¹ Bewalge Musa mono ta Israel da manyanyini manyanyi nade tubanai Mori: "Nauwa ug manyanyiwa tubai Mori! Oro,Nyi na rayi bege hada kahadda madakka.Nyi na baita bedi jara mono kaleteyi ta banu. ² Mori nyi hakulha dangagu mono mahadi daikagu.Nyi ka pahoila bewa,Nyi Allahgu mono ug mahadiwa tuba dana Nyi. Nyi Allah weda waikagu,mono ug hama dehtani nyi. ³ Mori yikna Tentara aiha bata.Moriyi ngaraNa. ⁴ Nyi na baita bedi kereta-kereta hatau mono tenytaranai Firaun lari ta banu. Tangada tentarai Firaun kahada daha,Nyi naha talalludi lari tabanu Malli. ⁵ We kalibbu na toniyi yida,yida da ta lalluna lar ta tillu banu natujayi watu. ⁶ Mori limma wanaMu kulha mono ha bangara dangayi. Limma wanaMu,o Mori,hai hai mudi muhhu. ⁷ Lari ta ma nadaMu kama dakka,Yau um pudahayi yida kadede gabaGu.BaniMu um puda hayi yida katauna latti bana tinuwe kua. ⁸ Waige ngahuMu takarruMu,we bannu na madehtawe ngalungge. We kalalonatujawe koro,kadadi katu ta puhhuge bannu. ⁹ Muhhu dahanewe,'Nauwa enga roti gudi mono yappayi yida.Naauwa enga karama gudi mono ug bawe dadi ngawuda yida. Hakabu ategu enga banuge ta yidda; nauwa enga lahguge katopogu,limagu enga hamuk kagudi yidda.' ¹⁰ Ta nyiduwe,Yau um haupuyi waini rerehaMu; nyiwe bannu hingyi yidda.Yida da bullo tuja dayi tima lari ta bannu ka kiddi. ¹¹ Da kakna allah katujaWu,o Mori? Walekma,wale lakma allah katujawu Yau; manadana lari ta kalangna,habangara danga lari parayim,um rayidi tadka-tadka ai habata! ¹² Yau um keketayi limaMu bamu hokodi muhhu,mono tana mabugerawe bana kaballodi yidda. ¹³ Lari ta dahhaMu,Yau um tudayi ana huhu papa hoila beMu.Mono waige kula hamu. Lari ta kulhaMu,Yau irruyi yidda ta tanaMu ka langna. ¹⁴ Kabihu ata wadeka rangewe hada inna,mono yidda da kayikka.Mayilla kapijayi ata Filistin. ¹⁵ Tangada pa ama ta Edom enga karingada;Ta ngada pa ama Moab enga ka dakedi madauta.Ata Kanaan enga bungage banida. ¹⁶ Mayigi ate mono kulha ka pijayi yida;waige kulha limaMu,yida waleda kagikkakma tujai watu,kaha ana huhuMu,o Mori,da pala. ¹⁷ Yau enga kodo mudi ana huhuMu ta leteMu.Yau enga kodo mudi yida engana daheka taha dau ha inyaka beMu ba yoda dau dawuMu.Inne yiwe umma inna,Mori,ha kade dau beMu. ¹⁸ Mori enga hareham kahha ana murri!" ¹⁹ Oro,kole jara,kaleteyi,mono kereta hatau Firaun tama ta bannu,Mori nakabaliwe we bannu ta yidda.Ta nyiduwe,Ata Israel da kako palage bannu ta ta tana kama yara. ²⁰ Bewalge weattoi Harun,Nabiah Miryam,nangalayi wuyo katabbo.Miryam mono tangada lawai kapuge ma nyanyi mono nege. ²¹ Miryam na manyanyi habale-balehana yidda: "Manyanyi tubanai Mori! oro Nyi na rayi bege harayi kamadaka.Nyi na baitadi jara mono kaleteyi neda lari ta banu." ISRAEL KAKO TA MARADA GILRA ²² Bewalge,Musda na kododi Ata Israel kako wali ta banu Malli aro ta marada gilra Syur.Yida da kako tauda laddo ta marada gilra tabolo lakma mata we. ²³ Bewalge,yida da diki ta Mara,tabolo yida wale na dadik mawe bada enuge we neda oro bana padduwe.Yiwe oroge,hadau neda maha ngarage Mara. ²⁴ Ata Israel halege dage bani tai Musa.Yida lidage,"Agana haenuda?" ²⁵ Musa dumo naka wula tai Mori monoi Mori naha tingoni gayi yayu madaka tabarana.Musa naha tamani yau nada lar ta we,yiwe inna we nadadi dahhawe ba enuge.Taha dau neda,Morinayiwe harehana mono hatukku bena tabrada yida mono Nyi nakabadi yida. ²⁶ Mori linage tabrada yida,"Nauwa Mori Allah mi.Nyi mi bamu rangewa Nauwa mono rayi gadi hatakkiGu,mono nyi mi bamu manaudu kagadi tangadi parehaGu mono ukku parehaGu,Nauwa enga waleg yik magimi kapore aga hingkayi ha yibeGu tabara ata Mesir.Nauwakna Mori kaha tagahami." ²⁷ Bewalge,yida da dikki ta Elim.Nedo dai kabulu duda mata we mono pitu kabullu pu karre.Yida dumo da dau tabara mata we.