¹ Yitro,yerai Musa,nyi rato ta Midian.Nyi na range bewe tangage harayi nai Allah bana tulluni Musa mono ata israel.Nyi na rangewe tutui Mori ka kododi ata Israel huna wal ta Mesir. ² Yitro dumo kako tai Musa kolei Musa bana dau ta letenai Allah.Yitro na ngidiyi Zipora ole ummanai musa.Zipora walena olek mani Musa oiroi Musa bana halewayi hagga. ³ Yitro dumo na ngidiyi kadudana ana nai Musa.Ana bodina ngaranai Gersom oro nyi bana dadi,Musa linage,"Nauwa ata kamai lipalakawa taha dau inne." ⁴ Haduda wai ngara na Eliezer,oro nyi bana dadi,Musa nyi linage,"Allah na amaguna tull bega mono na pahoila bewa nauwa wali ta Raja Mesir." ⁵ Yitro na tabokayi Musa batamrana dau ta marada gilra dahekawe letenai Allah.Yitro na ngidiyi ole umanai Musa mono kadudana anana. ⁶ Yitro naha ngidini liyo Musa,"Nauwa Yitro,Yera kabanimu.Nauwa ug maiwa tabaramu olen ole umamu mono duda anamu." ⁷ Musa na huna tabokayi yerana.nyi naka wojo mono na ngakhayi yera kabanina.Kadudana daka nukka wikina tutu aikalawarada diha-diha.Bege yida tama dage ta hadu nai Musa bada hanewe. ⁸ Musa na takkiwe tai Yitro tuba tangage harayi benai Mori ta ata Israel.Nyi natakkiwe ha rayinai Mori tabarai Firaun monoata Mesir.Nyi natakakiwe tangage kapitona yida halibeda inna bada kako ta lara mono aga linadai Mori bana pahaoilayi yida. ⁹ Yitro na lagahara lede tangage kadaha inna harayi benai Allah tubada ata Israel.Nyi nalagahara oroi Mori bana pahoila beduyi yida wali ta ata Mesir. ¹⁰ Yitro linage,"Waige tabarai Mori! Nyi kapahoilami wali ta harehada Mdesir mono wali talimanai Firaun. ¹¹ Batauge,nauwa ug tadawe nadai Mori rehina madaka wali ta tangada allah heka.Oro,Allah na rayige tangage inna kole ata Mesir hadada bada boggang tabara ata Israel." ¹² Yitro kapirana maraka mono manuta hatunu ban hama nadai Allah.Harun mono tangada bai ata Israel amidi mono da ya oler dangani Yitro,yeranai Musa.Yida tangada ya ta aronai Allah. ¹³ Dama hege tana,Musa ngodo tutu yidi tijada ata Israel.Ata Israel dede ta aroi Musa tara lalado. ¹⁴ Yitro na etayi Musa bana yidi tijana ata rada.Nyi naka nukayi,"aha yau mamu rayige inna? Aha yau mamu dadi hakimuwu? Mono,aha ata mada mai tara lalado?" ¹⁵ Musa linage tabara yerana,"Ata rada da mai tabaragu kanukawe tutu pohtanai Allah tubada yidda. ¹⁶ Nyi yida bada kage kahepa halana,yida da mai tabaragu mono nauwa kapohtawe ba iyayi katena ta jongada yida.Tauda dage nauwa bagu hanuwa dage paha didarana mono nauta kanogoi Allah." ¹⁷ Ta nyiduwe,Yeranai Musa linage tabarana,"Walena dahak mawe katauna inna. ¹⁸ Al pu buta nage haulam tutu bamu rayi mehage.Yau walena dadik mawe bamu ulla mehage inna.Inna hajoli danga muge mono hajoli danga jala dage rada ata. ¹⁹ Batauge kamu rangewa nauwa.Nauwa ug yigu kapirana liha nuwa tabaramu.Mono,nauwa ug sembayangna i Allah kan olegu.Yau um dadi lede dahowu tubada ata rade ta aronai Allah mono da ngidiwe kadadi ta yida tabaraNa. ²⁰ Yau um takk ho dadi li ukku mono hanuwai Allah ta ana huhuNa.Hanamu dage yida ilna dadai dawe bada layiwe ukku pareha tauratnai Allah.Tak dage tabrada yida hada morha katena mono aga dahowe harayida yida. ²¹ Like dumogem inna,mayega kina kapirana ata katada tajonga ata Israel,haluguna yida kama dautani Allah,paha tena,mono kabutuge ate hada huru larina.Keketayi ata rada kayida kakododi kabulu ratana ata,ngahu ata,lima kabulu ata,mono kabuluna ata. ²² Pahaidi yida rada kakododi kada tiba wiki dauyi yida.Nyi badaka kajala kabanningna,yida kada ngidi dawe tabaramu,tabolo tutu kadadi marraha,yida kana dadiwe pohta dauwe.Waige bataudage,yidda da ulla danga jalaguge inna haullamu mono enga na rehi lewara hoge tubamu tutu bamu kododi ana suhuna. ²³ Nyi bamu pahada we inna dokuge hakabu atei Allah,yau enga dadige bamu rayige ha ullamu loho walem joli mehak mau.Mono,tangadi kadadi ta ata rada dadiwe bana dahawe yida aida dikiho ta umada." ²⁴ Musa na range nage hanuawana Yitro mono na dokuge. ²⁵ Musa na pedena ata kadaha wali tajonga ata Israel.Nyi naha didarayi yida ba yida kakododi ana huhuna.Dadi kakododi Rata ata,ngahu ata,lima kabulu ata,mono kabulu ata. ²⁶ Yidak na lage kadadi hakim tutu ana huhuna.Tangadi kadadi kama dakka yida da ngidiyi tai Musa,tabolo tangadi kadadi kamaraha yida dapohta dauwe. ²⁷ Walna moja hegege,Musa na lotau haggai yerana.Yitro dumu kako nage hagga taha dau dauna.