¹ ISRAEL DA KAWIHAKA,YIWEI ALLAH MANA NGIDIDI HAYAYO Bewalge,ata Israel da ijakage Elim.Yida da dikki tbara lado mali marada Sin,kayoda dana tajonga Elim mono Sinai,baka kabulu lima ladona wula kadudana kole bada tanage Mesir. ² Ta Marada inna,ata Israel halgel dage kawihaka tabarai Musa monoi Harun. ³ Yida lidage,"Rehi naha daha dahoge nyi Mori bana hamatema nami ta tana Mesir.Neda bali,nami ma kole dahona hayayo loho bokta.Makole kaha dahona ha yayo hakabu atema.Tabolo batauge mi um ngidima nami ta marada gilra inne dajalage kama mate kareba." ⁴ Loho,Mori linage tai Musa,"Nauwa ug haburuna hayayo wali ta langt tubami.Nahiyi lado,tangada da kako daho mono kahha hayada yida tangage lado inna.Waige kataudadana,Nauwa ug kabadi yida kapiku tadaga gudi yida apa yida manudu dokudi parehaGu ai waleka. ⁵ Diha lado,yida na dadiwe kahha hayayo katutu tutu tanga diha lado.Ta nyiduwe,ta lado ka anna,kole yida bada ha inyaka hayada,yida dakaha daho hayada tanga duda lado." ⁶ Nyiwei,Musa monoi Harun lidage ta ata Israel,"Nehe gaddi mi enga eta mige kawahanai mori,mono mi enga tada mige ba nyiyo ka hu ngidimi wali ta Mesir. ⁷ Ko kokoka,mi enga eta mige manadanai Mori oro Nyi na range bemige kawiha kami tabaraNa.O,kawiha kami tai Mori,wale tabrak mama nami.Oro,iyama nami inna dajalage mi kawihaka tabarama nami?" ⁸ Musa linage,"Inna mamali,Mori na yigimi kahila kamu ya waina mono ko koka,Nyi enga yina gimi kababa ha kabu atem miyo.Mori na rayige inna oro Nyi range bemige kawiha kami tabarana Nyi,wale tabra dak mama.Oro,iyama nami inne? Nyiwe,kawiha kami walna aro dak mawe ta nami,tabolo tai Mori." ⁹ Musa linage tabarai Harun,"Tak dage ata Israel kada makaha ta aroi Mori poro Nyi bana tange bedage mayilla da yida." ¹⁰ Harun dumo linagr tabara ata Israel.Kole nyi batamarana hanewe,yida da pelu mono da torrowe marada gilra.Mono yida da etawe manadai mori dedowe lar taka raba. ¹¹ Mori linage tai Musa, ¹² "Nauwa ug range bewe marainoda ata Israel.Tak adagd tabarada yida,'Mamali inna la,miyo enga yami kahila.Mono kokokak koka,mi enga bokta dangadi kababa.Mi enga tada mige ba Nauwa Mori Allahmi.''' ¹³ Ma malik ge,puwa amidi panuwe ta kilora hadauda mono kokokakge,we panyi na toniwe tana ta kilorada. ¹⁴ Kole we panyi rada bana bungayi,nat dedoyi ta panu tana wu katuja dana kajibi kanudaha,kamerana we panyi kawato. ¹⁵ Kole ata Israel etayi,yida da kanuka wikida,"Agayi rade?" oro yida aida tadayi ba agayi rada.Musa linage tabarada yida,"yidakna rada kababa payinai Mori tabarami kam yadi. ¹⁶ Tauda dage parehai Mori,'Dihha-dihha mi um kaha dahomi dokuge hakabu atem.Mi um ngala dahomi wu gomer,dokudi butad ata taummami."' ¹⁷ Ata Israel da dokuge pareha inna.Dadi ka kahha habutana mono dadi kahodi kina. ¹⁸ Kole yida bada ukra waidi gomer,ka kaha habutana walena rehik mayi mono ka kahha harauwana walena dabok mayi.Yida dihha-dihha da kahha dokuge hakabu ateda. ¹⁹ Musa linage tabarada yida,"Ilam ijala yi hayayo rada kaha damage tana ." ²⁰ Ta nyiduwe,kapirana ata waler dokug mage hatak nai Musa.Yida da ijalayi hayayo rada kaha damage tana wali.Tabolo,kakla tamayi ta hayayo rada mono hayayo rada kapu nadi bau.Nyiwe,Musa banidi yida karayige. ²¹ Diha kokoka-diha kokoka,yida da kahha ha yayo katauna butana tutu hayada yida,ta nyiduwe didara lado,hayao rada naha weyi mono bungayi. ²² Ta lado ka annina,yida dakaha hayayo buta haduyo laptana,duda gomer wuyo ata.Tangada rato ammidi mono takkiwe tai Musa. ²³ Musa linage ta yidda,"Inne nyiwe harehai Mori:Koka lado bihayi,lado ngahu lihekayi tutu hama nadai Mori.Miyo dadiwe bamu hadede tangadi hayayo hakabu atemi tutu lado inna.Nyi bana rehi kayi,ijalayi tangage damage tana." ²⁴ Nyiwe yida daijalyi karehi hayayo rada tangage damage tana,tauna paharehanai Musa,tabolo ha yayo rada walna bau bai mayi waleka walna kakla mayi. ²⁵ Dama hege tana,Musa linage,"Nehe lado nyi lado bihana nai Mori,mi enga walem kolek mana ha yayo rada wali tama radda.Nyiwe,yadila hayayo pa ijala bemi manana. ²⁶ Kahha kimi hayayo la ka anni ladona.Ta nyiduwe,ta lado kapitna,ta llado bihha,wali hillu lakma hayayo ta marada." ²⁷ Ta lado kapituna,kapirana ta huna kahha hayayo,tabolo yida walak hing mana hakoleda. ²⁸ Mori linage tai Musa,"Pirra tau hing hoge miyo bamu au dokuge hareha mono hanuaGu? ²⁹ Mori na yibeyi lsdo bihha tubami,haluiguna lado ngahu tubami.Oro bataudage innage,ta lado ka annina Nyi nayiyo katutu tanga duda lado tabarami.Nyiwe,ta lado kapituna,miyom enga dahona taha daumi diha-diha,illa dahaingkana wu ata katanage hadauna." ³⁰ Nyiwe,ata rada da ngahu ta lado kapituna. ³¹ Ata Israel daha ngaradi hayayo rada "manna." Hayayo rada tujai katumbar,hadadi kakayi mono bayadi tujai kababa weka nena. ³² Musa linage,"Tauda dage paharehai Mori:Ija layi hayao rada wu gomer tutu ana huhumu,dajalage yidda kada etayi hayayo ha Nyigumi tabarami ta marada gilra kole Nauwa bagu ngidimi huna wali ta Mesir."' ³³ Musa linage tabrai Harun,"Ngalawu wuyo kadehi mono hatamana wu gomer manna neda lari.Ijalayi manna rade mono ijalayi ta aroi Mori tutuda ana huhuda yitta." ³⁴ Katauna paha rehanai Mori tabarai Musa,nyiwei Harun na ijalayi kafdehi nada hadau tau manna rada ta aro Patti Jaji. ³⁵ Ata Israel da yayo manna ka pata kabulu dauna,kahha bada dikki ta tana hadu ngahuda,ta hupu tana Kanaan. ³⁶ (Wu gomer yikna ka kabulu apolada.)