¹ Ta wula hatauda wai kole yida bada huna wali ta Mesir,Ata Israel diki tamarada gilra Sinai. ² Yida da kako wali ta Rafidim mono diki neda bali.Yiida da li dauyo tamarada Gilra,tabara lete Sinai na. ³ Loho, Musa pane nage taletena bana tabokayi Allah.Mori naha newe tabarana ta panu letena,"Takwe inne tabrada ata Israel,ha ole bainai Yakub: ⁴ 'Yau um eta dau bewa Nauwa rayige inne ta ata Mesir.Mi um eta bewa Nauwa bag hu ngidimi wal taMesir katujai kawurru Raja Wali mono ngidimi taha dau inne tabaraGu. ⁵ Nyiwe batauge,nyi bamu doku takka dudu parehaGu mono karawawe pa jajiGu,mi enga dadige bagu dau wik dau Gimi ta jonga kabihu ata.Oro,tangage panu tanabadauGuge. ⁶ Mi enga um dadi kabihu ata paliheka -kalingora tangada rato.' Musa,nyida howe inna paha dikimu ta ata Israel." ⁷ Musa dumo burru wali talete Sinai mono kamai kadi bai ata Israel makaha.Nyi naha dikige tabarada yida tangadi pahareha nai Mori tanbarana pa taka nahona tabarada yida. ⁸ Tangada ata daha wuna takki mono lidage,"Nami enga rayi madi tangadi paha diknai Mori." Musa dumo ha dikige balehada ata Israel tabarai Mori. ⁹ Mori linage tabarai Musa,"Nauwa enga mai tabaramu lari ta raba kama kakladajalage ata Israel rangewe Nauwa bagu hanewewa tabaramu. Mono,yida kada hatenawe agawee hatakkim tabarada yida." Kole Musa hadikige tai Allah tutu tangadi rada hatakda ata Israel, ¹⁰ Mori linage,"Lado nehe mono koka,pa inyakayi ana huhum tutu makaha hali heka.Yida da bah dahoyi kalabeda mono ¹¹ ha iyakami tutu Nauwa ta lado kataudana.Oro ta ladi hatauda wai nada,Mori enga burna ta lete Sinai ta aroda tangada ata Israel. ¹² Mi um rayi dahodi watedi tangada ata rada kama kilora mono tak dage,'Illa daka tajongami kapanne ta letena waleka jojawe ledu letena.Iya hingkayi kajojawe letena inna ha mate dahoyi. ¹³ Mono,ila dahingkana wu ata kajojayi ata nada kalayi rada.nyi hatuk dahoyi watu waleka ha pana dahoyi,kadadi ata waleka ranga,nyi wale ha yama dak mayi morha.' Kole li kapikaba rangeyi,mi um pane dahomi taletena inna." ¹⁴ Musa dumo na buru wali ta letena mono na taboka dangadi ana huhuna.Nyi anah iyakayi yida tutu hataboka li hekana mono da baha dahoyi kalabe da yida. ¹⁵ Musa linage tabara ana huhu,"Ha iyakamige tutu hataboka dangani Allah ta lado ha tauda wai.Kaha ta lado neda,ila ha wu dangani ole ummami." ¹⁶ Kokak ta lado hatauda wai,karabba kama kakla burruwe kalubuge letena inna.Na dadi kagurka,kamilaka,mono rangeyi li kapika ka hada mawangta.Tangad ata ta hadau tudda da dadi madauta. ¹⁷ Musa na hu ngidiyi ata rada wali ha dau da ta diha wu letena kapiku hatabo dangani Allah. ¹⁸ Lete Sinaina matoni we Hammu.Hammu na panewe wali ta letena natujkawe ham wali ta tulra.Inne na dadiwe oro Mori buru nage taletena inna lar ta latti.Tauda dumo tangage letena na gedowe. ¹⁹ B atamra hege lika kapika ba rangeyi kiki ballo,Musa naha newe tabarai Allah,mono Allah na balehayi waige li katujana kagurka. ²⁰ Mori na burru wali ta lete Sinai,ta panu letena inna. Nyi na kamaikani Musa panne tapanu letena oleni Nyi.Musa hole nage ta letena. ²¹ Mori linage tai Musa,"Burrula mono ha ape dage yida ka illa dahekawa Nauwa mono etawa Nauwa.Nyi yida rayige inna,buta wal tayida enga mateda. ²² Loho,tak dage tabarada rato ka amina dahekayi Mori inna yida daha iyaka hower tauda tutu hataboka ha lihikke.Nyi yida aida rayi kage,Nauwa,Mori,enga hoku Gudi yida." ²³ Musa liange tabarai Mori,"Ata rada wale nadadik mawe panne ta letena oro Yau dau bamu tak bewe tabarama nami kapiku rayina watte mono ata wale pahai madi li palaka ta watte neda." ²⁴ Mori linage tabarai Musa,"Burrui mono kamikani Harun panne nimi olegu.Ta nyiduwe,ilam hai kadi tangada rato waleka ata mai dahekawa Nauwa.Nauwa enga hoku gudi yida nyi yida alpu dahekada yida." ²⁵ Musa dumo burru tabokayi ana huhu mono padikige li hanau Mori tabara ana huhuna rada.