¹ Ata Israel da tanage tabara lado mali marada gilra Sin.Yida tangada da kako wali ta wu hadau taha dau wadeka dokuge parehai Mori.Yida da li dau ta Rafidim,tabolo weyo wale lakma bada enu yida nedaa bali. ² Nyiwe,ata Israel kapuge gabani Musa.Yida Lidage,"Ygama we haenu nami." Musa linage tabarada yida,"Aha mi hagga gabaga nauwa? Aha mi mamu kabani i Mori?" ³ Ta nyiduwe,yida hadai mariyo dajalage yida da karai hakitana tai Musa.Yida lidage,"Aha Yaumamu hu ngidima nami wali ta Mesir?Aha yau kodo gama nami taha dau inne dajalage nami,anama nami,mono rangama nami tangadi mate mariyo?" ⁴ Musa naka wula tabarai Mori,"Aga dahona harayigu ta ata rade? Yida da haiyabe hamatewa nauwa." ⁵ Mori nabalehayi Musa,"Kamaikadi kapirana bai ata Israel kada kako ullu wali ta ata rada.Nguidiyi nada takkom mu hawaimu bamu paluyi lai we Nil. ⁶ Nauwa enga ddedegu ta aromu ta panu watu ta Horeb.Paluyi watu nada waini takkom mono we enga huge wali neda mono yida kada enu wali neda." Musa na rayige mono bai ata Israel da etawe. ⁷ Musa na hagarage hadau neda Masa mono Meribaoro ba nedakna ata Israel bada gabani nyi mono kabani i Mori waige balida,"Apa nadai Mori na olekda Yitta?" HATAU GABADI ATA AMALEK ⁸ Ta Rafidim,ata Amalek ammidi mono hatau dangadi ata Israel. ⁹ Musa dumo linage tabarai Yosua,"Pedena pirra ata mono kakom hatau gabadi ata Amalek koka.Nauwa enga dedegu ta panu letena loho ug hamataragu.Nauwa enga narro guni takkogu ha yinagai Allah ta baragu." ¹⁰ Yosua nadokuni i Musa mono kako hatau gabadi ata Amalek dama ge tana.Tamrada radai Musa,Harun,monoi Hur kako ta panu letena. ¹¹ Nyi nai Musa bana keketayi limana talangta,ata Israel tailo dage ta hatau.Tabolo,nai Musa bana haburu kani limana,ata Israel kapu dage bakke. ¹² Kole bana mojage,limana nai Musa mayala nadi.Yida da ijalayi wu watu madaka takabu nai Musa dajalage nyi kana ngodo ta panuna.Harun monoi Hur da tuka nani limanai Musa.Harun ta tibi hekanai Musa monoi Hur ta tibi wal na wu.Yida da tukka nani limana kaha mata lado bana tama. ¹³ Yosua dumo na habakeyi ata Amalek taha tau neda. ¹⁴ Loho,Mori linage tai Musa,"Tolhawe tutu hatau inne.Tolhawe ta wu buku dajalage ata kada tadawe bana dadi bewe taha dau inne.Mono,tak nagei Yosua inna Nauwa bagu pudaha beyi ata Amalek wali tapanu tana." ¹⁵ Bege,Musa na rayige wu hadau maraka mono na hangarage,"I Mori nyi pa todagu." ¹⁶ Musa linage,"Nauwa ug keketayi limagu ta aro hadaunai Mori.Mori na hatau gabadi ata Amalek kaha ana murri."