nyi ata nada bana morhaho kadiha waleka duda ladona,ata nada wale hokuk mani.Oro,atana nada ba dauk nani. ²² Nyi duda kabani hatauna mono hapotani wu lawai hatiyo,dajalage nyi ha ana ai diki honi rahina,tabolo lakma kabatana,kabani nada kapaluyi lawai na dada daho.Laina lawainada enga dahoge bana karuhuyi nyi.Mono,ata nada nabayara dahona dada dokuge hapohtana hakim. ²³ Tabolo,nyi lawai nada ban pota habutana,ata kaha potani hoku dahoni.Hokuna na tuba dahowe japatana inna.Bayarage ngahu na jelu dahoge ngahu. ²⁴ Bayara dahona mata jelu mata,ngudu jelu ngudu,lima jelu limma,ledu jelu ledu, ²⁵ kapota oro muttu jelu dahoge kapota oro muttu,mereka ole merekadi,malakkata jelu ole malakkatadi. ²⁶ Nyi wu ata palunani mata atana kaha atana nada moro,ata nada na pahoila dahoni atana jeluna matana.Inna nadadiwe tutu atada kabani mono lawai. ²⁷ Nyi wu morina palu nage bana atana kaha ngudna atana nada batayi,nyi napahoila dahoyi atana nada kana jeludi nguduna.Inna nadadiwe tutuda ata kabani mono lawai. ²⁸ Nyi nada wu hapi bana higatayi wu kabani waleka lawai kaha bana mate,hamate dahoyi hapi nada waini watu.Kahilana hapi nada ilam yakani.Tabolo,mori hapi nada walna jalakma. ²⁹ Tabolo,nyi hapi nada bana higata juaka ata mono mori ba ha apebenage,tabolo wale naauma jawayi,mori hapi nada na jala nyi hapi nada bana hamateka ata.Miyom hamate dahoyi hapi nada mono morina. ³⁰ Nyi mor hapi nada baka karai kayi bayarana hop waige aga hingkayi harai,kana jeluge ngahuna. ³¹ ukku kaha mera engana baha yana nadi wu hapi hamateyi wu lakawa kabani waleka lawai. ³² Tabolo,nyi wu hapi wu ata kabani,mor hapi nada na bayara dahona ta morna atana nada tallu kabulu amaha kaka. Mono,hapi nada hamate waini watu. Ukku inna nadadiwre tut atada kabani mono lawai. ³³ Nada wu ata enga bugera nage binna wu sumur mono walena tonik mawe.Nyi hapi waleka keledai ata wadeka monu neda lari, ³⁴ mur hapi nada na bayara dahona jelu rogi.Nyi na yidaho kapirana amaha ta mori hapi waleka keledai nada.Tabolo,hapi waleka keledai kamonu ta sumur nada dau danani. ³⁵ Nyi hapina wu ata bana hamateka hapi wadeka,yida da malaja dahoni hapi kamorhaho.Hina hapi ha malaja da bawe duda dahoyi;tauda dumo nage kanana hapi nada kamate yida da bawe duda hoyi. ³⁶ Tabolo,nyi hapi nada batada bewe ban kal higata mono morna aina jawa kayi,morna nada natau honi jeluna ole hapina,mono hapi kamate na dau dahoni."