¹ Bege,Allah linage, ² "Nauwa Mori Allahmi.Nauwa ug hu ngidi bemi mi wali ta tana hadau ata wikimi ta Mesir.Rade yida ukku parehaGu pa Yigumi tabarami : ³ Illam kawojona Allah heka dukka nauwa dahe. ⁴ Ilam rayi kana bara aga hingkana.Ilam rayi kana hala hatau waleka hada katujayi aga hing kayi kadana ta langta,ta panu tana,waleka neda lar taweyo. ⁵ Ilam ka ngakka waleka kawojo tabarana oro Nauwa,Mori, Allahmi,Allah kawi naga,kaha gaba nage jalana ha ama tabara anana,kaha ta dalara kataudana mono kapatana wali ta ata ka butga ate Nauwa. ⁶ Tabolo,Nauwa ug hatingoge manawaraGu kadidara ta riwu rata ata kama manawaraga nNauwa mono karawa gadi ukku parehaGu. ⁷ Ilam jala waika nage ngara Mori,Allahmi,Oro,Morim na hokuni ia hing kayi kajala wai nage ngaraNa. ⁸ Apeyi lado rahi ngahu mono karawa kiyi loho patenguyi. ⁹ Miyo um ulana ka anni ladona diha miggu,ulad tangadi ha ulami, ¹⁰ tabolo lado kapituna lado rahi ngahuyi tubanai Mori,Allahmi.Ta lado inna,ila dahaing kana wu ata ka ulana yau,anam kabani,anam lawai,atam kabani,mono atam lawai.Loho dumo,rangamu mono ata lipalaka taha dau daumu illa na ulana! ¹¹ Oro,ka anni ladona Morim bana ulana rayige langta,tana,bannu,mono tangadi ka dana.Mono,Nyi na ngahu ta lado kapituna.Nyi dawe kapege,Mori hama ringiyi lado ngahu mono mna hatenguyi lado nada. ¹² Ha aka kidi amami mono inyami dajalage mi kana malau wer ngahum ta tana ha yinagu Morimu,Allahmu,tabaramu. ¹³ Ilam hamatewu ata. ¹⁴ Ilam lokana lai waleka ole umma olem. ¹⁵ Ila kedu kawu. ¹⁶ Ilam takka hanewe paleka ta ole atamu. ¹⁷ Ilam kamak kana umma ole atamu.Ilam kamak kana ole umma ole atamu.Ilam kamak kana nani atana kabani waleka atana lawai,waleka hapina,waleka bebena.Ilam ngala nani dau ole atami." ATA KAMA DAUTANI ALLAH ¹⁸ Kole ata rada bata etawe punyina kagurka,kamilaka,li kapika,mono letena kalubuge karabba,yida da madauta mono da dede marau wali ta letena inna. ¹⁹ Bege,yida lidage tai Musa,"Rehi na daha dahowe ba yau kaha newe tabarama nami mono nami enga range mage.Ilai Allah kaha newe dau tabarama nami.Nyi ai tau dage,nami enga matema." ²⁰ Musa linage tabarada Yida,"Ilam madautami! Oro,Allah ammini mai kirahami dajalage mi tangami ka enga ge bamu hiyi Nyi dajalage mi ilam rayina jala," ²¹ Nyiwe,ata rada da dde marau wali ta letena kolei Musa bana daheka na makak lawe karabba,hadu dani Allah. ²² Mori linage tabrai Musa,"Tak dage tabarada ata Israel:Miyom eta dau bewe inna Nauwa bagu hanewe danga begu wali ta langta. ²³ Ilam rayi kana hala hatu wali ta amaha rara waleka amaha kaka karehiwa Nauwa.Ilam rayi kana hala hatau paleka tutu tau daumi. ²⁴ Um rayi dana wu hadau maraka kahekana tubaGu.Waina tana bamu rayige.Maraka waina bebe mono hapi ba maraka hatunu mono maraka mamolimi tapanu dau maraka inna.Rayige inne la taha dau ba giyo Nauwa bagu harehami kapiku ape miga Nauwa.Nyiwe,Nauwa enga amiga mono hama ringimi. ²⁵ Ta nyiduwe,nyi miyo bamu rayi kana dau maraka wali ta watu tutuGu,Ilam wai kana watu paha doyi.Oro nyi mi bamu wai kana hawai hadoyi wai watu rada,hada inna enga naha otorawe dau maraka. ²⁶ Mono,ilam pane kani nauta ka li dete hadau marakaGu dajalage arom ilna manadage."